Deuteronomio 1:5 - Chayahuita (Shahui)

⁵ Moaporoꞌsa noꞌpanënquë nicasoiꞌ, Moisësëso caniaritërin israiroꞌsa pënënacasoꞌ. Inahuaso noꞌpanën, napotëranquëmaso chachin Cortaniiꞌ quëran piꞌi pipirinso parti quëparitërin. Naporoꞌ iso pochin pënëntërin:

Deuteronomio 1:5 ပူးပေါင်းရင်းမြစ်များ

Deuteronomio 1:4

Coꞌhuara pënënchátëraponhuëꞌ, israiroꞌsaso amororoꞌsa canapi. Isipon ninanoquë Sicon copirno sontaronënpitarë chachin canapi. Asotaroto, Itërii, inapita ninanoroꞌsaquëntaꞌ, Oco copirno sontaronënpitarë chachin canapi. Inapitasoꞌ Pasan parti yaꞌhuëpi.

Deuteronomio 1:6

Sinai motopiquë niꞌsëhuaꞌ, Sinioro napotërinpoaꞌ: “Nani huaꞌqui iso motopiquë yaꞌhuëramaꞌ.

Deuteronomio 31:9

Yaꞌipi isopita pënëntërinsoꞌ, Moisësëri quiricaquë ninshitërin. Ninshitahuaton Nihui huënton corto huaꞌanoꞌsaꞌ, yaꞌipi Israiro ansianoꞌsaꞌ, inapitari tapacaiso marëꞌ quëtërin. Corto huaꞌanoꞌsasoꞌ, Yosërëꞌ anoyatopiso caposonën quëpanaꞌpiroꞌsaꞌ.

Deuteronomio 32:46

Nani aꞌchintahuaton itapon: “Yaꞌipi ipora shaꞌhuitëranquëmasopita noya yonquicoꞌ. Ina quëran huiꞌnamaꞌ, shiparimaꞌ, inapitanta camaico yaꞌipi pënëntërinsoꞌ natëcaiso marëꞌ.

Deuteronomio 4:8

Tëhuënchachin mini co aꞌna nacion tëranta canpoa pochin yaꞌhuërinhuëꞌ. Aꞌnapitaso co canpoa pochin noꞌtëquënáchin pënëntërinso nanan yaꞌhuëtopihuëꞌ. Camaitërinso nanan tëranta co yaꞌhuëtopihuëꞌ. Inapita canpitasoꞌ, ipora yaꞌipi aꞌchintaranquëmaꞌ.