Deuteronomio 1:1 - Chayahuita (Shahui)

¹ Moisësësoꞌ, israiroꞌsa camaicaso marëꞌ Cosoi acorin. Ina acorahuaton, yaꞌipi israiroꞌsaꞌ, pënëantarin. Arapa inotëroquë nicasoiꞌ, naporoíchin pënënin huachi. Inasoꞌ noꞌpaꞌ Cortaniiꞌ quëran, piꞌi pipirinso parti quëparitërin. Ina roꞌtë chachin Moapo canonamatë itopi antaꞌ. Aꞌnatëran Sopë ninano nisahuaton, Paran ninano yaꞌhuërin. Aꞌnatëraontaꞌ, Tohuiro, Napan, Asiroto, Tisaapa, inapita ninanoroꞌsa yaꞌhuërin.

Deuteronomio 1:1 ပူးပေါင်းရင်းမြစ်များ

Habacuc 3:3

Timan parti quëran Yosë huëꞌsarin. Inasoꞌ, noyasáchin nicaton Paran motopi quëran huëꞌsarin. Huënaratërinsoꞌ, yaꞌipi piꞌiroꞌtë aꞌpintërin. Yaꞌipi isoroꞌpaquëntaꞌ, inasáchin chinotapi.

Números 10:12

Inapohuachina Sinai inotëro quëran israiroꞌsa paantapi. Paꞌsapirinahuëꞌ Paran inotëro partiquë nipachinara, chitoro chiniconin.

Números 11:35

Quiporo-ataapa quëran paantarahuatonaꞌ, Asirotoquë canconpi. Inaquë huaꞌquimiachin yaꞌhuëpi.

Números 13:3

Siniorori napotohuachina, Paran inotëro parti quëran Moisësëri Israiro huaꞌanoꞌsa aꞌparin. Noꞌpaꞌ nahuicaiso marëꞌ aꞌparin.

Deuteronomio 31:1

Naquëranchin Moisësëri yaꞌipi israiroꞌsa nontaton itapon:

Josué 3:16

Co inaꞌhuaya naporinhuëꞌ. Atamo ninanoquë naporin. Inaso ninanoꞌ, Sarëtan itopiso yaꞌcari yaꞌhuërin. Sarëtansoꞌ, sontaroꞌsa noyá niacorapipiquë. Pëꞌnatëran iꞌ paꞌmarinsoso nipirinhuëꞌ, Chimiriiꞌ marëꞌpaꞌ nitiquimarin. Ina pochin Siniorori Cortaniiꞌ patomairin. Inapohuachina israiroꞌsasoꞌ, Quirico ninano notënanquë pëntonpi huachi.