Daniel 9:7 - Chayahuita (Shahui)

⁷ Quëmasoꞌ noya coisë pochin nicaton, noꞌtëquën anaꞌintërancoi. Ina marëꞌ quiyasoꞌ yaꞌipi cotioroꞌsacoi tapanai. Quirosarinquë yaꞌhuëpisopita, aꞌnapita israiroꞌsa yaꞌcaria yaꞌhuëpisoꞌ, áquë yaꞌhuëpisoꞌ, quëma nisha nisha noꞌparoꞌsaquë tëꞌyatërancoi. Yaꞌipicoi oshahuanai niꞌton, inapotërancoi.

Daniel 9:7 ပူးပေါင်းရင်းမြစ်များ

Nehemías 9:33

Co quëma tëhuëran quëran parisitëraihuëꞌ. Quiyaora tëhuënëhuëiquë parisitarai. Shaꞌhuitërancoiso chachin co noyahuëꞌ ninaiso marëꞌ noꞌtëquën anaꞌintërancoi.

Salmos 119:137

Quëmasoꞌ, noya coisë pochinquën. Shaꞌhuiransopitanta noꞌtëquënáchin shaꞌhuiran.

Salmos 51:14

Nichaꞌëco, ama tëpaꞌinacosohuëꞌ. Quëmasáchin nanitëran nichaꞌëancosoꞌ. Inapotohuatanco, nichaꞌërancosoꞌ yonquiato cantaarahuë.

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Isaías 45:16

Yaꞌipi mamanshi ninaꞌpiroꞌsasoꞌ, taparo nicaponaꞌ. Mamanshinënari co catahuarinhuë niꞌton, naní quëran tëhuayataponaꞌ.

Jeremías 23:6

Ina copirno nicasoꞌ, Cota huënton israiroꞌsa chaꞌëponaꞌ. Aꞌnapita israiroꞌsantaꞌ, sano cancan quëran yaꞌhuëaponaꞌ. Nininën nohuitatonaꞌ, ‘Sinioro nichaꞌërinpoasoꞌ,’ itaponaꞌ,” tënin.

Jeremías 7:19

Napoaponahuëꞌ, co casáchin anoꞌhuitërinacohuëꞌ. Inahuara chachin taparo nicacaiso marëꞌ naporapi. Caso Sinioroco napotaranquëmaꞌ.

Ezequiel 36:31

Naporoꞌ co noyahuëꞌ ninamasoꞌ, nishinahuën ninamasoꞌ, inapita yonquiatoma tapanapomaꞌ.

Daniel 9:14

Quëmaso Sinioro Yosënëhuëinquën niꞌton, noya coisë pochin ninan. Napoaton poꞌpin parisiaꞌhuaiso aꞌpatiirancoi. Quëmasoꞌ noyasáchin nipiranhuëꞌ, quiyaso co yanatërainquënhuëꞌ.

Daniel 9:18

Nosoroatoncoi Sinioro nontaranquënsoꞌ natanquëꞌ. Quirosarinquë pëinën yaꞌhuërin niꞌton, inaquë chinotopirainquënhuëꞌ, ataꞌhuantopi. Ina nicaton catahuacoi: ‘Noya ninaiso marëꞌ Sinioro aꞌpaniarincoi,’ co tënaihuëꞌ. Paꞌpi nosororancoisoꞌ yonquiatoi nontarainquën.

Daniel 9:8

Copirnonëhuëipita, huaꞌanoꞌsanëhuëipita, shimashonëhuëipita, inapita pochachin quiyantaꞌ, tapanai. Co natëtëinquënhuëꞌ oshahuanaiso marëꞌ naporai.

Amós 9:9

Trico toꞌnorahuachinara pintiapi. Canpitanta israiroꞌsanquëmaꞌ, inapotatë pochin nitiinëmasoꞌ camaitarahuë. Inapotohuachinënquëmaꞌ, napoonamasopitaso co chiniaramahuëꞌ.

Romanos 6:21

Inapohuatamara, ¿maꞌtaꞌ ina marëꞌ canaramaꞌ? Co ina marëꞌ canamiataramahuëꞌ. Topinan quëran yaꞌhuëramaꞌ. Ina pochin cancantohuatamaꞌ, chiminpatamaꞌ, parisitopiquë paꞌsaramaꞌ. Iráca ina pochin nipiramahuëꞌ, iporaso ina marëꞌ tapanamaꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

Deuteronomio 4:27

Nisha nisha nacionoꞌsaquë Sinioro nohuanton, quëpaponënquëmaꞌ. Inaquënta napoaponahuëꞌ, naꞌcon naꞌconquëma chiminaramaꞌ. Caraíchinquëma co chiminaramahuëꞌ.