Daniel 9:17 - Chayahuita (Shahui)

¹⁷ Quëmaso Sinioro Yosënëhuëinquën. Caso piyapinënco nipirahuëꞌ nontaranquënsoꞌ natanco. Natanatonco pëinën nishinahuën acopisoꞌ yonquiquëꞌ. Catahuaantahuatancoi: ‘¡Ma noyacha Siniorori catahuarin paya!’ taꞌtonaꞌ, piyapiroꞌsa paꞌyatarinën.

Daniel 9:17 ပူးပေါင်းရင်းမြစ်များ

1 Reyes 8:28

Ina niponahuëꞌ, Sinioro quëmaso Yosënëhuëinquën. Canta piyapinënco niꞌton, apira nontaranquënsoꞌ natanco. Chinotiinënquënso marëꞌ iso pëiquë huëꞌpachinaꞌ, tahuëri tashirë chachin niꞌsáquëꞌ. Isëquë quëma nininën yaꞌhuëarin niꞌton, nontëranquënsoꞌ natanco.

Nehemías 1:6

Onpopionta Sinioro nontëranquënsoꞌ natanco. Israiroꞌsacoisoꞌ, quëma piyapinënpitacoi. Inapita marëꞌ tahuëri tashirë chachin nontaranquën. Tëhuënchachin quiyasoꞌ co natëtëinquënhuëꞌ, oshahuanai. Cantaꞌ, quëmopinëhuëpitaroꞌco chachin oshahuanahuë.

Salmos 119:135

Caso piyapinënco. Noya nicatonco pënëntëransopita aꞌchintoco.

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Salmos 80:19

Quëmasoꞌ Sinioronquën, yaꞌipi nanitaparan. Catahuacoi iráca pochachin niantaꞌi. Noya nicatoncoi nichaꞌëpatancoi, chaꞌësarai huachi.

Salmos 80:3

Quëmaso Yosënquën. Catahuacoi iráca pochachin niantaꞌi. Noya nicatoncoi nichaꞌëhuatancoi, chaꞌësarai.

Salmos 80:4

Sinioro quëmasoꞌ yaꞌipi nanitaparan. Ama huachi noꞌhuitoncoirahuëꞌ, nontërainquënsoꞌ natanaton, nichaꞌëcoi.

Salmos 80:7

Quëmaso Yosënquën. Yaꞌipi nanitaparan. Catahuacoi iráca pochachin niantaꞌi. Noya nicatoncoi nichaꞌëpatancoi, chaꞌësarai.

Daniel 9:19

¡Sinioro onpopionta natancoi! Tëhuëtopirainquënhuëꞌ, nichaꞌëcoi. Nontaranquënsoꞌ natanaton, catahuacoi. Noya nicatënënquën paꞌyatiinënso marëꞌ catahuacoi. Quëma pëinënsoꞌ, Quirosarinquë yaꞌhuërin. Ina ninanonta yonquiaton catahuacoi. Piyapinënpitacointa chinotërainquënso yonquiaton, aꞌnaroáchin catahuacoi,” itërahuë.

Juan 16:24

Ipora huantaꞌ co ina pochin Yosë nonchátëraramahuëꞌ. Iporaso nipirinhuëꞌ ca pochin yonquiatomaꞌ, maꞌsha nico quëchinquëmaꞌ. ‘Quisoso nanan quëtërincoi,’ taꞌtomaꞌ, nani tahuëri nontácoꞌ nóya cancantacamaso marëꞌ,” itërincoi.

2 Corintios 1:20

Yaꞌipi Yosë shaꞌhuitërinpoasoꞌ Quisocristo acotarinpoaꞌ. Napoaton “Quisocristosoꞌ noꞌtëquën nonaton, catahuarinpoaꞌ. Ma noyacha Yosëso paya,” tënëhuaꞌ.

Apocalipsis 21:23

Inatohuaꞌ paꞌpatëhuaꞌ, co huachi piꞌi, yoqui, inapita nohuantarihuahuëꞌ. Tata Yosë chachin huënaráchin aꞌpintarinpoaꞌ. Carniroaꞌhuantaꞌ aꞌpintarinpoaꞌ.