Daniel 9:14 - Chayahuita (Shahui)

¹⁴ Quëmaso Sinioro Yosënëhuëinquën niꞌton, noya coisë pochin ninan. Napoaton poꞌpin parisiaꞌhuaiso aꞌpatiirancoi. Quëmasoꞌ noyasáchin nipiranhuëꞌ, quiyaso co yanatërainquënhuëꞌ.

Daniel 9:14 ပူးပေါင်းရင်းမြစ်များ

Nehemías 9:33

Co quëma tëhuëran quëran parisitëraihuëꞌ. Quiyaora tëhuënëhuëiquë parisitarai. Shaꞌhuitërancoiso chachin co noyahuëꞌ ninaiso marëꞌ noꞌtëquën anaꞌintërancoi.

Salmos 116:5

Siniorosoꞌ nosorotochináchin cancantërin. Noya coisë pochin paꞌpoyatërin. Noyápiachin cancantërin.

Salmos 119:137

Quëmasoꞌ, noya coisë pochinquën. Shaꞌhuiransopitanta noꞌtëquënáchin shaꞌhuiran.

Salmos 51:14

Nichaꞌëco, ama tëpaꞌinacosohuëꞌ. Quëmasáchin nanitëran nichaꞌëancosoꞌ. Inapotohuatanco, nichaꞌërancosoꞌ yonquiato cantaarahuë.

Jeremías 31:28

Piyapinëhuëpita huaꞌtatë tëꞌyatërëso pochin nitaꞌhuaso marëꞌ nóya niꞌnahuë. Maꞌsha onpotato ataꞌhuantërëso pochin nitaꞌhuaso marëntaꞌ, nóya niꞌnahuë. Napoaton yonquirahuëso chachin nanirin. Iporaso napoaponahuëꞌ, shaꞌtërëso pochin, pëirëso pochin nitaantaꞌhuaso marëꞌ noya niꞌsápo. Ca Sinioroco shaꞌhuitaranquëmaꞌ.

Daniel 4:34

Noyataꞌhuaso tahuëri nanihuachina, ca Napocotonoco inápaquë nëꞌpëtërahuë. Naporo chachin huaꞌyantërahuësoꞌ, noyatërahuë ninatanahuë. Noyatahuato: “Yosparinquën Sinioro,” itërahuë. Inaso yaꞌhuëmiatërin niꞌton, chinotërahuë: “Quëmasoꞌ Sinioro chiníquën nanantëran. Naporansoꞌ, inachachin nisápon. Shihuëipita onpo huënton ocoipirinahuë tërantaꞌ, quëmasoꞌ huaꞌanëntápon.

Daniel 9:7

Quëmasoꞌ noya coisë pochin nicaton, noꞌtëquën anaꞌintërancoi. Ina marëꞌ quiyasoꞌ yaꞌipi cotioroꞌsacoi tapanai. Quirosarinquë yaꞌhuëpisopita, aꞌnapita israiroꞌsa yaꞌcaria yaꞌhuëpisoꞌ, áquë yaꞌhuëpisoꞌ, quëma nisha nisha noꞌparoꞌsaquë tëꞌyatërancoi. Yaꞌipicoi oshahuanai niꞌton, inapotërancoi.