Daniel 9:12 - Chayahuita (Shahui)

¹² Poꞌpin anaꞌintatoncoi, shaꞌhuitërancoiso ananiran. Yaꞌipicoi, copirnonëhuëi quëran huarëꞌ paꞌpi chiníquën anaꞌintërancoi. Co intohua tëranta isoroꞌpaquë, Quirosarinquë parisitopiso pochin parisichinpihuëꞌ.

Daniel 9:12 ပူးပေါင်းရင်းမြစ်များ

1 Reyes 3:9

Ina pochin nacionsoꞌ, co insonta nanitërinhuëꞌ inaora noya huaꞌanëntacasoꞌ. ¡Quëmari anitotohuatan tëhuënchinsoꞌ, noya camaitapon! Napoaton yonquínahuan nicaꞌhuaso marëꞌ catahuaco. Noya nininsoꞌ, co noyahuëꞌ, nininsoꞌ inapita nitochi. Inapita nitotohuato piyanënpita noya huaꞌanëntarahuë,” itërin.

Salmos 148:11

yaꞌipi copirnoroꞌsaꞌ, yaꞌipi piyapinënpita, huaꞌanoꞌsaꞌ, coisëroꞌsaꞌ,

Salmos 2:10

Napoaton copirnoroꞌsanquëma yonquicoꞌ. Huaꞌanoꞌsanquëmantaꞌ, noya natancoꞌ. Apira aꞌchintaranquëmasoꞌ, noya nitotocoꞌ.

Proverbios 8:16

Huaꞌanoꞌsanta cari catahuarahuë huaꞌanëntopi. Coisëroꞌsanta catahuahuatora, maꞌsona onpotacaisoꞌ noꞌtëquën shaꞌhuipi.

Isaías 43:28

Corto huaꞌanoꞌsantaꞌ, pëinëhuëquë sacatopi. Inapopirinahuëꞌ, co noyahuëꞌ nipiso marëꞌ nocanahuë. Napoaton israiroꞌsanquëmaso Cacopo quëran pipipiramahuëꞌ, inimiconëmapitari ataꞌhuantatënënquëmaꞌ, atapanaponënquëmaꞌ,” itërin.

Isaías 44:26

Piyapinëhuëpita maꞌsona onpocaisoꞌ shaꞌhuipisopitaso nipirinhuëꞌ, ca nohuanton naniarin. Maꞌsona yonquipisontaꞌ, ca nohuanton nanipon. Quirosarinquë yaꞌhuëantacaisoꞌ, carima shaꞌhuitaranquëmaꞌ. Cota huënton ninanoroꞌsantaꞌ, nashaquëranchin acoantaponaꞌ. Inapitasoꞌ ataꞌhuantopirinahuëꞌ, naquëranchin acoantaponaꞌ.

Joel 2:2

Ina tahuëri nanihuachin huëhuëpiro tashinantápon. Chitorori piꞌiroꞌtë iꞌcopitohuachina tashinantërinso pochin nisarin. Panca sontaroꞌsa huënton chiníquënoꞌsaráchin huëꞌsapi. Motopiroꞌsataquëchin pantërërahuatona huëꞌsapi. Tahuëririahuachina aꞌpininso pochin niriapi. Iráca quëran huarëꞌ co insonta ina pochin niꞌchininhuëꞌ. Aꞌna tahuërinta co huachi ina pochin niꞌsapihuëꞌ.

Amós 3:2

“Isoroꞌpaquë nisha nisha nacionoꞌsa yaꞌhuëpirinhuëꞌ, canpitasáchin huayonanquëmaꞌ. Inapotopiranquëmahuëꞌ, co noyahuëꞌ ninama niꞌton, anaꞌintaꞌhuanquëmaso yaꞌhuërin.

Mateo 24:21

Ina quëran piyapiꞌsaꞌ chini chiníquën parisitapi. Isoroꞌpaꞌ yaꞌhuërin quëran huarëꞌ co ina pochin parisichátërapihuëꞌ. Ina piquëraontaꞌ co onporontaꞌ ina pochin parisitantarapihuëꞌ.

Mateo 5:18

Tëhuënchachin itëranquëmaꞌ. Isoroꞌpaꞌ taꞌhuantaquë huarëꞌ Yosë quiricanën iráca ninshitopisoꞌ yaꞌhuápon. Co aꞌna huiꞌsharinso tërantaꞌ topinan quëran ninshitopihuëꞌ. Yaꞌipi ninorinsoꞌ naniarin huachi.

Marcos 13:19

Naporoꞌ tahuëriꞌsaꞌ piyapiꞌsaꞌ chini chiníquën parisitapi. Isoroꞌpaꞌ ninin quëran huarëꞌ co ina pochin parisichátërapihuëꞌ. Ina piquëraontaꞌ co onporontaꞌ ina pochin parisitaantarapihuëꞌ.

Lucas 21:22

Ina tahuëriꞌsaꞌ nanihuachin, naꞌcon parisitapi. Iráca Yosë quiricanënquë ninorinso chachin naporo huarëꞌ Yosëri chiníquën anaꞌintarin.

Romanos 15:8

Iráca cotioroꞌsaꞌ shimashonënaꞌ nontaton, Yosëri itërin: “Aꞌna tahuëri Cristo aꞌpaimarahuë,” itërin. Napoaton Quisocristo aꞌpaimarin cotioroꞌsaꞌ catahuacaso marëꞌ. Shaꞌhuitërin niꞌton, aꞌpaimarin. Co onporontaꞌ nonpininhuëꞌ.