Daniel 9:11 - Chayahuita (Shahui)

¹¹ Yaꞌipi israiroꞌsacoi aꞌchintërancoisopita co natëraihuëꞌ. Camaitëransopitantaꞌ, co natëcaꞌhuaiso nohuantëraihuëꞌ. Iráca Moisësë pënëntërinsoꞌ quiricaquë shaꞌhuitërancoi: ‘Caso Yosëco niꞌton, shaꞌhuitaranquëmaꞌ. Iso quirica quëran pënënanquëmasopita co natëhuatamacohuëꞌ, paꞌpi chiníquën aparisitaranquëmaꞌ,’ itërancoi. Co quëma natëtëinquënhuëꞌ panca tëhuërai niꞌton, naporanso chachin iporasoꞌ parisitarai.

Daniel 9:11 ပူးပေါင်းရင်းမြစ်များ

2 Reyes 18:12

Sinioroso Yosënëna nipirinhuëꞌ, co natëpiso marëhuëꞌ inapotopi. Inapitarë anoyatërinsoꞌ, co natëpihuëꞌ. Moisësënta camaitërinsopita co natëpihuëꞌ. Inasoꞌ, Sinioro natëton noꞌtëquën camaitopirinhuëꞌ, co natëpihuëꞌ.

Isaías 1:3

Torosoꞌ, huaꞌanën nohuitërin. Morantaꞌ, huaꞌanëni pëi acotërinsoꞌ, nohuitërin. Israiroꞌsaso piyapinëhuëpita nipirinahuëꞌ, co nohuitërinacohuëꞌ. Co nohuitatonacohuëꞌ, co manta yonquipisohuë pochin niconpi.

Isaías 43:28

Corto huaꞌanoꞌsantaꞌ, pëinëhuëquë sacatopi. Inapopirinahuëꞌ, co noyahuëꞌ nipiso marëꞌ nocanahuë. Napoaton israiroꞌsanquëmaso Cacopo quëran pipipiramahuëꞌ, inimiconëmapitari ataꞌhuantatënënquëmaꞌ, atapanaponënquëmaꞌ,” itërin.

Jeremías 2:29

Co carimasoꞌ ¿maquë tëranta tëhuëtëranquëmahuë pora? Canpita mini tëhuënchinsoꞌ yaꞌipinquëma noꞌhuitë pochin nitëramaco. Ca Sinioroco shaꞌhuitaranquëmaꞌ.

Jeremías 6:19

Yaꞌipi isoroꞌpaquë yaꞌhuëpisopita natainaco. Piyapinëhuëpita co noyahuëꞌ nicatona oshahuanpi niꞌton, paꞌpi parisitacaiso aꞌpatarahuë. Aꞌchinahuësopita, pënëntërahuësoꞌ, inapita co yanatëtonaraihuëꞌ, nocanpi niꞌton, inapotarahuë.

Daniel 9:13

Moisësë pënëntërinsoꞌ quiricaquë ninshitërinso pochachin paꞌpi chiníquën parisitërai. Inapoapiraihuëꞌ, co chinotërainquënhuëꞌ. Co noyahuëꞌ ninaisopitanta co aꞌporaihuëꞌ. Noꞌtë nanan aꞌchintërancoisontaꞌ, co imaraihuëꞌ.

Daniel 9:5

Tëhuënchachin quiyasoꞌ co noyahuëꞌ nicatoi oshahuanai. Co costaransohuëꞌ ninai. Co quëma yaꞌhuëransohuë pochin cancantatoi yaꞌhuërai. Camaitëransopita, shaꞌhuiransopita, inapita aꞌporai.

Deuteronomio 8:20

Noyaroꞌpaquë yaꞌconapoma pochin, Siniorori nisha nisha nacionoꞌsa ataꞌhuantërapon. Inapochachin canpitanta co ina natëhuatamahuëꞌ, ataꞌhuantarinquëmaꞌ,” itërin.