Daniel 9:1 - Chayahuita (Shahui)

^1-2 Papironiaroꞌsasoꞌ, Asoiro huiꞌnin Tario itopisori huaꞌanëntarin. Inahuasoꞌ, Mitia piyapiroꞌsaꞌ. Ina Tario ipora huarëꞌ aꞌna piꞌipíchin huaꞌanëntasoꞌ, caso Irimiasë ninshitërinsoꞌ quirica nontato, naꞌcon yonquirahuë. Inasoꞌ pënëntonaꞌpi, ninoton aninshitërin: “Quirosarin ninanosoꞌ ataꞌhuantohuachinaꞌ, canchisë shonca piꞌipi naꞌpiroꞌsaraꞌ yamorápon,” tënin. Siniorori anitotërin niꞌton, ina pochin aninshitërin.

Daniel 9:1 ပူးပေါင်းရင်းမြစ်များ

Daniel 1:21

Inapoaton Nanirisoꞌ, Papironia copirno huaꞌanëntërinso pëiquë sacatërin. Pirsia copirno Siro itopisoꞌ, aꞌna piꞌisaꞌ copirno yaꞌconinso naniquë huarëꞌ, inaquëranchin sacatërin.

Daniel 5:31

Mitia copirno Tario itopisoari yaꞌhuërëtërin. Saota shonca cato piꞌipitahuaso napoarin.

Daniel 6:1

Yaꞌipi huaꞌanëntërinquë camaitacaiso marëꞌ Tario copirnosoꞌ, pasa cato shonca chirinchiroꞌsa acorin.

Daniel 6:28

Ina pochin Nanirisoꞌ, Tario copirno catahuarin. Pirsia copirno Siro itopisontaꞌ, catahuarin. Inapitarintaꞌ, chiníquën nanan camaitacaso marëꞌ quëtopi niꞌton, naporin.