Daniel 7:6 - Chayahuita (Shahui)

⁶ Ina piquëran niantarinsontaꞌ, paꞌpini pochin yaꞌnorin niꞌnahuë. Inasoꞌ, catapini anpiantëhuanin. Motënpitanta catapini yaꞌhuëtërin. Naporahuaton, chiníquën nanan quëtopi huaꞌanëntacaso marëꞌ niꞌnahuë.

Daniel 7:6 ပူးပေါင်းရင်းမြစ်များ

Daniel 2:39

Quëma piquëran, aꞌna yaꞌhuërëꞌ huaꞌanëntaantapon. Inaso co onpopinchin chiníquën nanantarinhuëꞌ. Ina piquërantaꞌ, aꞌna yaꞌhuërëꞌ yaꞌipi roꞌpaꞌ huaꞌanëntaantapon. Oro, prata, inapita quëran co onpopinchin shaꞌpi huaꞌnaso paꞌtërinhuëꞌ. Ina pochin ina copirnontaꞌ, nisarin.

Daniel 7:4

Yaꞌnatiirinsosoꞌ, paꞌpiniꞌ pochin niꞌtaponahuëꞌ, panca onian pochin anpiantëhuanin. Ina nicasoco chachin anpiantënpita oshitëtahuatonaꞌ, piyapi pochin ahuanipi. Inapotohuachinara, piyapi pochachin cancantërin.

Daniel 7:5

Ina piquëran niantarinsosoꞌ, tocani pochin yaꞌnorin. Inasoꞌ huanihuachina, aꞌnatëran inapamiachin huanirin niꞌton, aꞌnatëranso tahuanin. Cara maꞌsha nininpitëꞌ, naquërin niꞌnahuë. Naporahuaton: ‘¡Paaton onponta nosha caꞌquëꞌ!’ itopi natanahuë.

Oseas 13:7

Naporamaso marëꞌ paꞌpiniꞌ yamapintërinso pochin pashitaꞌpaponquëmaꞌ. Yaraniꞌ, iraquë ninatërinso pochin nitaranquëmaꞌ.

Apocalipsis 13:2

Yarani pochin niponahuëꞌ, tocani pochin nantëtërin. Nanamënsoꞌ paꞌpini pochin nanantërin. Panca yaꞌhuani chachin chiníquën nanan quëtapon niꞌton, chiníquën nanantaton, copirno yaꞌconapon.