Daniel 7:5 - Chayahuita (Shahui)

⁵ Ina piquëran niantarinsosoꞌ, tocani pochin yaꞌnorin. Inasoꞌ huanihuachina, aꞌnatëran inapamiachin huanirin niꞌton, aꞌnatëranso tahuanin. Cara maꞌsha nininpitëꞌ, naquërin niꞌnahuë. Naporahuaton: ‘¡Paaton onponta nosha caꞌquëꞌ!’ itopi natanahuë.

Daniel 7:5 ပူးပေါင်းရင်းမြစ်များ

2 Reyes 2:24

Napotohuachinara, Irisiori tahuërëtahuaton co noyahuëꞌ niꞌnin: “Napotëramacoso marëꞌ Sinioro co noyahuëꞌ niꞌninquëmaꞌ. Napoaton ama huachi noya yaꞌhuëcamaso marëhuëꞌ, shaꞌhuichinquëmaꞌ,” itërin. Itahuaton pataso chachin, cato tocaniꞌ yaꞌnorin, catapini shonca cato huaꞌhuaroꞌsa oqui oquitahuatonaꞌ, tëpapi.

Daniel 2:39

Quëma piquëran, aꞌna yaꞌhuërëꞌ huaꞌanëntaantapon. Inaso co onpopinchin chiníquën nanantarinhuëꞌ. Ina piquërantaꞌ, aꞌna yaꞌhuërëꞌ yaꞌipi roꞌpaꞌ huaꞌanëntaantapon. Oro, prata, inapita quëran co onpopinchin shaꞌpi huaꞌnaso paꞌtërinhuëꞌ. Ina pochin ina copirnontaꞌ, nisarin.

Daniel 5:28

Parsin huaꞌanëntëransosoꞌ, nipatomataponaꞌ. Mitia piyapiroꞌsaꞌ, Pirsia piyapiroꞌsaꞌ, inapitari huaꞌanëntapona huachi tapon naporin, itërin Naniriri.

Daniel 7:4

Yaꞌnatiirinsosoꞌ, paꞌpiniꞌ pochin niꞌtaponahuëꞌ, panca onian pochin anpiantëhuanin. Ina nicasoco chachin anpiantënpita oshitëtahuatonaꞌ, piyapi pochin ahuanipi. Inapotohuachinara, piyapi pochachin cancantërin.

Daniel 7:6

Ina piquëran niantarinsontaꞌ, paꞌpini pochin yaꞌnorin niꞌnahuë. Inasoꞌ, catapini anpiantëhuanin. Motënpitanta catapini yaꞌhuëtërin. Naporahuaton, chiníquën nanan quëtopi huaꞌanëntacaso marëꞌ niꞌnahuë.

Oseas 13:8

Tocaniꞌ huaꞌhuinpita ayataton paaso piyapi quënanpachina, tëparin. Inapotahuaton ninopinën paꞌsa paꞌsatërin. Inapochachin carinquëmantaꞌ, nitaranquëmaꞌ. Paꞌpininta mapintohuachina, mapinën inaranchin pëꞌyarinso pochin nitaranquëmaꞌ. Maton maꞌshantaꞌ, mapinën paꞌsa paꞌsatërin. Inapochachin carinquëmantaꞌ, israiroꞌsanquëma ataꞌhuantaranquëmaꞌ. Co insonta paꞌpoyaponquëmahuëꞌ.

Apocalipsis 13:2

Yarani pochin niponahuëꞌ, tocani pochin nantëtërin. Nanamënsoꞌ paꞌpini pochin nanantërin. Panca yaꞌhuani chachin chiníquën nanan quëtapon niꞌton, chiníquën nanantaton, copirno yaꞌconapon.