Daniel 7:1 - Chayahuita (Shahui)

¹ Pirsasaro copirno Papironiaquë nani aꞌna piꞌira huaꞌanëntarin. Naporoꞌ Nanirisoꞌ, aꞌna tashi huëꞌërinquë huaꞌnarin. Capayatahuaton noya noya nininsopita huaꞌnarinsoꞌ, ninshitërin.

Daniel 7:1 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 46:2

Naporo tashi Yosëri huaꞌnarëso pochin yaꞌnotërin. Yaꞌnotahuaton, nininën quëran përarin: “Cacopo” itërin. Napotohuachina, inariso itapon: —Maꞌta Sinioro yaꞌhuarahuë, itërin.

Copo naporinso' 4:13

Yono tashi piyapiꞌsa huëꞌësoiꞌ, huëꞌëhuëquë nocorinco. Capayatohuatora, paꞌyan tënahuë.

Isaías 30:8

Ina quëran Siniorosoꞌ camaiantatonco: “Iporasoꞌ nontë masahuaton, shaꞌhuitëranquënsopita ninshitëquëꞌ. Noya ninshitahuaton inaquë acoquëꞌ. Shaꞌhuirahuësopita nitotacaiso marëꞌ inaquë yaꞌhuëmiachin.

Isaías 8:1

Aꞌna tahuëri Sinioro nontatonco itaponco: “Panca nontë maquëꞌ. Inaquë aꞌninquëchin ninshitapon: ‘Mairo-sararo-aspasoꞌ.’

Jeremías 23:28

Aꞌna pënëntonaꞌpi huaꞌnatohuachina, ‘huaꞌnarahuë taꞌa,’ chin. Nanamëhuë chachin natanpachinso napoaponahuëꞌ, ama nisha shaꞌhuiinsohuëꞌ. Tricorayasoꞌ co piꞌpitën pochin nininhuëꞌ. Nanamëhuësoꞌ, tricoraya pochin ninin. Nanamëhuësoꞌ, pën maꞌsha ahuiquitërinso pochin ninin. ¡Panca martichoquë natëtë nipoatërëso pochin ninin antaꞌ! Ca Sinioroco shaꞌhuitaranquëmaꞌ.

Jeremías 36:32

Napotohuachincora, aꞌna soꞌnanpi quirica maantarahuato, Paroco ninshitonaꞌpi quëtërahuë. Ina quëran iꞌhua Coaquin copirnori ahuiquitërinquë yaꞌhuërinso pochachin aninshitaantarahuë. Iꞌhua aninshitërahuë quëran, naꞌcon naꞌcon pochin aninshitocoantarahuë.

Jeremías 36:4

Napotohuachincora, Niriasë huiꞌnin Paroco itopisoꞌ amatërahuë. Huëꞌpachina, yaꞌipi Sinioro anitotërincosopita ninshitacaso marëꞌ camairahuë: “Nonahuëso chachin yaꞌipi ninshitëquëꞌ,” itërahuë. Napotohuatora, yaꞌipi ninshitërin.

Ezequiel 1:1

Caso Isiquiro corto huaꞌanco. Tatahuësoꞌ, Posi itopi. Papironiaꞌpaꞌ cantaꞌ, quëparinaco. Aꞌna tahuëri aꞌnapita quëpapisopitarëꞌco chachin Quiparoiꞌ itopisoꞌ yonsanꞌpaꞌ nisarai. Inaquë nicasoco aꞌnanaya huaꞌnarëso pochin piꞌiroꞌtë niiꞌsohuatohuachina, Yosë yaꞌnorin niꞌnahuë. Coaquin copirno quëpi quëran huarëꞌ nani aꞌnatërápo piꞌipi, catapini yoqui nisarin. Naporahuaton nani cara shonca piꞌipitarin Napocotono copirno yaꞌconinsoꞌ. Naporoꞌ Siniorosoꞌ chiníquën nanantaton, aꞌnotërincosopita nicaꞌhuaso marëꞌ catahuarinco.

Daniel 1:17

Yosë nohuanton inapita huiꞌnapiꞌsasoꞌ, yonqui yonquícharahuatonaꞌ, nitoto nitotócharapi. Nisha nananquë quiricaroꞌsa ninshitopirinahuëꞌ, inanta nitotaantapi. Yaꞌipi aꞌchintopiso nitotopi. Naporahuaton Nanirisoꞌ, maꞌsona tapon huaꞌnapisopitanta nitotërin. Huaꞌnarëso pochin niꞌpachinantaꞌ, maꞌsona tapon naporinso nitotërin.

Daniel 2:1

Napocotono paꞌpin yaꞌhuërënamën Copirno yaꞌconinsoꞌ, nani cato piꞌipitarin. Naporoꞌ inaso nisha nisha huaꞌnaton, paꞌyanin. Ina yonquirápaton co huachi huëꞌëcaso nanitërinhuëꞌ.

Daniel 2:26

Napotohuachina copirnori Naniri nontaton itapon: —¿Quëma Piritasasaro nanitëran huaꞌnarahuësoꞌ, maꞌsona tapon naporinsoꞌ, inapita shaꞌhuitaancoso ti? itërin.

Daniel 4:13

Ina quëran huëꞌëhuëquë, aꞌnara aꞌpaito anquëni aꞌnanaya niꞌnahuë. Inasoꞌ inápa quëran oꞌmarahuaton: ‘Panca nara nisahuasoꞌ aꞌnërahuatomaꞌ, sëꞌpaquënpita pëꞌshitëcoꞌ. Monoquënpita matahuatomaꞌ, nitërinsonta paꞌsa paꞌsatocoꞌ. Yaꞌipi maꞌsharoꞌsa inaanaquë naꞌipisoꞌ, taꞌainaꞌ. Inairaroꞌsanta sëꞌpainpitaquë yaꞌhuëpisoꞌ, paꞌinaꞌ.

Daniel 5:1

Huaꞌqui quëran, Pirisasaro yaꞌhuërëꞌ, Papironia copirno yaꞌcoantarin. Aꞌna tahuëri inasoꞌ, panca pita ninin. Yaꞌipi huaꞌanëntërinso noꞌparoꞌsa quëran, huaranca huaꞌanoꞌsa amatërin. Inapitarë chachin coshatahuatonaꞌ, notohuaroꞌ huino oꞌopi.

Daniel 5:22

Tata naporinso quëmanta sinioro copirno nitotaponahuëꞌ, co cancan yonquiaton sano yonquiranhuëꞌ.

Daniel 5:30

Napoaponahuëꞌ, naporo tashi chachin Pirisasaro copirno tëpapi.

Daniel 7:13

Huëꞌëhuëquë inapita nicasoco, aꞌnanaya, aꞌnara quëmapi chitoro huáncana oꞌmararin. Oꞌmarahuaton Ansiano huënsëarinso yaꞌcariꞌ, paꞌnin. Ina quëran ayaꞌcaritopi huachi.

Daniel 7:15

Yaꞌipi inapita niꞌsahuato, paꞌpi paꞌyanahuë. Co napion ancantato, aꞌnara inaquë huaniárinsoꞌ, paaparahuë: ‘Yaꞌipi niꞌnahuësopita ¿maꞌta tapon naporin? Shaꞌhuitoco canta nitochi topirahuë,’ itërahuë. Napotohuatora: ‘Catapini maꞌsharoꞌsa pochin niꞌnansopitasoꞌ, catapini copirnoroꞌsa tapon naporin. Inapitasoꞌ huaꞌanëntohuachinaꞌ, yaꞌipiroꞌpaꞌ huaꞌanëntaponaꞌ.

Daniel 7:7

Piquëran nininsosoꞌ, paꞌpi tëꞌhuatoro yaꞌnorin niꞌnahuë. Naporahuaton paꞌpi chiníquën. Panca natëroꞌsa huaꞌnamia quëran yaꞌhuëtërin. Nani maꞌsha quënaninsopita pëꞌyaraꞌpiarin. Oshitë oshitëtëraꞌpiarin. Pëꞌsotërinsopitanta toꞌpi toꞌpitëraꞌpiarin. Inasoꞌ, co aꞌnapita maꞌsharoꞌsa huëꞌëhuëquë niꞌnahuëso pochin yaꞌnorinhuëꞌ. Shonca pomonënpita motënquë yaꞌhuëtërin.

Joel 2:28

Naquëranchin Sinioro taantarin: “Ina tahuëriꞌsa naꞌhuërinso piquëran, ispiritonëhuë yaꞌipi piyapinëhuëpita ayaꞌcoancantarahuë. Inapotohuato, huiꞌnamapita quëmapiꞌsaꞌ, sanapiꞌsaꞌ, yonquirahuëso shaꞌhuiponaꞌ. Mashoyaroꞌsanta huaꞌnataponaꞌ. Huiꞌnapiꞌsanta huaꞌnarëso pochin aꞌnotërahuësoꞌ, niꞌsapi.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.

Habacuc 2:2

Ina quëran Sinioro anitotaantarinco: “Naꞌpi patëtahuaton nontë pochin acoquëꞌ. Inaquë maꞌsona anitotaranquënsoꞌ, aꞌninquëchin ninshitëquëꞌ. Noya nontatona nitotacaiso marëꞌ inapoquëꞌ.

Romanos 15:4

Iráca Yosë quiricanënquë naꞌcon ninshitopi. Canpoantaꞌ yonquicaso marëꞌ napopi. “Iráca imapisopitantaꞌ maꞌsha onpoaponaraihuëꞌ, Yosë yonquiatonaꞌ, ahuantopi. Yosëri noya catahuahuachina, imamiatopi. Inapochachin Yosë noya catahuarinpoaꞌ canpoantaꞌ,” taꞌcaso marëꞌ ninshitopi.

2 Corintios 12:1

Co nohuantërahuëꞌ aꞌnapita nocanaꞌhuasoꞌ. “Casoꞌ noya noya piyapico,” co taporahuëꞌ, piꞌpian ina pochin shaꞌhuichinquëmaꞌ. Iráca Yosë nohuanton, huaꞌnarëso pochin maꞌsha niꞌnahuë. Quisocristo chachin anitotërincosoꞌ.

Apocalipsis 1:19

Niꞌnansoꞌ ninshitëquëꞌ. Apira Yosë nohuanton, naquëranchin nani maꞌsha niantaran. Ipora naporapisoꞌ, aꞌna tahuëri maꞌsha onpocasontaꞌ, inapita aꞌnochinquën ninshitantaquëꞌ.

Apocalipsis 10:4

Nonpachinara, natanato quiricaquë yaninshitopirahuëꞌ, inápa quëran aꞌna shaꞌhuitërinco: “Ama naporinsoꞌ ninshitëquësohuëꞌ. Co aꞌnapita shaꞌhuitacasoꞌ yaꞌhuërinhuëꞌ,” itërinco.