Daniel 6:7 - Chayahuita (Shahui)

^7-8 Yaꞌipi noꞌpanënpoaquë huaꞌanoꞌsa yaꞌconaisoꞌ, aꞌnara nanan quëma camaitacaso marëꞌ yonquirai. Cara shonca tahuëri marëꞌ quëmasáchin sinioro copirno piyapiroꞌsa maꞌsha nohuantopisoꞌ, natainën. Co aꞌna piyapi natanacaiso yaꞌhuërinhuëꞌ. Co yosënëna tëranta natanacaiso yaꞌhuërinhuëꞌ. Insosona co natëtohuachinhuëꞌ, paꞌpiniroꞌsa yaꞌhuërinquë tëꞌyatacaiso yaꞌhuërin. Ina inachachin nicacaiso marëꞌ quëma sinioro copirno quirica ninshitëraiquë, nininën acorahuaton huiꞌshaquëꞌ. Inapotohuatan, co huachi incari tëranta anishataponhuëꞌ. Mitiaroꞌsaꞌ, pirsiaroꞌsaꞌ, inapita ina pochin camaitohuachinara, co incari tëranta nanitërinhuë tapicasoꞌ, itopi.

Daniel 6:7 ပူးပေါင်းရင်းမြစ်များ

Salmos 2:2

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

Daniel 2:4

Napotohuachina, inapitaso Aran nananquë copirno nontopi: —¡Quëmaso sinioro copirno chiníquën nanantëran! ¡Huaꞌqui tahuëri nicaton, huaꞌanëntocoi! Quiyaso quëma piyapinënpitacoi. Shaꞌhuitocoi huaꞌnaranso nipachin, maꞌsona tapon naporinso shaꞌhuichinquën, itopi.

Daniel 3:11

Insosona co natëhuachinquënhuëꞌ, naporo chachin panca orno huënaratapaquë tëꞌyatacaisontaꞌ, camaitëran.

Daniel 3:2

Ina piquëran, yaꞌipi chirinchiroꞌsa panca pancana huaꞌanëntopisopita amatërin. Sontaro huaꞌanoꞌsaꞌ, propincia chirinchiroꞌsaꞌ, copirno ayonquinaꞌpiroꞌsaꞌ, coriqui tapanaꞌpiroꞌsaꞌ, coisëroꞌsaꞌ, aꞌnapita huaꞌanoꞌsanta yaꞌipi propinciaroꞌsa quëran, amatërin. Mamanshi anitërinso moshacaiso marëꞌ yaacoaton, amatërin. Napohuachina, yaꞌipi ina huaꞌanoꞌsa inaquë niyontonpi.

Daniel 3:27

Napohuachinara, yaꞌipi huaꞌanoꞌsa inaquë nisapisopitari yamotiipi. Co manta huëyapisohuëꞌ niꞌpi. Co ainëna tëranta huësorochatërarinhuëꞌ. Aꞌmopisontaꞌ, co manta onporinhuëꞌ. Co piꞌpian tëranta conai huëꞌëropiri maninhuëꞌ.

Daniel 6:16

Napotohuachinara, camaitërin: “Naniri quëcatomaꞌ, paꞌpiniꞌ yaꞌhuërinquë tëꞌyatocoꞌ,” tënin. Coꞌhuara tëꞌyachátërasoihuëꞌ: —Quëmaso Naniri, Sinioroíchin cancantaton natëran. Ina nichaꞌëinquën, itërin.

Miqueas 6:5

Canpitaso piyapinëhuëpitanquëmaꞌ. Moapo copirno Paraco itopisoꞌ naporinso yonquicoꞌ. Paramo ama huachi noya yaꞌhuëcamaso marëhuëꞌ, shaꞌhuitiinquëmaso marëꞌ yapahuërërinsoꞌ, yonquicoꞌ. Inapotopirinhuëꞌ, ca nohuanton Paramori shaꞌhuitërinsontaꞌ, yonquicoꞌ. Shimashonëmapita Sitin quëran pipirahuatonaꞌ, Quiricaroquë canconacaiso marëꞌ napopisontaꞌ, yonquiricoꞌ. Cortaniiꞌ ayanirahuëtaquëchin pëntonatonaꞌ, paꞌpi canatopisopita pochin nipisoꞌ yonquicoꞌ,” itërinpoaꞌ.

Mateo 12:14

Ina nicatona parisioroꞌsasoꞌ pipipi. Pipirahuatonaꞌ, Quisoso tëpacaiso marëꞌ yonquipi huachi.

Mateo 26:4

Inaquë niyontonahuatonaꞌ, ninontapi Quisoso tëpacaiso marëꞌ. —Ama pita tahuëri chachin maahuasohuëꞌ, piyapiꞌsaꞌ noꞌhuihuachinënpoaꞌ. Quisoso paꞌyatapi niꞌton, ahuëarinënpoaꞌ. Napoaton poꞌoana quëran maahuaꞌ, nitopi.

Marcos 15:1

Tahuërianpitohuachinara, yaꞌipi cotio ansianoꞌsaꞌ, cotio maistroꞌsaꞌ, corto huaꞌanoꞌsaꞌ, inapita niyontonahuatonaꞌ, ninontopi. Ina quëran Quisoso tonporahuatonaꞌ, Pirato yaꞌhuërinquë quëpapi.

Juan 12:10

Ananpitaantarinso marëꞌ naꞌayaꞌpi co huachi cotio huaꞌanoꞌsaꞌ yanatëpihuëꞌ. Inapita aꞌporahuatonaꞌ, Quisoso imasapi. Napoaton huaꞌanoꞌsari yonquipi Nasarontaꞌ tëpacaiso marëꞌ.