Daniel 5:7 - Chayahuita (Shahui)

⁷ Ina quëran ninotonaꞌpiroꞌsaꞌ, quirica nitotoroꞌsaꞌ, tayora nitotoroꞌsaꞌ, inapita quëcacaiso marëꞌ chiníquën camaitërin. Huëꞌpachinara: —Inso tëranta pasoꞌ ninshitopisoꞌ nontaton, maꞌsona tapon naporinso shaꞌhuitohuachinco, copirnoroꞌsa aꞌmorinsoanpi aaꞌmotarahuë. Oro quëran catina nipisoꞌ apëꞌpëconotarahuë. Naporahuaton ca pochin nanantacaso marëꞌ aꞌna huaꞌaniáchini yaꞌcopiarin, tënin.

Daniel 5:7 ပူးပေါင်းရင်းမြစ်များ

Génesis 41:8

Tashiramiachin huaraonsoꞌ huaꞌnarinso yonquiaton, co napion cancantërin. Napoaton piyapinënpita camairin yaꞌipi Iquipito noꞌpaquë ninotonaꞌpiroꞌsa huëcacaiso marëꞌ. Quirica nitotoroꞌsanta amatërin. Inapita huëꞌpachinara, huaꞌnarinsoꞌ shaꞌhuitërin. Shaꞌhuitopirinhuëꞌ, co incari tëranta nanitërinhuëꞌ maꞌsona tapon huaꞌnarinso shaꞌhuitacaisoꞌ.

Éxodo 7:11

Copirnoso nipirinhuëꞌ, nitotonoꞌsaꞌ, pënotonoꞌsaꞌ, inapita amatërin. Inapitanta pënotatonaꞌ, inachachin nicacaiso marëꞌ amatërin.

Proverbios 1:9

Inapita aꞌchinpiso co naniantohuatanhuëꞌ, nitapacaiso marëꞌ yancotë yancopiso pochin, miyo pëꞌpëpiso pochin costapiroꞌ yaꞌnoaran.

Daniel 1:20

Aꞌna tahuëri maꞌsona nicacasoꞌ natanpachina, aꞌnapita quirica nitotoroꞌsa quëran noya noya shaꞌhuitopi. Magiaroꞌsaꞌ, ninotonaꞌpiroꞌsaꞌ, co inapitari tëranta inapita huiꞌnapiꞌsa pochin copirno shaꞌhuitopihuëꞌ.

Daniel 2:2

Napohuachina, magiaroꞌsa amatërin. Ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, inapitanta amatërin. Maꞌsona tapon huaꞌnarinsopita shaꞌhuitacaiso marëꞌ naporin. Napoaton yaꞌipi inapitari paapapi. Naporo inasoꞌ: —Huëꞌëhuëquë maꞌsha quënanahuë. Napoaporahuëꞌ, maꞌsona tapon huaꞌnarahuëso co nitotatohuëꞌ, yonquirárahuë, itërin.

Daniel 2:27

—Tëhuënchachin mini sinioro copirno, magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsa inapita yaꞌhuërin. Yaꞌhuëpirinahuëꞌ, co aꞌnaya tëranta quëma yanitotëranso nanitopihuëꞌ anitotiinënsoꞌ. Napoaponahuëꞌ, inápaquë aꞌnara Yosë yaꞌhuërin. Co onpo nitotacasohuëꞌ nipisopita nanitërin anitotiinpoasoꞌ. Ina mini anitotarinquën aꞌna tahuëri maꞌsona onpocasoꞌ. Maꞌsona huaꞌnaransoꞌ, maꞌsona tapon naporinsoꞌ, inapita iporaso shaꞌhuitaranquën: Huëꞌëranquë quëhuënaton, aꞌna tahuëri maꞌsona onpocasoꞌ yonquiráran. Naporaran quëran huëꞌëpiranhuëꞌ, Yosësoꞌ, aꞌna tahuëri maꞌsona onpocasoꞌ, huaꞌnaran quëran anitotërinquën.

Daniel 2:48

Ina quëran chiníquën nanantaton camaitacaso marëꞌ acorin. Yaꞌipi Papironia propinciaquë chirinchi nicacaso marëꞌ acorahuaton, yaꞌipi quirica nitotoroꞌsa camaicaso marënta acorin. Naporahuaton notohuaroꞌ maꞌsha paꞌton nininsopita quëtërin.

Daniel 2:6

Huaꞌnarahuëso shaꞌhuitatomaco, maꞌsona tapon naporinsonta shaꞌhuitoco. Inapotohuatamaco, notohuaroꞌ maꞌsha nicanaranquëmaꞌ. Ca nohuanton naní quëran noya nicatënënquëmaꞌ, moshaponënquëmaꞌ. Napoaton huaꞌnarahuëso shaꞌhuitatomaco, maꞌsona tapon naporinsonta shaꞌhuitoco, itërin.

Daniel 5:11

Isëquë aꞌnara quëmapi yaꞌhuërin. Inasoꞌ, noya yosëroꞌsa ispiritonëni onpo nanpicasona anitotërin. Paꞌpi yonquínahuan niꞌton, tata Napocotonocori noyá nohuitërin. Aꞌnapita quirica nitotoroꞌsa quëran yonqui yonquínahuan niꞌton, inapita huaꞌanën nicacaso marëꞌ acorin.

Daniel 5:15

Pairaquë ninshitopiso nontatona maꞌsona tapon naporinso shaꞌhuitiinacoso marëꞌ, naꞌcon quirica nitotopisopita përarahuë. Huëcaponaraihuëꞌ, nisha nananquë ninshitopi niꞌton, co nitotopihuëꞌ.

Daniel 5:16

Quëmaso napoaponahuëꞌ, sacai nininsopita nito shaꞌhuiransoꞌ natantërahuë. Iso ninshitopisoꞌ nontaton, maꞌsona tapon naporinso shaꞌhuitohuatanco, copirnoroꞌsa aꞌmorinsoanpi aaꞌmotaranquën. Catinanta oro quëran nipisoꞌ, apëꞌpëconotaranquën. Naporahuaton ca pochin nanantacaso marëꞌ aꞌna huaꞌaínchin yaꞌcopiarinquën, itërin.

Daniel 5:29

Napotohuachina copirnosoꞌ, piyapinënpita camairin: “Ca aꞌmorahuësoanpi Naniri aꞌmotahuatomaꞌ, oro quëran catina nipiquë apëꞌpëconotocoꞌ. Naporahuaton ca pochin nanantacaso marëꞌ, aꞌna huaꞌaínchini yaꞌcopiapon. Yaꞌipinquëma ina nitotocoꞌ,” itërin. Copirno napohuachina piyapinënpitasoꞌ, ina inachachin nipi.

Números 22:7

Moapo ansianoꞌsaꞌ, Matian ansianoꞌsaꞌ, inapitaso naꞌcon coriqui quëpapi. Paramori israiroꞌsa inapotohuachin, pahuërëcaiso marëꞌ quëpapi. Yaꞌhuërinquë canpachinara, Paracori nanan aꞌpatërinso shaꞌhuitopi.

Números 24:11

Noya nicatënquën naꞌcon yaacanapiranquënhuëꞌ, Sinioro yaꞌcopirinquën niꞌton, co inapotaranquënhuëꞌ. ¡Iporasoꞌ yaꞌhuëranquë paantaquë huachi! itërin.