Daniel 5:10 - Chayahuita (Shahui)

¹⁰ Copirno, huaꞌanoꞌsaꞌ, inapita paꞌyanënaquë noncaropisoꞌ, copirno aꞌshionta natanin. Ina natanaton, coshatopiso pëiquë yaꞌconconin. Huaꞌhuin paaparahuaton: —¡Quëmaso sinioro copirno chiníquën nanantëran! ¡Huaꞌqui tahuëri nicaton, huaꞌanëntocoi! Ama naꞌcon naꞌcon paꞌyanaton, shaꞌpíchin niꞌtëquësohuëꞌ.

Daniel 5:10 ပူးပေါင်းရင်းမြစ်များ

1 Reyes 1:31

Napotohuachina Pitisapisoꞌ, copirno noya nicaton isonin. Isonin quëran noꞌpaquë huarëꞌ monshomarin. Napotahuaton chiníquën nonin: —¡Nanpimiataton sinioro copirno huaꞌanëntocoi! itërin.

Daniel 2:4

Napotohuachina, inapitaso Aran nananquë copirno nontopi: —¡Quëmaso sinioro copirno chiníquën nanantëran! ¡Huaꞌqui tahuëri nicaton, huaꞌanëntocoi! Quiyaso quëma piyapinënpitacoi. Shaꞌhuitocoi huaꞌnaranso nipachin, maꞌsona tapon naporinso shaꞌhuichinquën, itopi.

Daniel 3:9

—¡Quëmasoꞌ copirnonëhuëinquën! ¡Nanpimiataton huaꞌanëntocoi! ¡Ama onporo tëranta nanianchinënquënsohuëꞌ!

Daniel 6:21

¡Nichaꞌërinco mini sinioro copirno! Quëmanta nanpimiataton huaꞌanëntocoi. Co manta tëhuëtëranquënsohuëꞌ Yosë nitotaton, paꞌpiniroꞌsa sëꞌcopianantacaso marëꞌ anquëninën chachin aꞌpaimarin. Inapotohuachina, co manta onpotërinacohuëꞌ, itërin.

Daniel 6:6

Ninapotatonaꞌ, huaꞌanoꞌsaꞌ, chirinchiroꞌsaꞌ, inapitari copirno nonpintacaiso marëꞌ paahuapi. Cantonahuatona noyasha nontopi: —¡Nanpimiataton sinioro copirno huaꞌanëntocoi!