Daniel 4:22 - Chayahuita (Shahui)

²² Ina nara pochinquën quëmasoꞌ sinioro copirno. Quëmanta ina nara aꞌshininso pochin chini chiníquën nanantëran. Chiníquën nanantëransoꞌ, piꞌiroꞌtëquë nincaninso pochin ninin. Naporahuaton yaꞌipi isoroꞌpaquë huaꞌanëntëran.

Daniel 4:22 ပူးပေါင်းရင်းမြစ်များ

Génesis 11:4

Ina quëran ninontaantapi: “Huëco chiníquën cancantatëhuaꞌ, ninano ocoiaꞌahuaꞌ. Ina nisahuatëhuaꞌ, aꞌna torinta piꞌiroꞌtëquë huarëꞌ nincaninso niahuaꞌ. Inapoatëhuaꞌ, sacóshin nahuinarihuaꞌ. Naporahuaton, co huachi itohua itohua yanquëcaso yaꞌhuaponhuëꞌ,” nitopi.

Génesis 28:12

Naporo tashi huëꞌëton, huaꞌnarin: Aꞌnara nanpënan noꞌpaquë paquërahuaton, Yosë yaꞌhuërinquë huarëꞌ nincanin niꞌnin. Ina nanpënanquë chachin, pancatë niꞌton, Yosë anquëninënpita aꞌnaquën pantarapi, aꞌnaquënso oꞌmarapi.

2 Samuel 12:7

Naporoꞌ Natani itapon: —Quëma mini, ina maꞌhuan pochin ninan. Naporin Sinioro chinotërëhuasoꞌ: “Israiroꞌsa copirnonëna nicamaso marëꞌ carinquën huayonanquën. Saono quëran nichaꞌëranquën. Ina pëinën, saꞌinpita, inapita quëtëranquën. Yaꞌipi israiroꞌsanta huaꞌanëntamaso marëꞌ quëtëranquën: ‘Co inaíchin nanitërincohuëꞌ,’ tënanta nicaipoꞌ, aquë aquëtë quëchitënquënhuëꞌ.

Daniel 2:21

Quëma nohuanton tahuëriroꞌsa nishatërin. Quëma nohuanton copirnoroꞌsanta yaꞌconpi. Quëmari chachin inapitanta ocoiran. Quëmari yonquinahuanoꞌsanta yonqui quëtëran.

Daniel 4:11

Inasoꞌ nara aꞌshinahuaton, aquë aquëtë pancanantërin. Huiꞌnimotën quëran piꞌiroꞌtëquë huarëꞌ nincanin. Yaꞌipi isoroꞌpaꞌ quëran nanitopi quënanacaisoꞌ.

Daniel 4:21

Monoquën noya noyatahuaton, huaꞌhuayátërahuë nitërin. Yaꞌipiya capacaiso marëꞌ nanirin. Inaanaquë maꞌsharoꞌsa naꞌipi. Sëꞌpainpitaquëntaꞌ, inairaroꞌsa huaꞌhuatopi.

Daniel 4:29

Shaꞌhuitërin quëran huarëꞌ aꞌna piꞌisaꞌ noya yaꞌhuëantarin. Aꞌna tahuëri huaꞌanëntërinso pëi inapa pëꞌsatëquë nanpërin. Inaquë ayanapon pochin: “Niꞌquëꞌ. ¡Ma pancanacha Papironia ninanosoꞌ paya! Cari chiníquën nanantato isëquë huaꞌanëntaꞌhuaso marëꞌ aocoitërahuë. Aꞌna tahuërinta iso ninano nicatonaꞌ, chiníquën nanantërahuëso yonquiapi,” tënin.

Daniel 4:36

Naporo chachin noya yonquiantarahuë. Yaꞌipi huaꞌanëntërahuëso huaꞌanëntaantarahuë. Naporahuaton noya nicatonaco piyapinëhuëpita natëantarinaco. Ayonquirinacosopita, chiníquën nanantopisopita huaꞌanoꞌsa acorahuësoꞌ, inapita huëcapairahuatonaco, yoniantarinaco. Naquëranchin copirno yaꞌcoantarahuato, iráca chiníquën nanantërahuë quëran, chini chiníquën nanantaantarahuë.

Apocalipsis 18:5

Naꞌcon oshahuanpi niꞌton, co Yosëri naniantarinhuëꞌ anaꞌintacasoꞌ.