Daniel 4:18 - Chayahuita (Shahui)

¹⁸ Ina pochin huaꞌnarahuë. Iporasoꞌ, quëma maꞌsona tapon naporinso shaꞌhuitoco. Aꞌnapita nani natanpirahuëꞌ, co insonta nanitërinhuëꞌ shaꞌhuitiinacosoꞌ. Quëmaso napoaponahuëꞌ, nanitaran. Noya yosëroꞌsa ispiritonën yaꞌcoancantërinquën niꞌton, shaꞌhuitaponco,” itërahuë.

Daniel 4:18 ပူးပေါင်းရင်းမြစ်များ

Génesis 40:12

Napotohuachina, Cosiri itapon: —Naporinchi paya. Maꞌsona tapon huaꞌnaranso shaꞌhuichinquën: Cara sëꞌpahuaninsoꞌ, cara tahuëri tapon naporin. Cara tahuëriya quëran, huaraonsoꞌ quëma tëhuëransoꞌ yonquiantarin. Nanan anoyatahuatënquën naquëranchin acoantarinquën ina marëꞌ sacataantacasoꞌ. Iráca naporanso chachin naquëranchin oꞌshitaantaran huachi. Ina tapon, ina pochin huaꞌnaran.

Génesis 41:15

Canconpachina, huaraoni itapon: —Caso huaꞌnapirahuëꞌ, co insonta nanitërinhuëꞌ maꞌsona tapon huaꞌnarahuëso shaꞌhuitiincosoꞌ. Quëma tëhuënchinsoꞌ nitotëran, topi natantërahuë, itërin.

Génesis 41:8

Tashiramiachin huaraonsoꞌ huaꞌnarinso yonquiaton, co napion cancantërin. Napoaton piyapinënpita camairin yaꞌipi Iquipito noꞌpaquë ninotonaꞌpiroꞌsa huëcacaiso marëꞌ. Quirica nitotoroꞌsanta amatërin. Inapita huëꞌpachinara, huaꞌnarinsoꞌ shaꞌhuitërin. Shaꞌhuitopirinhuëꞌ, co incari tëranta nanitërinhuëꞌ maꞌsona tapon huaꞌnarinso shaꞌhuitacaisoꞌ.

Daniel 1:20

Aꞌna tahuëri maꞌsona nicacasoꞌ natanpachina, aꞌnapita quirica nitotoroꞌsa quëran noya noya shaꞌhuitopi. Magiaroꞌsaꞌ, ninotonaꞌpiroꞌsaꞌ, co inapitari tëranta inapita huiꞌnapiꞌsa pochin copirno shaꞌhuitopihuëꞌ.

Daniel 2:38

Yaꞌipi parti piyapiꞌsa yaꞌhuërinsoꞌ, quëma ahuaꞌanëntërinquën. Maꞌsharoꞌsaꞌ, inairaroꞌsaꞌ, inapita quëran huarëꞌ huaꞌanëntamaso marëꞌ acorinquën. Ina nohuanton yaꞌipi huaꞌanëntëran. Napoaton nonanpisoꞌ niꞌnansoꞌ, motën oro quëran nininso pochin ninan.

Daniel 2:7

Inapitariso natanaponaraihuëꞌ: —Shaꞌhuitocoi huaꞌnaranso nipachin. Quiyari maꞌsona tapon naporinso shaꞌhuichinquën, itaantapi.

Daniel 5:15

Pairaquë ninshitopiso nontatona maꞌsona tapon naporinso shaꞌhuitiinacoso marëꞌ, naꞌcon quirica nitotopisopita përarahuë. Huëcaponaraihuëꞌ, nisha nananquë ninshitopi niꞌton, co nitotopihuëꞌ.

Daniel 5:8

Napopirinhuëꞌ, co aꞌnayari tëranta maꞌsona tapon ninshitërinsoꞌ shaꞌhuitacasoꞌ nanitërinhuëꞌ.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.