Daniel 3:5 - Chayahuita (Shahui)

^5-6 Apira nisha nisha piꞌnirapi: Tronpitaroꞌsaꞌ, nisha nisha pirinanoꞌsaꞌ, inapita pihuirapi. Nisha nisha arparoꞌsaꞌ, tonton, tanporo, inapitanta piꞌnirapi. Yaꞌipi nisha nisha piꞌnicaiso nipisopita piꞌnirahuachinaꞌ, yaꞌipinquëma isonaramaꞌ. Isonama quëran noꞌpaquë huarëꞌ monshorahuatoma mamanshi anitërahuësoꞌ, moshaaramaꞌ. Inso tëranta co yamoshahuachinhuëꞌ, panca orno huënaratapaquë tëꞌyatacaiso marëꞌ camaitarahuë,’ tënin,” itërin.

Daniel 3:5 ပူးပေါင်းရင်းမြစ်များ

Salmos 115:4

Inpioroꞌsasoꞌ, oro quëran mamanshiroꞌsa nipi. Prata quëraonta nipi. Inaora imirina quëran nicatonaꞌ, moshapi.

Daniel 3:10

Quëmasoꞌ yaꞌipicoi camairancoi oro quëran mamanshi ninansoꞌ moshacaꞌhuaisoꞌ. Nisha nisha piꞌnicaiso nipisopita piꞌnirahuachinara, isonahuatoi noꞌpaquë huarëꞌ monshorai quëran inapoaꞌhuaiso camaitëran.

Daniel 3:15

Iporaso nipirinhuëꞌ, moshacamaso yaꞌhuërin. Mosica piꞌnirahuachinaꞌ, mamanshi anitërahuësoꞌ isonama quëran noꞌpaquë huarëꞌ monshorahuatomaꞌ, moshaaramaꞌ. Coꞌsoꞌ inapohuatamahuëꞌ, naporo chachin orno huënaratapaquë tëꞌyatarinënquëmaꞌ. Inapotohuachinquëmaꞌ, ¡co inso yosë tërantaꞌ, nichaꞌëinquëmaso nanitaponhuëꞌ! itërin.

Daniel 3:7

Napoaton nisha nisha piꞌnicaiso nipisopita piꞌnirahuachinara, yaꞌipiya isonpi. Isonpi quëran noꞌpaquë huarëꞌ monshorahuatonaꞌ, oro quëran mamanshi nipisoꞌ moshapi.