Daniel 3:27 - Chayahuita (Shahui)

²⁷ Napohuachinara, yaꞌipi huaꞌanoꞌsa inaquë nisapisopitari yamotiipi. Co manta huëyapisohuëꞌ niꞌpi. Co ainëna tëranta huësorochatërarinhuëꞌ. Aꞌmopisontaꞌ, co manta onporinhuëꞌ. Co piꞌpian tëranta conai huëꞌëropiri maninhuëꞌ.

Daniel 3:27 ပူးပေါင်းရင်းမြစ်များ

2 Reyes 19:19

Quëmaso Sinioro, Yosënëhuënquën. Asiriaroꞌsa chiníquën nanantopirinahuëꞌ, inapita quëran nichaꞌëcoi. Inapotohuatancoi yaꞌipi nacionoꞌsa isoroꞌpaquë yaꞌhuërinsoꞌ, quëmaíchin Sinioronquën ninansoꞌ nitotapi huachi,” itërin.

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Daniel 3:21

Cara yaꞌpisoꞌ, noya aꞌmopiquëranchin tonpopi. Inapotahuatona pënquë tëꞌyatopi.

Daniel 6:23

Ina natanahuaton, copirnoso capa cancantërin. Ina quëran aꞌnaroáchin Naniri ocoicaisoꞌ camaitërin. Nani ocoihuachinara niꞌpirinahuëꞌ, co manta paꞌpiniroꞌsari onpotërinhuëꞌ. Inasoꞌ Yosë natërin niꞌton, noya pipirin.

Daniel 6:7

Yaꞌipi noꞌpanënpoaquë huaꞌanoꞌsa yaꞌconaisoꞌ, aꞌnara nanan quëma camaitacaso marëꞌ yonquirai. Cara shonca tahuëri marëꞌ quëmasáchin sinioro copirno piyapiroꞌsa maꞌsha nohuantopisoꞌ, natainën. Co aꞌna piyapi natanacaiso yaꞌhuërinhuëꞌ. Co yosënëna tëranta natanacaiso yaꞌhuërinhuëꞌ. Insosona co natëtohuachinhuëꞌ, paꞌpiniroꞌsa yaꞌhuërinquë tëꞌyatacaiso yaꞌhuërin. Ina inachachin nicacaiso marëꞌ quëma sinioro copirno quirica ninshitëraiquë, nininën acorahuaton huiꞌshaquëꞌ. Inapotohuatan, co huachi incari tëranta anishataponhuëꞌ. Mitiaroꞌsaꞌ, pirsiaroꞌsaꞌ, inapita ina pochin camaitohuachinara, co incari tëranta nanitërinhuë tapicasoꞌ, itopi.

Mateo 10:30

Canpoaso nipirinhuëꞌ naꞌcon naꞌcon aꞌpairinpoaꞌ. Yaꞌipinpoaꞌ aꞌnaya aꞌnayanpoaꞌ yonquirinpoaꞌ. Ainënpoaꞌ huaꞌhuayátërahuë nipirinhuëꞌ, yaꞌipiya pichirin. Napoaton ama tëꞌhuacosohuëꞌ. Niꞌsárinpoaꞌ.

Hechos 26:26

Yaꞌipi shaꞌhuitëranquëmasoꞌ huaꞌan Acripa nani nitotërin. Co poꞌoana quëran napopihuëꞌ. Yaꞌipi piyapi nitotopi. Inantaꞌ nani natantërin. Napoaton co tëꞌhuatohuëꞌ, ina nontarahuë.

Hechos 27:34

Napoaton coshatoco huachi chiniamaquëmaꞌ. Co chimiitarihuahuëꞌ. Co mantaꞌ onpoarihuahuëꞌ, itërincoi.

Hebreos 11:34

Aꞌnaquën pën chiníquën nënë nënëtapaquë tëꞌyatopirinahuëꞌ, co piꞌpian tërantaꞌ huëyapihuëꞌ. Noya chaꞌëpi. Aꞌnaquëontaꞌ Yosë nohuanton, sahuëni quëran chaꞌëpi. Yatëpapirinahuëꞌ, co chiminpihuëꞌ. Aꞌnaquëontaꞌ co chinipirinahuëꞌ, Yosëri catahuarin chiníquën cancantacaiso marëꞌ. Naꞌa inimicoroꞌsaꞌ minsërahuatonaꞌ, aꞌpapi.