Daniel 3:26 - Chayahuita (Shahui)

²⁶ Ina quëran orno yaꞌcarirahuaton: —Satraco, Api-nico, Misaco. Canpitasoꞌ, Yosë chini chiníquën nanantërinsoꞌ piyapinënpitanquëmaꞌ. ¡Pipirahuatoma huëntaco huachi! itërin chiníquën nontaton. Napotohuachina, cara chachin pën quëran pipipi.

Daniel 3:26 ပူးပေါင်းရင်းမြစ်များ

Génesis 14:18

Aꞌna copirnorintaꞌ, Apran nacapirin. Inasoꞌ, Miriquiso itopi. Sarimoquë copirno yaꞌconahuaton, corto huaꞌan nimantarin. Yosë chini chiníquën nanantërinso marëꞌ sacatërin. Inaso Apran aꞌcarahuaton, huinonta oꞌshitërin. Piyapinënpitantaꞌ, aꞌcarin, oꞌshitërin, napotërin.

1 Reyes 8:51

Israiroꞌsasoꞌ, quëma piyapinënpita. Quëmari huaꞌanëntëran. Shimashonënpita Iquipitoquë aparisitápirinahuëꞌ, ocoiran. Huaꞌna asoquipiso ornoquë pochin parisitapirinahuëꞌ, napotëran.

Salmos 66:12

Tananpitërancoi niꞌton, apinapicharoꞌsanta toꞌpi toꞌpitatë pochin nitërinacoi. Pancaiꞌ apëntontërëso pochin nitatoncoi, aparisitërancoi. Naporahuaton pënquë poꞌmorëso pochin maꞌsha onpotërancoi. Napoaponahuëꞌ, napoin quëran noya noya acoantarancoi.

Isaías 28:16

Napoaton Sinioro naporin: “Niꞌquëꞌ. Sionquë aꞌnara naꞌpi acoarahuë. Noyá huayonpinan nisahuaton, paꞌpi paꞌton. Inari pëi achiniarin. Ina, pëi simintonën pochin nisarin. Insosona natëhuachinco, co tëꞌhuarëꞌna yaꞌhuëaponhuëꞌ.

Isaías 52:12

Napoaponahuëꞌ yapipihuatamaꞌ, co manorahuatoma pipipomahuëꞌ. Co taꞌarëso pochin nisaramahuëꞌ. Sinioro chinotërëhuaso chachin, yaꞌipi parti paꞌnamaquë noya aꞌpaiarinquëmaꞌ.

Daniel 2:47

Ina quëran Naniri itapon: —Canpita Yosë chinotëramasosoꞌ, yaꞌipi yosëroꞌsa quëran chini chiníquën nanantërin. Yaꞌipi copirnoroꞌsa huaꞌanëntërin. Inasáchin co nitotacasohuëꞌ nininsonta anitotërin. Napoaton huaꞌnarahuëso anitotatënquën, maꞌsona tapon naporinsontaꞌ, anitotërinquën, itërin.

Daniel 4:2

Yosë chini chiníquën nanantaton napotërincosoꞌ, canpitanta shaꞌhuichinquëmaꞌ. Ina nitotohuatamaꞌ canpitanta catahuaponquëma niꞌton, shaꞌhuitaranquëmaꞌ: ¡Maꞌpitacha inaso ninin paya! Co piyapinpoa nanitaparëhuasohuëꞌ, inaso ninin. Ina huaꞌanëntërinsosoꞌ, yaꞌhuëmiatapon. Onpo shinpoapita huënton yaꞌhuëpirinhuë tërantaꞌ, ina chiníquën nanantërinsosoꞌ, inachachin nisápon.

Daniel 6:20

Nani yaꞌcaritohuachina, co napion ancantaton: —¡Naniri. Quëmaso Yosëíchin cancantaton natëran! Inasoꞌ nanpiárin nichinapon chachin, ¿nichaꞌërinquën paꞌpiniroꞌsa quëran to? itërin.

Daniel 6:21

¡Nichaꞌërinco mini sinioro copirno! Quëmanta nanpimiataton huaꞌanëntocoi. Co manta tëhuëtëranquënsohuëꞌ Yosë nitotaton, paꞌpiniroꞌsa sëꞌcopianantacaso marëꞌ anquëninën chachin aꞌpaimarin. Inapotohuachina, co manta onpotërinacohuëꞌ, itërin.

Daniel 7:25

Yosëso chini chiníquën nanantopirinhuëꞌ, noꞌhuipon. Yosë piyapinënpitantaꞌ, shitiquiapon. Yosë pënëntërinsopita anishatacaso camaitapon. Yosë chinotatona niyontonacaiso tahuëriꞌsantaꞌ, inapotapon. Yosë piyapinënpita quëran huarëꞌ, cara piꞌipi miria nohuantërinsoꞌ nitapon.

Hechos 16:17

Nanonsoꞌ quënanahuatoncoi, imaquiarincoi. Imaritoncoi, chiníquën nonsarin yaꞌipi piyapiꞌsaꞌ natanacaiso marëꞌ. —Isopita quëmapiꞌsasoꞌ Yosë piyapinënpita. Yosë chini chiníquën nanantërinsoꞌ nohuitatonaꞌ, natëpi. Aꞌchintarinënquëmaꞌ canpitantaꞌ nitotatomaꞌ chaꞌëcamaso marëꞌ, itë́riarin.

Hechos 16:37

Paonoso nipirinhuëꞌ sontaroꞌsaꞌ itërin: —Co poꞌoana quëran paꞌsaraihuëꞌ. Quiyasoꞌ Noma piyapicoi nipiraihuëꞌ, naraquë huiꞌtonpirinacoi. Co coisëquë shaꞌhuirapiponaracoihuëꞌ, cachiquë chachin napotërinacoi. Ina quëran tashinan pëiquë poꞌmorinacoi. Noma piyapicoi niꞌtoi, co topinan anaꞌintinacoisohuëꞌ nipirinhuëꞌ. ¿Iporasoꞌ poꞌoana quëran yaocoiantarinacoi ti? ¡Coꞌchi nohuantëraihuë paya! Shaꞌhuitëquëꞌ inahuara chachin huëꞌinaꞌ. Aꞌninquëchin ocoiꞌinacoi, itërin.

Hechos 27:23

Casoꞌ Yosë natërahuë. Inasáchin imarahuë. Ina nohuanton, achin tashiꞌ anquëninën yaꞌnotimarinco.

Gálatas 1:10

Co piyapiꞌsaꞌ noya nicainacoso marëꞌ aꞌchinahuëꞌ. Yosë noya nicaincoso marëꞌ aꞌchinahuë. Piyapiꞌsaꞌ paꞌyatinacoso marëꞌ naꞌcon naꞌcon yonquirahuë naporini, co Quisocristo natëitohuëꞌ.

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.

Josué 3:17

Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.

Josué 4:10

Siniorori Cosoi quëran israiroꞌsa camairin. Yaꞌipi camaitërinso nicasoi corto huaꞌanoꞌsasoꞌ, Cortaniiꞌ yanirinso huáncana huanirápi. Siniororëꞌ anoyatopiso caposonën, pitënpi quëran huanirápi. Moisësënta ina pochin Cosoi camairin niꞌton, inapochin nipi. Manorahuatonaꞌ, Cortaniiꞌ yanirinso pëntontopi.

Apocalipsis 19:5

Ina quëran Yosë shiranën quëran noninsoꞌ natanahuë. “Yaꞌipi Yosë imaramasopita ina chinotocoꞌ. Huaꞌanoꞌsanquëmahuë nipon, piyapinënpitanquëmahuë nipon, inasáchin yonquicoꞌ. Ina nóya nicatomaꞌ natëramaꞌ niꞌton, ‘Ma noyanquëncha, Sinioro, quëmaso paya,’ itocoꞌ,” tënin.