Daniel 3:11 - Chayahuita (Shahui)

¹¹ Insosona co natëhuachinquënhuëꞌ, naporo chachin panca orno huënaratapaquë tëꞌyatacaisontaꞌ, camaitëran.

Daniel 3:11 ပူးပေါင်းရင်းမြစ်များ

Daniel 3:10

Quëmasoꞌ yaꞌipicoi camairancoi oro quëran mamanshi ninansoꞌ moshacaꞌhuaisoꞌ. Nisha nisha piꞌnicaiso nipisopita piꞌnirahuachinara, isonahuatoi noꞌpaquë huarëꞌ monshorai quëran inapoaꞌhuaiso camaitëran.

Daniel 3:12

Napopiranhuëꞌ, aꞌnaquën cotioroꞌsasoꞌ, co piꞌpian tëranta tëꞌhuatërinënquënhuëꞌ. Inapitasoꞌ, quëmari chachin Papironia propinciaquë huaꞌanoꞌsa nicacaiso marëꞌ acoran. Inahuaso napoaponahuëꞌ, co mamanshinënpita moshapihuëꞌ, mamanshi oro quëran anitëransontaꞌ, co moshapihuëꞌ. Inapitasoꞌ, Satraco, Misaco, Api-nico, inapita, itopi.

Daniel 6:13

Napotohuachina, huaꞌanoꞌsaso taantapi: —Nanirisoꞌ aꞌnapitarë chachin Cotia parti quëran quëpirinahuëꞌ, co natërinquënhuëꞌ. Quirica ninshitëransontaꞌ, co tëꞌhuatërinhuëꞌ. Inasoꞌ, cararo nani tahuëri Yosë nontaton chinotërin. Quiyari chachin niꞌnai, itopi.

Daniel 6:7

Yaꞌipi noꞌpanënpoaquë huaꞌanoꞌsa yaꞌconaisoꞌ, aꞌnara nanan quëma camaitacaso marëꞌ yonquirai. Cara shonca tahuëri marëꞌ quëmasáchin sinioro copirno piyapiroꞌsa maꞌsha nohuantopisoꞌ, natainën. Co aꞌna piyapi natanacaiso yaꞌhuërinhuëꞌ. Co yosënëna tëranta natanacaiso yaꞌhuërinhuëꞌ. Insosona co natëtohuachinhuëꞌ, paꞌpiniroꞌsa yaꞌhuërinquë tëꞌyatacaiso yaꞌhuërin. Ina inachachin nicacaiso marëꞌ quëma sinioro copirno quirica ninshitëraiquë, nininën acorahuaton huiꞌshaquëꞌ. Inapotohuatan, co huachi incari tëranta anishataponhuëꞌ. Mitiaroꞌsaꞌ, pirsiaroꞌsaꞌ, inapita ina pochin camaitohuachinara, co incari tëranta nanitërinhuë tapicasoꞌ, itopi.

Hechos 5:23

—Tashinan pëiꞌ noya niahuitopinan quënanconai. Yaꞌcoanaquë ponisiaroꞌsaꞌ aꞌpairápirinahuëꞌ. Iꞌsoapiraihuëꞌ, capa piyapi huachi, itiipi.