Daniel 2:48 - Chayahuita (Shahui)

⁴⁸ Ina quëran chiníquën nanantaton camaitacaso marëꞌ acorin. Yaꞌipi Papironia propinciaquë chirinchi nicacaso marëꞌ acorahuaton, yaꞌipi quirica nitotoroꞌsa camaicaso marënta acorin. Naporahuaton notohuaroꞌ maꞌsha paꞌton nininsopita quëtërin.

Daniel 2:48 ပူးပေါင်းရင်းမြစ်များ

2 Samuel 19:32

Tapi imarinsopitarë chachin Maanainquë yaꞌhuasoiꞌ, inari catahuarin. Nani mashoya, posa shonca piꞌipitaponahuëꞌ, yaꞌipiya capacaiso inari quëtërin. Paꞌpi maꞌhuan niꞌton, ina nápo nipirinhuëꞌ, ananitërin.

2 Reyes 5:1

Siria copirno sontaronënpita huaꞌanën, Namano itopi. Inasoꞌ, Copirnori nóya niꞌnin. Siniorori ina huaꞌan quëran siriaroꞌsa catahuarin inimiconënpita minsëpi. Napoaton nóya niꞌnin. Napoaponahuëꞌ, inaso chana caniori manin.

Daniel 2:6

Huaꞌnarahuëso shaꞌhuitatomaco, maꞌsona tapon naporinsonta shaꞌhuitoco. Inapotohuatamaco, notohuaroꞌ maꞌsha nicanaranquëmaꞌ. Ca nohuanton naní quëran noya nicatënënquëmaꞌ, moshaponënquëmaꞌ. Napoaton huaꞌnarahuëso shaꞌhuitatomaco, maꞌsona tapon naporinsonta shaꞌhuitoco, itërin.

Daniel 3:1

Ina piquëran Napocotono copirnosoꞌ, aꞌnara mamanshi oro quëran anitërin. Inasoꞌ, cara shonca mitro naporopitahuaton, cara mitro pancanatërin. Nani tënihuachinara, Tora itopisoꞌ noya roꞌtëquë acocaiso camaitërin. Ina noya roꞌtësoꞌ, Papironia propinciaquë chachin yaꞌhuërin.

Daniel 3:12

Napopiranhuëꞌ, aꞌnaquën cotioroꞌsasoꞌ, co piꞌpian tëranta tëꞌhuatërinënquënhuëꞌ. Inapitasoꞌ, quëmari chachin Papironia propinciaquë huaꞌanoꞌsa nicacaiso marëꞌ acoran. Inahuaso napoaponahuëꞌ, co mamanshinënpita moshapihuëꞌ, mamanshi oro quëran anitëransontaꞌ, co moshapihuëꞌ. Inapitasoꞌ, Satraco, Misaco, Api-nico, inapita, itopi.

Daniel 3:30

Ina quëran copirnosoꞌ, cara chachin Papironiaquë camaitacaiso marëꞌ chini chiníquën nanan quëtërin.

Daniel 4:6

Napohuachina, yaꞌipi magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsaꞌ, inapita Papironiaquë yaꞌhuëpisoꞌ, amatërahuë. Maꞌsona tapon huaꞌnarahuëso shaꞌhuitiinacoso marëꞌ amatërahuë. Canquihuachinara, huaꞌnarahuësoꞌ shaꞌhuitërahuë. Inahuaso napoaponahuëꞌ, co nanitopihuëꞌ maꞌsona tapon huaꞌnarahuëso shaꞌhuitiinacosoꞌ.

Daniel 4:9

“Piritasasaro. Quëmasoꞌ ninotonaꞌpiroꞌsa huaꞌanquën niꞌton, noya yosëroꞌsa ispiritonën ira aꞌnotërëso pochin nitarinquën. Napoaton yaꞌipi co nitotacasohuëꞌ nininsonta nitotëran. Huëꞌëhuëquë huaꞌnarahuëso shaꞌhuitohuatënquën, maꞌsona tapon naporinso shaꞌhuitoco topirahuë.

Daniel 5:11

Isëquë aꞌnara quëmapi yaꞌhuërin. Inasoꞌ, noya yosëroꞌsa ispiritonëni onpo nanpicasona anitotërin. Paꞌpi yonquínahuan niꞌton, tata Napocotonocori noyá nohuitërin. Aꞌnapita quirica nitotoroꞌsa quëran yonqui yonquínahuan niꞌton, inapita huaꞌanën nicacaso marëꞌ acorin.

Daniel 5:16

Quëmaso napoaponahuëꞌ, sacai nininsopita nito shaꞌhuiransoꞌ natantërahuë. Iso ninshitopisoꞌ nontaton, maꞌsona tapon naporinso shaꞌhuitohuatanco, copirnoroꞌsa aꞌmorinsoanpi aaꞌmotaranquën. Catinanta oro quëran nipisoꞌ, apëꞌpëconotaranquën. Naporahuaton ca pochin nanantacaso marëꞌ aꞌna huaꞌaínchin yaꞌcopiarinquën, itërin.

Daniel 5:29

Napotohuachina copirnosoꞌ, piyapinënpita camairin: “Ca aꞌmorahuësoanpi Naniri aꞌmotahuatomaꞌ, oro quëran catina nipiquë apëꞌpëconotocoꞌ. Naporahuaton ca pochin nanantacaso marëꞌ, aꞌna huaꞌaínchini yaꞌcopiapon. Yaꞌipinquëma ina nitotocoꞌ,” itërin. Copirno napohuachina piyapinënpitasoꞌ, ina inachachin nipi.

Daniel 5:7

Ina quëran ninotonaꞌpiroꞌsaꞌ, quirica nitotoroꞌsaꞌ, tayora nitotoroꞌsaꞌ, inapita quëcacaiso marëꞌ chiníquën camaitërin. Huëꞌpachinara: —Inso tëranta pasoꞌ ninshitopisoꞌ nontaton, maꞌsona tapon naporinso shaꞌhuitohuachinco, copirnoroꞌsa aꞌmorinsoanpi aaꞌmotarahuë. Oro quëran catina nipisoꞌ apëꞌpëconotarahuë. Naporahuaton ca pochin nanantacaso marëꞌ aꞌna huaꞌaniáchini yaꞌcopiarin, tënin.

Números 24:11

Noya nicatënquën naꞌcon yaacanapiranquënhuëꞌ, Sinioro yaꞌcopirinquën niꞌton, co inapotaranquënhuëꞌ. ¡Iporasoꞌ yaꞌhuëranquë paantaquë huachi! itërin.

1 Samuel 2:8

Saꞌahuaroꞌsa anotopiso pochin aꞌnaquënso maꞌsha onpopi. Ina quëran opatërëso pochin Siniorori noya acoantarin. Aꞌnaquëontaꞌ, nosorotatona capacaiso marëꞌ huëyoroquë icaratopitërapi. Inapopisopitantaꞌ, Siniorori noya acoantarahuaton huaꞌanoꞌsapitarë ahuënsëarin. Inapotohuachina aꞌnapitarintaꞌ, noya niꞌpi huachi. Sinioroáchin yaꞌipiroꞌpaꞌ ninin. Inari chachin ipora yaꞌhuëarinquë acorin. Ina nohuanton yaꞌipi isoroꞌpaquë yaꞌhuërinsopita noyatarin.