Daniel 2:4 - Chayahuita (Shahui)

⁴ Napotohuachina, inapitaso Aran nananquë copirno nontopi: —¡Quëmaso sinioro copirno chiníquën nanantëran! ¡Huaꞌqui tahuëri nicaton, huaꞌanëntocoi! Quiyaso quëma piyapinënpitacoi. Shaꞌhuitocoi huaꞌnaranso nipachin, maꞌsona tapon naporinso shaꞌhuichinquën, itopi.

Daniel 2:4 ပူးပေါင်းရင်းမြစ်များ

Génesis 31:47

Napanosoꞌ inaora nanamënquë, ina roꞌtë nohuitaton, “Quicaro Saatota,” itërin. Cacoporiso nipirinhuëꞌ, inaora nanamënquë ina roꞌtë chachin, Carata, itërin.

Génesis 41:8

Tashiramiachin huaraonsoꞌ huaꞌnarinso yonquiaton, co napion cancantërin. Napoaton piyapinënpita camairin yaꞌipi Iquipito noꞌpaquë ninotonaꞌpiroꞌsa huëcacaiso marëꞌ. Quirica nitotoroꞌsanta amatërin. Inapita huëꞌpachinara, huaꞌnarinsoꞌ shaꞌhuitërin. Shaꞌhuitopirinhuëꞌ, co incari tëranta nanitërinhuëꞌ maꞌsona tapon huaꞌnarinso shaꞌhuitacaisoꞌ.

1 Reyes 1:25

Ipora tahuëri chachin inaso pita nicaton, naꞌa ohuicaroꞌsaꞌ, tororoꞌsaꞌ, toroaꞌhuaroꞌsaꞌ, inapita atëpatërin. Inaporahuaton yaꞌipiya pochin huiꞌnanpita përarin. Sontaro capitanoꞌsanta përasahuaton, Apiataro corto huaꞌaonta përarin. Inaquë capatonaꞌ, oꞌotonaꞌ, chiníquën noncaroapi: “¡Atoniasë copirno, huaꞌqui tahuëri huaꞌanënchinpoaꞌ!” tosapi.

1 Reyes 1:31

Napotohuachina Pitisapisoꞌ, copirno noya nicaton isonin. Isonin quëran noꞌpaquë huarëꞌ monshomarin. Napotahuaton chiníquën nonin: —¡Nanpimiataton sinioro copirno huaꞌanëntocoi! itërin.

2 Reyes 18:26

Napotohuachina Iriaquin, Sipina, Coa, inapitari itaponaꞌ: —Ama onpopionta quiya nonaiquë nontocoisohuëꞌ. Paira aipi nisapisopitanta natanpachinaꞌ. Quiyasoꞌ nitotërai niꞌton, Aran nananquë nontocoi topiraihuëꞌ, itopi.

Nehemías 2:3

—Quëmasoꞌ huaꞌanëhuënquën. Nanpimiataton huaꞌanëntocoi. Iráca shimashonëhuëpita Quirosarinquë yaꞌhuëpi. Chiminpachinara, inaquëranchin nipaꞌpitopi. Inasoꞌ ninano pairanën, inimicoroꞌsari iráca ohuatopi. Onconanënpitanta ahuiquitopi. Ipora huanta ina chachin nisárin. ¡Napoaton iporasoꞌ, co nanitërahuëꞌ capa cancantaꞌhuasoꞌ! itërahuë. —¿Ma quërancha catahuainquën nicaya? itërinco copirno. Napotohuachincora, Yosë inápaquë yaꞌhuërinso nontahuato copirno natanahuë: —Noya niꞌpatancosoꞌ, onpopionta Cotia parti aꞌpaco pantaꞌi. Inaquë paato Quirosarin ninano anoyatontaꞌi, itërahuë.

Isaías 44:25

Nonpin nanan pënëntonaꞌpiroꞌsa maꞌsona onpocasoꞌ shaꞌhuihuachinara, ca nohuanton co inachachin nininhuëꞌ. Ninotonoꞌsanta ca nohuanton huaꞌyantopi. Yonquinahuanoꞌsantaꞌ, ca nohuanton itohuara capini nipatëtopi. Nitotopirinahuë tërantaꞌ, napoonin yonquiapi.

Daniel 2:7

Inapitariso natanaponaraihuëꞌ: —Shaꞌhuitocoi huaꞌnaranso nipachin. Quiyari maꞌsona tapon naporinso shaꞌhuichinquën, itaantapi.

Daniel 3:9

—¡Quëmasoꞌ copirnonëhuëinquën! ¡Nanpimiataton huaꞌanëntocoi! ¡Ama onporo tëranta nanianchinënquënsohuëꞌ!

Daniel 4:19

Shaꞌhuitohuatora, Naniriso paꞌyanin. Paꞌyanaton, huaꞌquimiachin tachianantërin. Napopirinhuëꞌ: “Ama huaꞌnarahuëso marëꞌ paꞌyanquësohuëꞌ. Maꞌsona tapon naporinso marëꞌ tëranta co paꞌyanacaso yaꞌhuërinhuëꞌ,” itërahuë. Napotohuatora: “¡Maꞌhuantacha sinioro copirno nisaran paya! maꞌsona tapon huaꞌnaransoꞌ, inimiconënpita marëꞌ huaꞌnaran naporini, ¡noya noya niitonhuëꞌ!

Daniel 4:9

“Piritasasaro. Quëmasoꞌ ninotonaꞌpiroꞌsa huaꞌanquën niꞌton, noya yosëroꞌsa ispiritonën ira aꞌnotërëso pochin nitarinquën. Napoaton yaꞌipi co nitotacasohuëꞌ nininsonta nitotëran. Huëꞌëhuëquë huaꞌnarahuëso shaꞌhuitohuatënquën, maꞌsona tapon naporinso shaꞌhuitoco topirahuë.

Daniel 5:10

Copirno, huaꞌanoꞌsaꞌ, inapita paꞌyanënaquë noncaropisoꞌ, copirno aꞌshionta natanin. Ina natanaton, coshatopiso pëiquë yaꞌconconin. Huaꞌhuin paaparahuaton: —¡Quëmaso sinioro copirno chiníquën nanantëran! ¡Huaꞌqui tahuëri nicaton, huaꞌanëntocoi! Ama naꞌcon naꞌcon paꞌyanaton, shaꞌpíchin niꞌtëquësohuëꞌ.

Daniel 5:8

Napopirinhuëꞌ, co aꞌnayari tëranta maꞌsona tapon ninshitërinsoꞌ shaꞌhuitacasoꞌ nanitërinhuëꞌ.

Daniel 6:21

¡Nichaꞌërinco mini sinioro copirno! Quëmanta nanpimiataton huaꞌanëntocoi. Co manta tëhuëtëranquënsohuëꞌ Yosë nitotaton, paꞌpiniroꞌsa sëꞌcopianantacaso marëꞌ anquëninën chachin aꞌpaimarin. Inapotohuachina, co manta onpotërinacohuëꞌ, itërin.

Daniel 6:6

Ninapotatonaꞌ, huaꞌanoꞌsaꞌ, chirinchiroꞌsaꞌ, inapitari copirno nonpintacaiso marëꞌ paahuapi. Cantonahuatona noyasha nontopi: —¡Nanpimiataton sinioro copirno huaꞌanëntocoi!

Daniel 6:7

Yaꞌipi noꞌpanënpoaquë huaꞌanoꞌsa yaꞌconaisoꞌ, aꞌnara nanan quëma camaitacaso marëꞌ yonquirai. Cara shonca tahuëri marëꞌ quëmasáchin sinioro copirno piyapiroꞌsa maꞌsha nohuantopisoꞌ, natainën. Co aꞌna piyapi natanacaiso yaꞌhuërinhuëꞌ. Co yosënëna tëranta natanacaiso yaꞌhuërinhuëꞌ. Insosona co natëtohuachinhuëꞌ, paꞌpiniroꞌsa yaꞌhuërinquë tëꞌyatacaiso yaꞌhuërin. Ina inachachin nicacaiso marëꞌ quëma sinioro copirno quirica ninshitëraiquë, nininën acorahuaton huiꞌshaquëꞌ. Inapotohuatan, co huachi incari tëranta anishataponhuëꞌ. Mitiaroꞌsaꞌ, pirsiaroꞌsaꞌ, inapita ina pochin camaitohuachinara, co incari tëranta nanitërinhuë tapicasoꞌ, itopi.

Mateo 21:9

Aꞌnaquën quëchitërapi. Aꞌnaquëontaꞌ imasapi. Papona pochin chiníquën nonsapi: —¡Nichaꞌëcoi Tata Yosë! ¡Ma noyacha Quisososo paya! Tapico shiin inasoꞌ. ¡Quëmari chachin chiníquën nanan quëtëran! ¡Quëma nohuanton, israiroꞌsacoi huaꞌanëntarincoi! itopi.

1 Samuel 10:24

Naporoꞌ Samoirori yaꞌipi israiroꞌsa itapon: —¡Yaꞌipima niꞌcoꞌ! ¡Iso mini Siniorori copirnonëma marëꞌ huayonin! ¡Co aꞌna Israiro quëmapi tëranta ina pochin huanirinhuëꞌ! itërin. —¡Ma inacha inaso paya! ¡Huaꞌqui tahuëri camaiinpoaꞌ! topi aꞌnapita israiroꞌsantaꞌ.