Daniel 2:38 - Chayahuita (Shahui)

³⁸ Yaꞌipi parti piyapiꞌsa yaꞌhuërinsoꞌ, quëma ahuaꞌanëntërinquën. Maꞌsharoꞌsaꞌ, inairaroꞌsaꞌ, inapita quëran huarëꞌ huaꞌanëntamaso marëꞌ acorinquën. Ina nohuanton yaꞌipi huaꞌanëntëran. Napoaton nonanpisoꞌ niꞌnansoꞌ, motën oro quëran nininso pochin ninan.

Daniel 2:38 ပူးပေါင်းရင်းမြစ်များ

Daniel 1:2

Sinioro nohuanton Napocotonosoꞌ canatahuaton, Coaquin manin. Yosë pëinënquë nisha nisha ohuarapisonta yaꞌhuërinsoꞌ, patoma naꞌcon manin. Inapita macaton yaꞌhuërinquë quëparin. Mamanshinënpita moshapiso pëiquë acoonin. Paꞌton nininsopita tapapiquë acorin. Coaquinta israiroꞌsarë chachin inátohua asacatacaiso marëꞌ quëparin.

Daniel 2:32

Motënsoꞌ, oro quëransáchin. Tëꞌtëtën, tanpaquën, inapitasoꞌ, prata quëran. Sëꞌnamën, tonainpita, inapitaso shaꞌpi huaꞌna quëran.

Daniel 2:39

Quëma piquëran, aꞌna yaꞌhuërëꞌ huaꞌanëntaantapon. Inaso co onpopinchin chiníquën nanantarinhuëꞌ. Ina piquërantaꞌ, aꞌna yaꞌhuërëꞌ yaꞌipi roꞌpaꞌ huaꞌanëntaantapon. Oro, prata, inapita quëran co onpopinchin shaꞌpi huaꞌnaso paꞌtërinhuëꞌ. Ina pochin ina copirnontaꞌ, nisarin.

Daniel 4:18

Ina pochin huaꞌnarahuë. Iporasoꞌ, quëma maꞌsona tapon naporinso shaꞌhuitoco. Aꞌnapita nani natanpirahuëꞌ, co insonta nanitërinhuëꞌ shaꞌhuitiinacosoꞌ. Quëmaso napoaponahuëꞌ, nanitaran. Noya yosëroꞌsa ispiritonën yaꞌcoancantërinquën niꞌton, shaꞌhuitaponco,” itërahuë.

Daniel 5:18

Yosë chini chiníquën nanantërinsoari, iráca tata Napocotono copirno nicacaso marëꞌ acorin. Inari chiníquën nanan quëtërin niꞌton, noya noya huaꞌanëntërin. Ina marëꞌ naní quëran noya nicatona tëꞌhuatopi.

Daniel 7:4

Yaꞌnatiirinsosoꞌ, paꞌpiniꞌ pochin niꞌtaponahuëꞌ, panca onian pochin anpiantëhuanin. Ina nicasoco chachin anpiantënpita oshitëtahuatonaꞌ, piyapi pochin ahuanipi. Inapotohuachinara, piyapi pochachin cancantërin.