Daniel 2:35 - Chayahuita (Shahui)

³⁵ Ina quëran aꞌnaroáchin yaꞌipi noꞌmoshin taranin: Huaꞌnamia, tëshiroꞌpaꞌ, shaꞌpi huaꞌna, prata, oro, inapita naporin. Piꞌipi tahuëri pintiatohuatëra, amocan quënanëso pochin taranpachina, ihuani yaꞌipi quiquirin. Co piꞌpian tëranta acorinhuëꞌ. Ohuantonaꞌpi naꞌpiso nipirinhuëꞌ, panca motopi taranahuaton, yaꞌipiroꞌpaꞌ yaꞌsotërin.

Daniel 2:35 ပူးပေါင်းရင်းမြစ်များ

Salmos 103:16

Inasoꞌ ihuani pihuitë pochin nipachina, aꞌnaroáchin capa ninin huachi. Inapochachin canpoanta chiminpatëhuaꞌ, aꞌnaroáchin naniantërinënpoaꞌ.

Salmos 22:27

Nisha nisha piyapinquëma nisha nisha nacionquë yaꞌhuëramaꞌ. Yaꞌipi parti yaꞌhuëramasopita huëcapairahuatomaꞌ, ina chinotocoꞌ. ¡Isonahuatoma chinotocoꞌ!

Salmos 37:10

Co noyahuëꞌ nipisopitasoꞌ, co huaꞌquiya quëranhuëꞌ taꞌhuantaponaꞌ. Yonipiranhuë tërantaꞌ, co huachi inapita niꞌsaranhuëꞌ.

Salmos 37:36

Napoaponaraihuëꞌ, naꞌhuërinso pochin nicatonaꞌ, capa nisapi huachi. Inapita yonquiato yonípirahuëꞌ, co huachi quënanahuëꞌ.

Salmos 46:9

Yaꞌipi roꞌpaꞌ nanirinquë huarëꞌ, ina nohuanton co huachi quira nisapihuëꞌ. Pëꞌchinanoꞌsaꞌ, nansaroꞌsaꞌ, inapita paꞌquirin. Quira toronanoꞌsanta ahuiquitahuaton:

Salmos 66:4

Yaꞌipi piyapiꞌsa chinotaponën. Quëma cantanën cantatona paꞌyataponën,” itahuaꞌ.

Isaías 11:9

Yaꞌipi huaꞌanëntërinquë noyasáchin nicaponaꞌ. Co insonta aꞌnapita maꞌsha onpotaponhuëꞌ. Marë iꞌshari mëntaitërinso pochachin yaꞌipiroꞌpaquënta Sinioro nohuitapi.

Isaías 8:9

Nisha nisha nacionquë yaꞌhuëramasopita nihuëntoncoꞌ. Inapopiramahuëꞌ, paꞌyan tëpaponquëmaꞌ. Aquë yaꞌhuëramasopita natanco shaꞌhuichinquëmaꞌ: Ahuëtamaso marëꞌ noyá niacocoꞌ. Noyá niacopiramahuëntaꞌ, paꞌpi paꞌyanaramaꞌ. Tëhuënchachin noyá niacopiramahuëntaꞌ, napoaramaꞌ.

Daniel 2:44

Ina copirnoroꞌsa huaꞌanëntasoiꞌ, Yosë inápaquë yaꞌhuërinso huaꞌanëntarin. Ina huaꞌanëntërinsoꞌ, co onporonta taꞌhuantarinhuëꞌ. Co aꞌnapita nacionoꞌsari minsëarinhuëꞌ. Aꞌnapita huaꞌanëntopisoꞌ, yaꞌipi ataꞌhuantapon. Yaꞌhuërëꞌ ina huaꞌanëntërinsosoꞌ, yaꞌhuëmiatapon.

Miqueas 4:13

Ina quëran Quirosarinquë yaꞌhuëramasopita camaiaranquëmaꞌ: ‘Paatoma inimiconëmapita anaꞌintocoꞌ. Toro trico toꞌnorarinso pochin inapita nitocoꞌ. Carinquëma catahuaranquëma niꞌton, ina chinirinso pochin chiniaramaꞌ. Huaꞌna quëran pomohuanaton, shaꞌpi huaꞌna quëran toꞌtëratëtërinso pochin nisha nisha parti quëran huëꞌpisopita ataꞌhuantapomaꞌ. Inapitaso ihuatatonaꞌ, tiquitatonaꞌ, inapoatona maꞌhuanpiso matapomaꞌ. Matatomaꞌ, quëtapomaco. Ca Sinioroco yaꞌipi isoroꞌpaꞌ huaꞌanëntato, camaiaranquëmaꞌ,’ itaranquëmaꞌ,” tënin.

1 Corintios 15:25

Ina nohuanton, Quisocristo chiníquën nanantarin. Yaꞌipi huaꞌanëntarin. Aꞌna tahuëri yaꞌipi inimicoroꞌsaꞌ minsëarin.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.

Apocalipsis 12:8

co nanitopihuëꞌ minsëcaisoꞌ. Miquiri anquëninënpitari minsërahuatonaꞌ, isoroꞌpaquë aꞌpaimapi.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.