Daniel 2:26 - Chayahuita (Shahui)

²⁶ Napotohuachina copirnori Naniri nontaton itapon: —¿Quëma Piritasasaro nanitëran huaꞌnarahuësoꞌ, maꞌsona tapon naporinsoꞌ, inapita shaꞌhuitaancoso ti? itërin.

Daniel 2:26 ပူးပေါင်းရင်းမြစ်များ

Génesis 41:15

Canconpachina, huaraoni itapon: —Caso huaꞌnapirahuëꞌ, co insonta nanitërinhuëꞌ maꞌsona tapon huaꞌnarahuëso shaꞌhuitiincosoꞌ. Quëma tëhuënchinsoꞌ nitotëran, topi natantërahuë, itërin.

Daniel 1:7

Ina pochin ninihuanpirinahuëꞌ, huaꞌani Nanirisoꞌ, Piritasasaro itërin. Ananiasëntaꞌ, Satraco itërin. Misairoso nipirinhuëꞌ, Misaco itërin. Asariasësoꞌ, Api-nico itërin.

Daniel 4:8

Piquëran huarëꞌ Nanirinta huëꞌnin. Inasoꞌ, yosënëhuë yonquiato Piritasasaro itërahuë antaꞌ. Inasoꞌ quëmapi noya yosëroꞌsa ispiritonëni, onpoinsona nanpicasoꞌ anitotërin. Ina huëꞌpachina, huaꞌnarahuëso shaꞌhuitërahuë:

Daniel 5:12

Nininënsoꞌ Naniri nipirinhuëꞌ, tatacori Piritasasaro itërin. Inasoꞌ quëmapi noya noya cancantërin. Huaꞌnahuatëra maꞌsona tapon naporinsopita nito shaꞌhuirin. Co nitotacasohuëꞌ nananoꞌsantaꞌ, nito shaꞌhuirin. Nanan nisëꞌmorinso pochin nipisopitantaꞌ, anoyatërin. Ina apërátëquëꞌ, maꞌsona tapon pairaquë ninshitopisoꞌ, anitochinquën, itërin.

Daniel 5:16

Quëmaso napoaponahuëꞌ, sacai nininsopita nito shaꞌhuiransoꞌ natantërahuë. Iso ninshitopisoꞌ nontaton, maꞌsona tapon naporinso shaꞌhuitohuatanco, copirnoroꞌsa aꞌmorinsoanpi aaꞌmotaranquën. Catinanta oro quëran nipisoꞌ, apëꞌpëconotaranquën. Naporahuaton ca pochin nanantacaso marëꞌ aꞌna huaꞌaínchin yaꞌcopiarinquën, itërin.

Daniel 7:1

Pirsasaro copirno Papironiaquë nani aꞌna piꞌira huaꞌanëntarin. Naporoꞌ Nanirisoꞌ, aꞌna tashi huëꞌërinquë huaꞌnarin. Capayatahuaton noya noya nininsopita huaꞌnarinsoꞌ, ninshitërin.

1 Samuel 17:33

Napotohuachina Saonori itapon: —Quëmaso huaꞌhuanquën. Pasoso nipirinhuëꞌ, huiꞌnapitërin quëran huarëꞌ ahuëchantërinsoꞌ. Co quëmaoraíchin ina ahuëcaso marëꞌ pacamaso yaꞌhuërinhuëꞌ, itërin.