Daniel 2:2 - Chayahuita (Shahui)

^2-3 Napohuachina, magiaroꞌsa amatërin. Ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, inapitanta amatërin. Maꞌsona tapon huaꞌnarinsopita shaꞌhuitacaiso marëꞌ naporin. Napoaton yaꞌipi inapitari paapapi. Naporo inasoꞌ: —Huëꞌëhuëquë maꞌsha quënanahuë. Napoaporahuëꞌ, maꞌsona tapon huaꞌnarahuëso co nitotatohuëꞌ, yonquirárahuë, itërin.

Daniel 2:2 ပူးပေါင်းရင်းမြစ်များ

Génesis 41:8

Tashiramiachin huaraonsoꞌ huaꞌnarinso yonquiaton, co napion cancantërin. Napoaton piyapinënpita camairin yaꞌipi Iquipito noꞌpaquë ninotonaꞌpiroꞌsa huëcacaiso marëꞌ. Quirica nitotoroꞌsanta amatërin. Inapita huëꞌpachinara, huaꞌnarinsoꞌ shaꞌhuitërin. Shaꞌhuitopirinhuëꞌ, co incari tëranta nanitërinhuëꞌ maꞌsona tapon huaꞌnarinso shaꞌhuitacaisoꞌ.

Éxodo 7:11

Copirnoso nipirinhuëꞌ, nitotonoꞌsaꞌ, pënotonoꞌsaꞌ, inapita amatërin. Inapitanta pënotatonaꞌ, inachachin nicacaiso marëꞌ amatërin.

Isaías 8:19

Aꞌnaquënsoꞌ, shaꞌhuitëranquëmasopita co natëtatonahuëꞌ: ‘Chimipiroꞌsa apërahuaꞌyantatomaꞌ, natancoꞌ. Pënotonoꞌsanta sacaronquë nonpisopita natahuan. ¡Nisha nisha piyapiꞌsa yosënëna natanacaiso yaꞌhuërin! ¡Chimipiroꞌsa tëranta nanpiarëhuasopita maꞌsona onpocasoꞌ anitotiinpoaso marëꞌ natanacaiso yaꞌhuërin!’ itaponëmaꞌ. Inapitaso napopirinahuëꞌ, co piꞌpian tëranta noya yonquiatona naporapihuëꞌ. Co tahuërianpitërëso pochin nishátërapihuëꞌ.

Daniel 1:20

Aꞌna tahuëri maꞌsona nicacasoꞌ natanpachina, aꞌnapita quirica nitotoroꞌsa quëran noya noya shaꞌhuitopi. Magiaroꞌsaꞌ, ninotonaꞌpiroꞌsaꞌ, co inapitari tëranta inapita huiꞌnapiꞌsa pochin copirno shaꞌhuitopihuëꞌ.

Daniel 2:10

—Co insonta isoroꞌpaquë ina pochin shaꞌhuicaso nanitërinhuëꞌ. Naporahuaton, co inso copirno tëranta magiaroꞌsaꞌ, ninotonaꞌpiroꞌsaꞌ, quirica nitotoroꞌsaꞌ, inapita quëma pochin nataninhuëꞌ. Chiníquën nanantaponahuëꞌ, co inapochininhuëꞌ.

Daniel 2:27

—Tëhuënchachin mini sinioro copirno, magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsa inapita yaꞌhuërin. Yaꞌhuëpirinahuëꞌ, co aꞌnaya tëranta quëma yanitotëranso nanitopihuëꞌ anitotiinënsoꞌ. Napoaponahuëꞌ, inápaquë aꞌnara Yosë yaꞌhuërin. Co onpo nitotacasohuëꞌ nipisopita nanitërin anitotiinpoasoꞌ. Ina mini anitotarinquën aꞌna tahuëri maꞌsona onpocasoꞌ. Maꞌsona huaꞌnaransoꞌ, maꞌsona tapon naporinsoꞌ, inapita iporaso shaꞌhuitaranquën: Huëꞌëranquë quëhuënaton, aꞌna tahuëri maꞌsona onpocasoꞌ yonquiráran. Naporaran quëran huëꞌëpiranhuëꞌ, Yosësoꞌ, aꞌna tahuëri maꞌsona onpocasoꞌ, huaꞌnaran quëran anitotërinquën.

Daniel 3:8

Aꞌnaquën papironiaroꞌsasoꞌ, cotioroꞌsa co quëꞌyapihuëꞌ. Napoaton copirnoquë shaꞌhuirapipi. Paaparahuatonaꞌ:

Daniel 4:6

Napohuachina, yaꞌipi magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsaꞌ, inapita Papironiaquë yaꞌhuëpisoꞌ, amatërahuë. Maꞌsona tapon huaꞌnarahuëso shaꞌhuitiinacoso marëꞌ amatërahuë. Canquihuachinara, huaꞌnarahuësoꞌ shaꞌhuitërahuë. Inahuaso napoaponahuëꞌ, co nanitopihuëꞌ maꞌsona tapon huaꞌnarahuëso shaꞌhuitiinacosoꞌ.

Daniel 5:7

Ina quëran ninotonaꞌpiroꞌsaꞌ, quirica nitotoroꞌsaꞌ, tayora nitotoroꞌsaꞌ, inapita quëcacaiso marëꞌ chiníquën camaitërin. Huëꞌpachinara: —Inso tëranta pasoꞌ ninshitopisoꞌ nontaton, maꞌsona tapon naporinso shaꞌhuitohuachinco, copirnoroꞌsa aꞌmorinsoanpi aaꞌmotarahuë. Oro quëran catina nipisoꞌ apëꞌpëconotarahuë. Naporahuaton ca pochin nanantacaso marëꞌ aꞌna huaꞌaniáchini yaꞌcopiarin, tënin.

1 Samuel 6:2

Napohuachina inahuasoꞌ, corto huaꞌanoꞌsaꞌ, pënotonoꞌsaꞌ, inapita ayontonpi. Huëꞌpachinara itaponaꞌ: ¿Onpotahuata Sinioro caposonën? ¿Onpo aꞌpamantaꞌahuataꞌ? itopi.