Daniel 2:1 - Chayahuita (Shahui)

¹ Napocotono paꞌpin yaꞌhuërënamën Copirno yaꞌconinsoꞌ, nani cato piꞌipitarin. Naporoꞌ inaso nisha nisha huaꞌnaton, paꞌyanin. Ina yonquirápaton co huachi huëꞌëcaso nanitërinhuëꞌ.

Daniel 2:1 ပူးပေါင်းရင်းမြစ်များ

Daniel 4:2

Yosë chini chiníquën nanantaton napotërincosoꞌ, canpitanta shaꞌhuichinquëmaꞌ. Ina nitotohuatamaꞌ canpitanta catahuaponquëma niꞌton, shaꞌhuitaranquëmaꞌ: ¡Maꞌpitacha inaso ninin paya! Co piyapinpoa nanitaparëhuasohuëꞌ, inaso ninin. Ina huaꞌanëntërinsosoꞌ, yaꞌhuëmiatapon. Onpo shinpoapita huënton yaꞌhuëpirinhuë tërantaꞌ, ina chiníquën nanantërinsosoꞌ, inachachin nisápon.

Daniel 5:9

Napohuachina, copirnoso naꞌcon naꞌcon paꞌyanaton shaꞌpíchin niꞌtërin. Aꞌnapita huaꞌanoꞌsantaꞌ, onporë pochin cancantopi.

Daniel 6:18

Ina quëran copirnosoꞌ, huaꞌanëntërinso pëiquë paꞌnin. Co coshataponahuëꞌ, huëꞌërinquë quëhuënin. Co piꞌpian tëranta capa cancantacaso yonquirinhuëꞌ. Naporahuaton yaꞌipi tashi co manta huëꞌërinhuëꞌ.

Daniel 7:1

Pirsasaro copirno Papironiaquë nani aꞌna piꞌira huaꞌanëntarin. Naporoꞌ Nanirisoꞌ, aꞌna tashi huëꞌërinquë huaꞌnarin. Capayatahuaton noya noya nininsopita huaꞌnarinsoꞌ, ninshitërin.

Daniel 7:15

Yaꞌipi inapita niꞌsahuato, paꞌpi paꞌyanahuë. Co napion ancantato, aꞌnara inaquë huaniárinsoꞌ, paaparahuë: ‘Yaꞌipi niꞌnahuësopita ¿maꞌta tapon naporin? Shaꞌhuitoco canta nitochi topirahuë,’ itërahuë. Napotohuatora: ‘Catapini maꞌsharoꞌsa pochin niꞌnansopitasoꞌ, catapini copirnoroꞌsa tapon naporin. Inapitasoꞌ huaꞌanëntohuachinaꞌ, yaꞌipiroꞌpaꞌ huaꞌanëntaponaꞌ.