Daniel 1:8 - Chayahuita (Shahui)

⁸ Naniriso napoaponahuëꞌ, co nohuantërinhuëꞌ copirno caꞌninsoꞌ capacasoꞌ. Co huino oꞌorinso tërantaꞌ, oꞌocaso nohuantërinhuëꞌ. Amiconënpitantaꞌ, ina pochachin yonquipi. Napoaton Nanirisoꞌ: “Ama nëꞌhuëtërinso pochin Yosë nicaincoiso marëhuëꞌ, co nohuantëraihuëꞌ iso cosharo capacaꞌhuaisoꞌ. Huinontaꞌ, co nayaraihuëꞌ,” itërin huaꞌan nontaton.

Daniel 1:8 ပူးပေါင်းရင်းမြစ်များ

1 Reyes 5:5

Napoaton cari huachi yonquirahuë, Yosë chinotacaso pëi anitaꞌhuasoꞌ. Inari chachin iráca tataco nani shaꞌhuitërin: ‘Ca nohuanto huiꞌnan quëma yaꞌhuërënamën israiroꞌsa huaꞌanëntarin. Inari piyapinënpita camaiapon chinotiinacoso pëi nitiinacosoꞌ,’ itërin.

Salmos 119:106

Noya nicaꞌhuaiso marëꞌ shaꞌhuiransopita natëarahuë. “Yoscoarëꞌ natëarahuë,” tënahuë niꞌton, napoarahuë.

Daniel 5:4

Inaquë huino oꞌosahuatonaꞌ, mamanshinënapita oro quëran nipisoꞌ, mosharápi. Prata, shaꞌpi huaꞌna, huaꞌnamia, nara, naꞌpi, inapita quëraonta nipisoꞌ, mosharápi.

Hechos 11:23

Inaquë canconahuaton, “Tëhuënchachin nisha piyapiꞌsantaꞌ imasapi. Yosëri naꞌcon catahuarin,” taꞌton, noya cancantërin. Pirnapisoꞌ noya quëmapi. Yosë noya natërin. Ispirito Santori noyá yaꞌcoancantërin niꞌton, piyapiꞌsaꞌ pënënin: “Ama Sinioro aꞌpocosohuëꞌ. Yaꞌipi cancanëma quëran huarëꞌ imamiatocoꞌ,” itërin. Pënënpachina, aꞌnapitantaꞌ Quisoso imapi.

Hechos 15:20

Nipirinhuëꞌ, piꞌpian pënënacaso marëꞌ ninshitahuaꞌ. Nisha piyapiꞌsaꞌ maꞌsha tëpapi mamanshi moshacaiso marëꞌ. Ina nosha Quisoso imapisopita tananpichinaꞌ. Naporahuatonaꞌ, aꞌnaquën maconorahuatonaꞌ, maꞌsha tëpapi. Co huënainën noya inquitopihuëꞌ. Ina noshantaꞌ ama caꞌinasohuëꞌ. Naporahuatonaꞌ, ama monshihuainasohuëꞌ, Inaíchin pënëanhuanꞌ.

1 Corintios 7:37

Nipirinhuëꞌ, co quëtacasoꞌ nohuantohuatamahuëꞌ, noya inantaꞌ. Huiꞌnaontaꞌ co yasoꞌyahuachinhuëꞌ, quëma pëinënquë chachin yaꞌhuëꞌin. Yasoꞌyahuachin, acoantocoꞌ.

2 Corintios 9:7

Yaꞌipinpoaꞌ canpoara nohuanton, quëtahuaꞌ. Onposona yaquëtohuachin, quëchin. Ama nisha nisha yonquiaꞌhuasohuëꞌ. Co apiquëran quëtacasoꞌ yaꞌhuërinhuëꞌ. Noya cancantatëhuaꞌ, quëtahuaꞌ. Ina pochin quëtohuatëhuaꞌ, Yosë noya niꞌsarinpoaꞌ.