Daniel 1:7 - Chayahuita (Shahui)

⁷ Ina pochin ninihuanpirinahuëꞌ, huaꞌani Nanirisoꞌ, Piritasasaro itërin. Ananiasëntaꞌ, Satraco itërin. Misairoso nipirinhuëꞌ, Misaco itërin. Asariasësoꞌ, Api-nico itërin.

Daniel 1:7 ပူးပေါင်းရင်းမြစ်များ

Génesis 41:45

Copirnori, Cosi Iquipito nananquë nisha nininën acotërin: Sahuinato-paniya, itërin. Naporahuaton Potihuira huiꞌnin Asina itopisoꞌ acoantërin. Potihuirasoꞌ, On ninanoquë corto huaꞌan yaꞌconin. Ina pochin Cosi, yaꞌipi Iquipito noꞌpaꞌ huaꞌanëntacaso marëꞌ acopi.

2 Reyes 24:17

Naporoꞌ Napocotonosoꞌ, Cota huëntonquë copirno nicacaso marëꞌ Mataniasë acorin. Inasoꞌ, Coaquin apin. Ina acorahuaton nininën nisha acotërin Sitiquiasë itërin.

Daniel 1:19

Inari tëniton nontohuachina, co aꞌnaya tëranta Naniri, Ananiasë, Misairo, Asariasë, inapita pochin quënaninhuëꞌ. Napoaton inapitasoꞌ, catahuacaiso marëꞌ acorin.

Daniel 1:3

Inaquë nipachina Napocotonosoꞌ, huaꞌanëntërinso pëiquë sacatopisopita huaꞌanën camairin: “Aspina. Israiro copirno quëmopinënpita quëran huiꞌnapiꞌsa huayonaton quëquëꞌ. Israiro huaꞌanoꞌsa quëmopinënpita quëraontaꞌ, quëquëꞌ. Noyapin noyapin niꞌtopisopita, co máquëna tëranta tëhuërinsohuëꞌ, yonquinahuanoꞌsa niꞌtonaꞌ, míso nonpisopita, nani maꞌsha nitotopisopita, huaꞌanëntërahuëso pëiquë sacatochináchin inashitopiso quëquëꞌ. Inapitasoꞌ, canpoa nanan aꞌchinchinaꞌ. Cartioroꞌsa nitotërinsoꞌ quiricaroꞌsantaꞌ, cara piꞌipi aꞌchinchinaꞌ. Aꞌchintasoiꞌ, ca caꞌnahuëso chachin inapitanta caꞌsapi. Ca huino oꞌorahuëso chachin oꞌosapi. Ina piquëran catahuainacoso marëꞌ acoarahuë,” itërin.

Daniel 2:26

Napotohuachina copirnori Naniri nontaton itapon: —¿Quëma Piritasasaro nanitëran huaꞌnarahuësoꞌ, maꞌsona tapon naporinsoꞌ, inapita shaꞌhuitaancoso ti? itërin.

Daniel 2:49

Naniriri copirno natanpachina, Satraco, Misaco, Api-nico, inapitanta Papironia propinciaquë chiníquën nanantatona camaitacaiso marëꞌ acorin. Naniriso nipirinhuëꞌ, copirno huaꞌanëntërinso pëiquë chachin yaꞌhuëaton, camaitarin.

Daniel 4:8

Piquëran huarëꞌ Nanirinta huëꞌnin. Inasoꞌ, yosënëhuë yonquiato Piritasasaro itërahuë antaꞌ. Inasoꞌ quëmapi noya yosëroꞌsa ispiritonëni, onpoinsona nanpicasoꞌ anitotërin. Ina huëꞌpachina, huaꞌnarahuëso shaꞌhuitërahuë:

Daniel 5:12

Nininënsoꞌ Naniri nipirinhuëꞌ, tatacori Piritasasaro itërin. Inasoꞌ quëmapi noya noya cancantërin. Huaꞌnahuatëra maꞌsona tapon naporinsopita nito shaꞌhuirin. Co nitotacasohuëꞌ nananoꞌsantaꞌ, nito shaꞌhuirin. Nanan nisëꞌmorinso pochin nipisopitantaꞌ, anoyatërin. Ina apërátëquëꞌ, maꞌsona tapon pairaquë ninshitopisoꞌ, anitochinquën, itërin.