Daniel 1:2 - Chayahuita (Shahui)

² Sinioro nohuanton Napocotonosoꞌ canatahuaton, Coaquin manin. Yosë pëinënquë nisha nisha ohuarapisonta yaꞌhuërinsoꞌ, patoma naꞌcon manin. Inapita macaton yaꞌhuërinquë quëparin. Mamanshinënpita moshapiso pëiquë acoonin. Paꞌton nininsopita tapapiquë acorin. Coaquinta israiroꞌsarë chachin inátohua asacatacaiso marëꞌ quëparin.

Daniel 1:2 ပူးပေါင်းရင်းမြစ်များ

Génesis 10:10

Nimoroto huaꞌanëntërinso noꞌpaquë, ninanoroꞌsa panca panca nipisopita, isopita yaꞌhuërin: Papiri, Irico, Acato, Carini, inapita. Inapita ninanoroꞌsasoꞌ, Sinaro parti yaꞌhuëpi.

Génesis 11:2

Piꞌi pipirinso parti quëran pipirahuatonaꞌ, Sinaro parti canquipi. Inaso noꞌpaꞌ, noyápiroꞌtëchin niꞌton, inaquë yaꞌhuëcaiso marëꞌ quëparitopi.

2 Reyes 24:1

(-) (Cosiasë chimininso piquëran Coacasë huaꞌanëntaponahuëꞌ, cara yoquíchin huaꞌanëntërin. Nicao copirnori huëcapairahuaton, minsëirin. Inapotahuaton yaꞌhuërinꞌpaꞌ quëparin. Napohuachina, iyaꞌhuain Coasin itopiso shonca aꞌna piꞌipi huaꞌanëntaantarin. Ina chiminpachina, huiꞌnin Coaquin itopiso yaꞌhuërëꞌ huaꞌanëntaantarin.)

Esdras 1:7

Sinioro chinotacaso pëiquë nisha nisha maꞌsha ohuarapisoꞌ iráca yaꞌhuërin. Yaꞌhuëpirinhuëꞌ, Napocotonori Quirosarin quëran ocoirahuaton, mamanshinënpita moshapiquë acoonin. Siro copirnori inapita ayantaantarin.

Isaías 42:24

Canpitaso Cacopo shinpitanquëmaꞌ, nani noyá nitotërama insosona nohuanton huëcapairahuatënënquëma minsërinënquëmasoꞌ. Inapotahuatënënquëma quiquirinënquëmasontaꞌ, ¡nani nitotëramaꞌ! ¡Sinioro mini nohuanton napotërinënquëmaꞌ! Co ina natëtomahuëꞌ oshahuanama niꞌton, napotërinquëmaꞌ. Onpopinsona nanpicasoꞌ nani pënënpirinquëmahuëꞌ, co ina pochin ninamaso marëhuëꞌ napotërinquëmaꞌ.

Daniel 5:13

Napotohuachina, amatahuaton natanin: —¿Quëma Nanirinquën ti? ¿Quëmantaꞌ, aꞌnapita cotioroꞌsarëꞌquën tataco Cotia parti quëran quëninquën?

Daniel 5:18

Yosë chini chiníquën nanantërinsoari, iráca tata Napocotono copirno nicacaso marëꞌ acorin. Inari chiníquën nanan quëtërin niꞌton, noya noya huaꞌanëntërin. Ina marëꞌ naní quëran noya nicatona tëꞌhuatopi.

Habacuc 1:16

Napoaton inapitasoꞌ, ritinënaꞌ, yoꞌnananënaꞌ, inapita moshapi. Inapita moshacaiso marëꞌ maꞌsharoꞌsa tëpapi. Yonarin pochin nininsontaꞌ, aꞌpëpi. ‘Inapita catahuarincoi niꞌton, naꞌa noya cosharo yaꞌhuëtërincoi,’ topi.

Deuteronomio 32:30

Napoaton israiroꞌsa napotërahuë: Tëhuënchachin mini tananpitëranquëmaꞌ. Napoaton aꞌnaíchin inimico sontaro nipirinhuëꞌ, huarancanquëma nitaꞌatërinquëmaꞌ. Catoyáchinta nipirinahuëꞌ, shonca huarancanquëma nitaꞌatërinquëmaꞌ. Carinquëma aꞌpaiápiranquëmahuë tananpitëranquëma niꞌton, ca nohuanto inimicoroꞌsa minsërinquëmaꞌ,’ itërahuë,” tënin.

Jueces 2:14

Napoaton Siniorori israiroꞌsa noꞌhuirin. Noꞌhuiton ihuatëroꞌsa aꞌpatërin maꞌshanëna matacaiso marëꞌ. Naporahuaton yaꞌyoranpisopita inimicoroꞌsari huëcapaipi. Huëcapairahuatona ahuëpachinara, canaipi. Co nanitopihuëꞌ, chinitatona minsëcaisoꞌ.

Jueces 4:2

Napohuachinara, Sinioro nohuanton Canaan copirno Capin itopisori huëꞌsahuaton, canairin. Capinsoꞌ, Asoro ninanoquë huaꞌanëntërin. Yaꞌipi sontaronënpita camairinsosoꞌ, Sisara itopi. Inasoꞌ, Arosi-coimo ninano itopiquë yaꞌhuërin.

1 Samuel 5:2

Inaquë nipachina, Tacon itopisoꞌ mamanshi moshacaiso pëiquë poꞌmoonpi. Ina nonanpisoꞌ pirayan acopi.