Copo naporinso' 2:3 - Chayahuita (Shahui)

³ —¿Piyapinëhuë Copo itopisoꞌ niꞌnan huachi? Co insonta pasoroꞌpaquë ina pochin yaꞌhuërinhuëꞌ. Inasoꞌ, noꞌtëquën natëtonco noyasáchin ninin. Napoaton co maꞌmarë tëranta pënënacaso yaꞌhuërinhuëꞌ. Naporahuaton co inso tëranta maꞌsha onpotërinhuëꞌ. Quëma napotëranco niꞌton, yaꞌipi maꞌshanënpita topinan quëran ayatërahuë. Inapotopirahuëꞌ, inaso co piꞌpisha tëranta nisha cancantërinhuëꞌ, itërin.

Copo naporinso' 2:3 ပူးပေါင်းရင်းမြစ်များ

Copo naporinso' 1:8

—¿Piyapinëhuë Copo itopiso niꞌchinan to? Co insonta paso roꞌpaquë ina pochin yaꞌhuërinhuëꞌ. Inaso noꞌtëquën natëtonco, noyasáchin ninin. Napoaton co maꞌmarë tërantaꞌ, pënënacaso yaꞌhuërinhuëꞌ. Naporahuaton co inso tërantaꞌ, maꞌsha onpotërinhuëꞌ, itaantarin Yosëri.

1 Pedro 1:7

Maꞌsha onpohuatëhuaꞌ, Yosë catahuararinpoaꞌ yaꞌipi cancanënpoa quëran imacaso marëꞌ. Oro tapacaiso marëꞌ aꞌirotopiso pochin nitarinpoaꞌ. Oro inapotohuachinara, noyápiachin pipirin. Yaꞌipi nëꞌhuë huiquitahuaton, orosachin ninin. Inapochachin iporasoꞌ Yosë nohuanton, pënquë ahuiquitërëso pochin maꞌsha onpotërinpoaꞌ noya noya acoinpoaso marëꞌ. Oro paꞌton niponahuëꞌ, co yaꞌhuëmiatërinhuëꞌ. Canpoaso nipirinhuëꞌ, Yosë natëhuatëhuaꞌ, nanpimiatarihuaꞌ. Napoaton naꞌcon yonquiaꞌahuaꞌ cancanënpoa quëran huarëꞌ natëcasoꞌ. Ina Yosë nohuantërinsoꞌ. Natëmiatohuatëhuaꞌ, Yosë noya noya niꞌsarinpoaꞌ. Quisocristo oꞌmantahuachin, noya noya acorarinpoaꞌ. Ina pochin yaꞌnoarihuaꞌ.

Santiago 1:12

Yaꞌipinpoaꞌ maꞌsha onporëhuaꞌ. Caniorëhuaꞌ, parisitërëhuaꞌ, naporëhuaꞌ. Noya ahuantohuatëhuaꞌ, nóya cancantarihuaꞌ. “Parisitaponaraihuëꞌ, nóya imasarinaco,” taꞌton, Yosë noya niꞌsarinpoaꞌ. Ina marëꞌ inápaquë noya acanararinpoaꞌ. Nanpimiatarihuaꞌ. “Tëhuënchachin nosorohuatamaco, ananpitaantaranquëmaꞌ,” itërinpoaꞌ. Shaꞌhuitërinpoaꞌ niꞌton, co onporontaꞌ nonpintarinpoahuëꞌ.

Filipenses 3:12

Co yaꞌipi cancanëhuë quëran noya noya cancanchatërarahuëꞌ. Ipora huantaꞌ piꞌpian piꞌpian co noyahuëꞌ yonquirahuë. Co Yosë pochachin cancantopirahuëꞌ, Quisocristo nani acorinco ina pochin cancantaꞌhuaso marëꞌ. Napoaton nani tahuëri yonquiárahuë noya noya nicaꞌhuaso marëꞌ.

Juan 9:3

—Co inso oshanën marëꞌ ina pochin nasitërinhuëꞌ. Yosë nohuanton, ina pochin huaꞌhuatërin. Anoyatacaso marëꞌ naporin. Piyapiꞌsaꞌ niꞌpachinaꞌ, naꞌcon naꞌcon Yosë yonquiapi. “Ma noyacha Yosësoꞌ nanitaparin paya,” tosapi.

1 Pedro 5:10

Yosë paꞌpi nosororinpoaꞌ. Quisocristo imarëhuaꞌ niꞌton, aꞌna tahuëri inápaquë quëpantarinpoaꞌ. Iporasoꞌ maꞌsha onpopirëhuahuëꞌ, catahuarinpoaꞌ. Co huaꞌquiꞌ parisitarihuahuëꞌ. Ina quëran nosoroatonpoaꞌ, anoyatarinpoaꞌ. Achinicancanarinpoaꞌ. Noya noya acoarinpoaꞌ.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Copo naporinso' 1:1

Oso parti itopiquë aꞌnara quëmapi yaꞌhuërin, Copo itopisoꞌ. Inasoꞌ noyasáchin nicaton, co manta tëhuërinhuëꞌ. Yosë noꞌtëquën natëton, co manta piyapiꞌsa maꞌsha onpotërinhuëꞌ.

Proverbios 13:6

Piyapi noya nipachin, noya nininsoari ama maꞌsha onpocaso marëhuëꞌ yaꞌcopirin. Oshahuanoꞌsaso nipirinhuëꞌ, co noyahuëꞌ nipisoari ataꞌhuantapon.

Salmos 37:37

Noya nicaton noꞌtëquënáchin imarinsoꞌ, niꞌquëꞌ. Inasoꞌ co paꞌyan paꞌyan tëcatonhuëꞌ, sano cancantapon.

Copo naporinso' 1:11

Napoaponahuëꞌ, inta yaꞌipi yaꞌhuëtërinso osërëtëriquëꞌ. Inapotohuatan, aꞌninquëchin noꞌhuiarinquën, itaantarin Satanasëri.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

Copo naporinso' 2:2

Naporoꞌ Siniorori itaantapon: —¿Intohuaranta huëantaran? itërin. —Itohua itohua pasoroꞌpaquë paꞌsárahuë, itërin Satanasëri.

Copo naporinso' 2:4

Siniorori napotopirinhuëꞌ, inariso itaantapon: —Maꞌshanënpita ayatopiranhuëꞌ, inaora chachinso co maꞌsha onpotëranhuë niꞌton, ina pochin cancantarin.

Copo naporinso' 1:6

Aꞌna tahuëri Yosësoꞌ, anquëninënpita ayontonin. Inapitarë chachin shaꞌhuirapirinpoasoꞌ anquëni itopisontaꞌ, paꞌnin.