Colosenses 4:6 - Chayahuita (Shahui)

⁶ Noya yonquiatomaꞌ, sanoanan quëran pënëntocoꞌ noya natainënquëmaꞌ. Yashin yashin nontocoꞌ. Aꞌnaya aꞌnaya natanpachinquëmaꞌ, noyasha aꞌpanicoꞌ. Ina pochin nontacaso marëꞌ naꞌcon yonquicoꞌ.

Colosenses 4:6 ပူးပေါင်းရင်းမြစ်များ

Salmos 66:16

Yaꞌipinquëma Yosë chinotëramasopita, huëco catahuarincoso shaꞌhuichinquëmaꞌ.

Proverbios 15:4

Noyasha nonpatëra, nanpirin nara pochin ninëꞌ. Naponin nonpatëraso nipirinhuëꞌ, piyapiꞌsa asëtërëꞌ.

Proverbios 15:7

Yonquinahuanoꞌsaso nonpachinara, piyapiꞌsa yonquínahuan acoapi. Yaꞌhuërëꞌ co yonquinahuanoꞌsahuëꞌ nonpachinara, anishacancantopi.

Mateo 5:13

Ina quëran itantarin: “Canpitasoꞌ iyaroꞌsaꞌ, yamora pochin nicatomaꞌ aꞌnapita catahuamasoꞌ yaꞌhuërin. Napoaponahuëꞌ, yamora chimipitë pochin nicatoma co aꞌnapita catahuahuatamahuëꞌ, co huachi insonta natëarinquëmahuëꞌ.

Marcos 9:50

Yamora noya acashicasoꞌ niponahuëꞌ, chiminpachina co huachi noyatërinhuëꞌ. Canpitaso nipirinhuëꞌ, yamora cosharoꞌ noya acashirinso pochin nicoꞌ. Noya niniꞌtomaꞌ, yaꞌhuëcoꞌ,” itërin.

Lucas 4:22

Yaꞌipiya natantapi. “Maꞌpítacha nitotaton, naporin paya. Nóya aꞌchintërinpoaꞌ,” taꞌtonaꞌ: —¿Coꞌna isoꞌ Cosi huiꞌninhuëꞌ? topi.

Efesios 4:29

Ama taparoꞌ noncosohuëꞌ. Ama maꞌtoma maꞌtoma noncosohuëꞌ. Sano yonquiatomaꞌ, noya noncoꞌ aꞌnapita natanatënquëmaꞌ, Yosë yonquiꞌinaꞌ. Noya noya imacaso marëꞌ catahuacoꞌ.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

1 Pedro 3:15

Yaꞌipi cancanëma quëran Quisocristo yonquicoꞌ. Inasoꞌ huaꞌanëntërinpoaꞌ niꞌton, chinotocoꞌ. Nani tahuëriya chiníquën cancantatomaꞌ, yonquicoꞌ Quisocristo nanamën shaꞌhuicamaso marëꞌ. Ina quëran “¿Onpoatomataꞌ imaramaꞌ?” itohuachinënquëmaꞌ, aꞌnaroáchin noꞌtëquën shaꞌhuitaramaꞌ.