Colosenses 4:3 - Chayahuita (Shahui)

³ Quiya marëntaꞌ Yosë nontocoꞌ. Paꞌsápato, Quisocristo nanamën aꞌchinpirahuëꞌ. Ina marëꞌ tashinan pëiquë poꞌmorinaco. Naꞌa piyapiꞌsaꞌ co nanamën nitochátërapihuëꞌ. Inahuantaꞌ nitochinaꞌ. Napoaton Yosë nontohuatamaꞌ, quiya marëntaꞌ nontocoꞌ catahuaincoi aꞌchintohuatoira, Yosë nanamën nohuanchinaꞌ.

Colosenses 4:3 ပူးပေါင်းရင်းမြစ်များ

Mateo 13:11

“Yosë huaꞌanëntërinsoꞌ co insontaꞌ inaora yonquinën quëran nitotërinhuëꞌ. Canpitasoꞌ yaꞌipiya aꞌchintaranquëmaꞌ. Aꞌnapitaso nipirinhuëꞌ co yaꞌipi aꞌchintarahuëꞌ. Pënënto nanan quëransáchin aꞌchintarahuë.

Romanos 16:25

Nani tahuëriya Yosë chinotahuaꞌ. Yaꞌipi nanitaparin. Ina achinicancaninquëmaꞌ imamiatacamaso marëꞌ. Nanamën tëninso pochachin catahuarinquëmaꞌ. Ina nanan chachin aꞌchintëranquëmaꞌ. Quisocristo nanamën inasoꞌ. Iráca quëran huarëꞌ co nanamën nitotopirinahuëꞌ, iporasoꞌ Yosë anitotërinpoaꞌ.

1 Corintios 16:9

Yosë nohuanton, naꞌa piyapiꞌsaꞌ isëquë yaimapi niꞌton, aꞌchintárahuë. Aꞌnaquënsoꞌ noꞌhuipirinacohuëꞌ, pënëntárahuë. Naꞌamiachin imasapi.

1 Corintios 4:1

Huaꞌquiꞌ piyapiꞌsaꞌ co Yosë nanamën nitotopihuëꞌ niꞌton, Yosë aꞌparincoi nanamën aꞌchinaꞌhuaiso marëꞌ. Quisocristo inpriatonën pochin ninai. Ina yonquicoꞌ.

2 Corintios 2:12

Iꞌhua Troasëquë paꞌnahuë Quisocristo nanamën aꞌchinaꞌhuaso marëꞌ. Yosë nohuanton, naꞌa piyapiꞌsaꞌ nohuantopi niꞌton, aꞌchintërahuë.

Efesios 3:1

Napoaton isonahuato, canpita marëꞌ Yosë nontarahuë. Nisha piyapiꞌsanquëmaꞌ nipomarahuëꞌ, Quisocristo nanamën aꞌchintëranquëmaꞌ niꞌton, tashinan pëiquë poꞌmorinaco.

Efesios 3:3

Iráca quëran huarëꞌ Yosë yonquirin nichaꞌëinquëmasoꞌ. Napoaponahuëꞌ, co piyapiꞌsaꞌ anitotërinhuëꞌ. Iporaso nipirinhuëꞌ inaora nohuanton, anitotërinco niꞌton, nani piꞌpian ninshitëranquëmaꞌ.

Efesios 3:4

Ina nontohuatamaꞌ, Quisocristo nanamën anitotërincosoꞌ canpitantaꞌ nitotaramaꞌ.

Efesios 3:9

Iráca Yosëri yaꞌipi maꞌsha ninin. Naporo chachin yonquirinpoaꞌ anoyacancantinpoaso marëꞌ. Napoaponahuëꞌ, co yaꞌipi piyapiꞌsaꞌ shaꞌhuitërinhuëꞌ. Ipora huarëꞌ anitotërinco niꞌton, shaꞌhuitëranquëmaꞌ.

Efesios 4:1

Quisocristo nanamën aꞌchinahuëso marëꞌ tashinan pëiquë poꞌmopirinacohuëꞌ, iporahuantaꞌ pënënáranquëmaꞌ. Yosë nichaꞌëtënquëmaꞌ, huëntonënquë ayaꞌconinquëmaꞌ. Napoaton noyasáchin nicoꞌ.

Filipenses 1:19

Nani tahuëri ca marëꞌ Yosë nontëramaꞌ. Naporahuaton, Ispirito Santo nani tahuëri catahuarinco. Napoaton co paꞌyanahuëꞌ. Ocoiarinaco nimara. Co casoꞌ nitotërahuëꞌ. Yosëíchin nitotërinsoꞌ. Maꞌsona tërantaꞌ onpotohuachinaco, inantaꞌ noya, tënahuë. Noyasáchin Yosë yonquirinpoaꞌ. Ina marëꞌ noya cancantarahuë.

Filipenses 1:7

Naꞌcon nosororanquëmaꞌ niꞌton, ina pochin noya yonquiranquëmaꞌ. Iráca Quisocristo nanamën aꞌchinpatëra, catahuaramaco. Tashinan pëiquë poꞌmohuachinacorantaꞌ, co naniantëramacohuëꞌ. Inaquëntaꞌ catahuaramaco. Imarahuëso marëꞌ shaꞌhuirapirinaco. Coisëquë quëpapirinacohuëꞌ, co tapanatohuëꞌ, Yosë nanamën noꞌtëquën shaꞌhuitërahuë. Canpitantaꞌ “Yosë catahuarinpoaꞌ,” taꞌtomaꞌ, co tapanaramahuëꞌ. Napoaton canpita yonquiatënquëmaꞌ, noya cancantërahuë. Iyahuëpita pochachin niꞌnanquëmaꞌ.

Colosenses 1:26

Iráca iso nanan co nitotopihuëꞌ. Iporaso nipirinhuëꞌ imarëhuasopita anitotërinpoaꞌ. Yonquirinso chachin anitotërinpoaꞌ.

Colosenses 4:18

Ca Paonoco naꞌcon yonquiatënquëmaꞌ, saludos aꞌpataranquëmaꞌ. Caora imirahuë quëran isoíchin ninshitaranquëmaꞌ. Tashinan pëiquë yaꞌhuarahuë. Ama naniantocosohuëꞌ. Yosë inaora nohuanton, noya catahuainquëmaꞌ. Nani ninshitëranquëma huachi. Paono

1 Tesalonicenses 5:25

Quiya marëntaꞌ iyaroꞌsaꞌ Yosë nontocoꞌ.

2 Timoteo 1:16

Onisiporoso nipirinhuëꞌ, co naniantërincohuëꞌ. Nomaquë huëꞌsahuaton, yonisápatonco, quënaninco. Co tapanatonhuëꞌ, tashinan pëiquë niꞌquirinco. Naꞌaroꞌ achinicancaninco. Ina marëꞌ yaꞌipi pëinënquë yaꞌhuërinsopita Siniorori naꞌcon catahuain, tënahuë.

2 Timoteo 2:9

Ina aꞌchinahuëso marëꞌ parisitërahuë. Noꞌhuitonaco, tashinan pëiquë poꞌmorinaco. Apinaꞌpi pochin nicatonaco, catinatërinaco. Inapotopirinacohuëꞌ, Yosë nanamënsoꞌ co nanitopihuëꞌ inapotacaisoꞌ. Nisha nisha parti aꞌchinapi niꞌton, nahuinin.

2 Timoteo 4:2

Nanamën aꞌchináquëꞌ. Piyapiꞌsaꞌ yanatanpachinaꞌ, aꞌchintëquëꞌ. Sacaiꞌ aꞌchinacaso nipirinhuëꞌ, onpopiontaꞌ aꞌchináquëꞌ. Aꞌnaquënsoꞌ co yaimapachinahuëꞌ, noꞌtëquën shaꞌhuitëquëꞌ natëinaꞌ. Co noyahuëꞌ nipachinaꞌ, pënënquëꞌ. Noya nontëquëꞌ chiníquën cancantatonaꞌ, imainaꞌ. Yaꞌipi piyapiꞌsaꞌ aꞌchintëquëꞌ noya nicacaiso marëꞌ. Nipirinhuëꞌ, ama noꞌhuiquësohuëꞌ. Sanoanan quëran pënënquëꞌ.

Filemón 1:22

Naporahuaton, quëma pëinënquë aꞌna patoana tapatoco. Ca marëꞌ Yosë nontëramaꞌ niꞌton, ocoiarinaco nimara, tënahuë. Tashinan pëi quëran pipihuato, nicaponquën paꞌsarahuë.