Colosenses 4:18 - Chayahuita (Shahui)

¹⁸ Ca Paonoco naꞌcon yonquiatënquëmaꞌ, saludos aꞌpataranquëmaꞌ. Caora imirahuë quëran isoíchin ninshitaranquëmaꞌ. Tashinan pëiquë yaꞌhuarahuë. Ama naniantocosohuëꞌ. Yosë inaora nohuanton, noya catahuainquëmaꞌ. Nani ninshitëranquëma huachi. Paono

Colosenses 4:18 ပူးပေါင်းရင်းမြစ်များ

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.

Romanos 16:22

Ca Tirsioco iso quirica ninshitaranquëmaꞌ. Paono shaꞌhuitërincosoꞌ ninshitaranquëmaꞌ. Canpitantaꞌ Yosë imaramaꞌ niꞌton, saludos aꞌpataranquëmaꞌ.

Romanos 16:23

Acayontaꞌ yonquiatënquëmaꞌ, saludos aꞌpatarinquëmaꞌ. Ina pëinënquë yacapatërahuë. Inaquë chachin imaraisopita niyontonai Yosë chinotaꞌhuaiso marëꞌ. Irasitontaꞌ saludos aꞌpatarinquëmaꞌ. Iso ninanoquë coriqui tapanaꞌpi inasoꞌ. Iya Coartontaꞌ saludos aꞌpatarinquëmaꞌ. [

1 Corintios 16:21

Ca Paonoco naꞌcon yonquiranquëmaꞌ. Caora imirahuë quëran isoíchin ninshitaranquëmaꞌ.

2 Corintios 13:14

Inaora nohuanton, Sinioro Quisocristo catahuainquëmaꞌ. Tata Yosë nosoroꞌinquëmaꞌ. Ispirito Santo chachin nani tahuëri noya ayonquiinquëmaꞌ. Nani huachi. Paono

Filipenses 1:7

Naꞌcon nosororanquëmaꞌ niꞌton, ina pochin noya yonquiranquëmaꞌ. Iráca Quisocristo nanamën aꞌchinpatëra, catahuaramaco. Tashinan pëiquë poꞌmohuachinacorantaꞌ, co naniantëramacohuëꞌ. Inaquëntaꞌ catahuaramaco. Imarahuëso marëꞌ shaꞌhuirapirinaco. Coisëquë quëpapirinacohuëꞌ, co tapanatohuëꞌ, Yosë nanamën noꞌtëquën shaꞌhuitërahuë. Canpitantaꞌ “Yosë catahuarinpoaꞌ,” taꞌtomaꞌ, co tapanaramahuëꞌ. Napoaton canpita yonquiatënquëmaꞌ, noya cancantërahuë. Iyahuëpita pochachin niꞌnanquëmaꞌ.

Colosenses 4:3

Quiya marëntaꞌ Yosë nontocoꞌ. Paꞌsápato, Quisocristo nanamën aꞌchinpirahuëꞌ. Ina marëꞌ tashinan pëiquë poꞌmorinaco. Naꞌa piyapiꞌsaꞌ co nanamën nitochátërapihuëꞌ. Inahuantaꞌ nitochinaꞌ. Napoaton Yosë nontohuatamaꞌ, quiya marëntaꞌ nontocoꞌ catahuaincoi aꞌchintohuatoira, Yosë nanamën nohuanchinaꞌ.

2 Tesalonicenses 3:17

Ca Paonoco caora imirahuë quëran piꞌpian ninshitaranquëmaꞌ saludos aꞌpataꞌhuanquëmaso marëꞌ. Nani quirica ninshitërahuëquë iso pochin ninshitërahuë. Ina nicatomaꞌ, nitotaramaꞌ: “Paono mini ninshitërinpoaꞌ,” tosaramaꞌ.

1 Timoteo 6:21

Aꞌnaquën nisha nanan imatonaꞌ, Yosë aꞌpopi. Ama inapita natëquësohuëꞌ. Inaora nohuanton, Yosë noya catahuainquën. Nani ninshitëranquën huachi. Paono

2 Timoteo 1:8

Ama tapanatonhuëꞌ, Sinioro nanamën aꞌchináquëꞌ. Ina aꞌchinahuëso marëꞌ tashinan pëiquë poꞌmorinaco. Ama ina marëntaꞌ tapanquësohuëꞌ. Quëmantaꞌ aꞌchinanso marëꞌ aparisitohuachinënquën, chiníquën cancantëquëꞌ. Napohuatan, Yosë catahuarinquën noya ahuantamasoꞌ.

2 Timoteo 4:22

Sinioro Quisocristo achinicancainquën. Yaꞌipinquëmaꞌ imaramasopita inaora nohuanton, noya catahuainquëmaꞌ. Nani huachi. Paono

Tito 3:15

Caꞌtaninacosopita yonquiatënënquën, saludos aꞌpatarinënquën. Yaꞌipi imaramasopita yonquiarainquëmaꞌ. Noya yaꞌhuëcoꞌ canpitantaꞌ, tënai. Quisocristo imaramaꞌ niꞌton, nosororamacoi. Yosë inaora nohuanton, noya catahuainquëmaꞌ. Nani ninshitëranquëma huachi. Paono

Hebreos 13:25

Inaora nohuanton, Yosë nóya catahuainquëmaꞌ. Nani ninshitëranquëma huachi.

Hebreos 13:3

Ama tashinan pëiquë poꞌmopisopita naniantocosohuëꞌ. Catahuacoꞌ. Canpitantaꞌ tashinan pëiquë yaꞌhuëaramaso pochachin yonquicoꞌ. Aꞌnaquëontaꞌ imapiso marëꞌ chiníquën aparisitohuachinaꞌ, noya yonquicoꞌ. Canpitantaꞌ inapita ninatanpiso pochin cancantatomaꞌ, nosorocoꞌ.