Colosenses 4:15 - Chayahuita (Shahui)

¹⁵ Imapisopita Naotisiaquë yaꞌhuëpisopitantaꞌ saludos aꞌpatarahuë. Ninpantaꞌ yonquirahuë. Ina pëinënquë Quisocristo imapisopita niyontonpi. Inapitantaꞌ saludos aꞌpatarahuë.

Colosenses 4:15 ပူးပေါင်းရင်းမြစ်များ

Romanos 16:5

Aquiro pëinënquë chachin aꞌnaquën niyontonpi Yosë chinotacaiso marëꞌ. Inapitantaꞌ yonquiato, saludos aꞌpatarahuë. Ipinitontaꞌ saludos aꞌpatarahuë. Asia parti paꞌpatëra, inaꞌton Quisocristo imarin. Inaroꞌco noya nipayarai.

1 Corintios 16:9

Yosë nohuanton, naꞌa piyapiꞌsaꞌ isëquë yaimapi niꞌton, aꞌchintárahuë. Aꞌnaquënsoꞌ noꞌhuipirinacohuëꞌ, pënëntárahuë. Naꞌamiachin imasapi.

Colosenses 2:1

Naꞌcon iyaroꞌsaꞌ yonquiranquëmaꞌ. Naotisiaquë yaꞌhuëpisopitantaꞌ yonquirahuë. Naꞌaquëmaꞌ inatohuaꞌ yaꞌhuëramasopita co nohuitaponquëmarahuëꞌ, naꞌcon yonquiranquëmaꞌ. Co piꞌpisha tërantaꞌ nohuantërahuëꞌ nisha cancantacamasoꞌ. Napoaton ninshitaranquëmaꞌ.

Colosenses 4:13

Naꞌcon yonquirinquëmaꞌ. Co chirorinhuëꞌ Yosë nontacasoꞌ. Naotisiaquë, Iraporisëquë inaquëpita yaꞌhuëpisopitantaꞌ yonquiaton, Yosë nontárin. Noya Yosë marëꞌ sacatarin. Cari niꞌnahuë.

Colosenses 4:16

Iso quirica nontocoꞌ yaꞌipi imapisopita natainaꞌ. Nani nontohuatamaꞌ, Naotisiaquë aꞌpatocoꞌ imapisopita nonchinaꞌ. Inapitantaꞌ nisha ninshitato, aꞌpatërahuë. Ina quiricantaꞌ canpitari nontocoꞌ.

Filemón 1:2

Imoya Apiantaꞌ yonquiato, ninshitaranquëmaꞌ. Arquipontaꞌ yonquirai. Yosë nanamën aꞌchinpatora, inantaꞌ naꞌcon catahuarincoi. Parisitaponahuëꞌ, noya ahuantërin. Yaꞌipi imapisopita quëma pëinënquë niyontonpisoꞌ naꞌcon yonquirai. Iso quirica nontëquëꞌ inapitantaꞌ natainaꞌ.