Colosenses 4:13 - Chayahuita (Shahui)

¹³ Naꞌcon yonquirinquëmaꞌ. Co chirorinhuëꞌ Yosë nontacasoꞌ. Naotisiaquë, Iraporisëquë inaquëpita yaꞌhuëpisopitantaꞌ yonquiaton, Yosë nontárin. Noya Yosë marëꞌ sacatarin. Cari niꞌnahuë.

Colosenses 4:13 ပူးပေါင်းရင်းမြစ်များ

Romanos 10:2

Tëhuënchachin Yosë yachinotopirinahuëꞌ, co nanamën noꞌtëquën yonquipihuëꞌ.

2 Corintios 8:3

Co apiratonahuëꞌ, naꞌcon quëtopi. Pahuantaiquëhuarëꞌ quëtopi, cari niꞌnahuë. Co shaꞌhuitopiraihuëꞌ, inahuara nohuantatonaꞌ, quëtërinacoi pahuantërinsopita quëtacaꞌhuaiso marëꞌ.

Colosenses 2:1

Naꞌcon iyaroꞌsaꞌ yonquiranquëmaꞌ. Naotisiaquë yaꞌhuëpisopitantaꞌ yonquirahuë. Naꞌaquëmaꞌ inatohuaꞌ yaꞌhuëramasopita co nohuitaponquëmarahuëꞌ, naꞌcon yonquiranquëmaꞌ. Co piꞌpisha tërantaꞌ nohuantërahuëꞌ nisha cancantacamasoꞌ. Napoaton ninshitaranquëmaꞌ.

Apocalipsis 1:11

Nontatonco, shaꞌhuitërinco: —Apira nani maꞌsha aꞌnotaranquën, quiricaquë ninshitëquëꞌ. Ina quëran canchisë ninanoroꞌsaquë aꞌpatëquëꞌ imarinacosopita nonchinaꞌ. Ipisoquë, Ismirinaquë, Pircamoquë, Tiatiraquë, Sartisiquë, Piratiripiaquë, Naotisiaquë inaquëpita yaꞌhuëpisopita aꞌpatëquëꞌ nitochinaꞌ, itërinco.