Colosenses 4:11 - Chayahuita (Shahui)

¹¹ Quisoso Costo itopisontaꞌ yonquiatënquëmaꞌ, saludos aꞌpatarinquëmaꞌ. Inapitasoꞌ cotio piyapiꞌsaꞌ niponaraihuëꞌ, Quisocristo imasapi. Ca pochin aꞌchinapi aꞌnapitantaꞌ Yosë huaꞌanëntërinquë yaꞌconacaiso marëꞌ. Ina marëꞌ nóya cancantërahuë. Inapitasoꞌ achinicancaninaco. Aꞌnapita cotioroꞌsaso nipirinhuëꞌ co catahuarinacohuëꞌ.

Colosenses 4:11 ပူးပေါင်းရင်းမြစ်များ

Hechos 10:45

Ina nohuanton, nisha nisha nananquë nonsapi. Co nitotaponaraihuëꞌ, Ispirito Santo nohuanton, napoapi. “Ma noyacha Yosëso paya,” tosapi. Natanahuatonaꞌ, cotioroꞌsaꞌ Pitro caꞌtanpisopita paꞌyanpi: “Nisha piyapiꞌsaꞌ niponaraihuëꞌ, Yosë nohuanton, Ispirito Santori yaꞌcoancantërin,” topi.

Hechos 11:2

Napoaton Pitro Quirosarinquë huënantahuachina, aꞌnaquën cotioroꞌsaꞌ iráca nanan natëpisoari noꞌhuipi. Quisoso imaponaraihuëꞌ, iráca nanaontaꞌ nohuantopi.

Romanos 16:3

Pirisira, Aquiro, inapita yonquiato, saludos aꞌpatarahuë. Naꞌcon catahuarinaco Quisocristo nanamën aꞌchinacaꞌhuaso marëꞌ.

Romanos 4:12

Cotioroꞌsantaꞌ Apraan pochin natëtohuachinara, huiꞌninpita pochin nipi antaꞌ. Co marca niacotopiso marëꞌ noya cancantopihuëꞌ. Coꞌhuara marca niacochatërasohuëꞌ, Apraansoꞌ natëtërin. Aꞌnapitantaꞌ ina pochin cancantohuachinara, Yosëri noya niꞌsarin.

2 Corintios 6:1

Yosë acorincoi nanamën aꞌchinaꞌhuaiso marëꞌ. Acoatoncoi, catahuarincoi aꞌchintaꞌhuainquëmaso marëꞌ. “Yosë nosoroatonpoaꞌ, yanichaꞌërinpoaꞌ,” itërainquëmaꞌ. Ama topinan quëran natancosohuëꞌ. Imaco huachi.

Efesios 2:11

Isontaꞌ iyaroꞌsaꞌ yonquicoꞌ. Iráca co piꞌpian tërantaꞌ Yosë nohuitëramahuëꞌ. Canpitasoꞌ nisha piyapiꞌsanquëmaꞌ niꞌton, cotioroꞌsaꞌ nocaninënquëmaꞌ. “Quiyasoꞌ Yosë piyapinënpitacoi. Canpitasoꞌ co marca tërantaꞌ nonëmaquë niacotëramahuëꞌ,” itërinënquëmaꞌ.

Filipenses 4:3

Quëmantaꞌ iyasha naꞌcon catahuaranco niꞌton, inapita catahuaquëꞌ noya ninonchinaꞌ. Cato chachin nóya sanapiꞌsaꞌ. Naꞌcon catahuarinaco Quisoso nanamën aꞌchinaꞌhuaso marëꞌ. Iya Crimintintaꞌ noya catahuarinco. Aꞌnapitantaꞌ catahuarinaco aꞌchinaꞌhuaso marëꞌ. Co nininënpita isëquë ninshitopirahuëꞌ, Yosëri nohuitërin. Nanpirin quiricaquë nininënpita nani ninshitërin. Inaquë ninshitohuachinpoaꞌ, nanpimiatarihuaꞌ.

Colosenses 4:7

Iya Tiquico aꞌpataranquëmaꞌ. Inasoꞌ nóya niꞌnahuë. Iyahuë pochachin nosororahuë. Noya catahuarinco. Inantaꞌ Sinioro natëton, noya nanan aꞌchinarin. Onpopinsona yaꞌhuërahuësoꞌ shaꞌhuitarinquëmaꞌ.

1 Tesalonicenses 3:2

Timotio aꞌpatërainquëmaꞌ nitotacaso marëꞌ. Inantaꞌ noya imarin. Yosëri acorin Quisocristo nanamën aꞌchinacaso marëꞌ. Achinicancainquëmaso marëꞌ aꞌpatërainquëmaꞌ.

1 Tesalonicenses 3:7

Inantaꞌ shaꞌhuitiirincoi. Ina natantatoi, nóya cancantërai. Ipora huantaꞌ maꞌsha onpotërinacoi. Parisitapiraihuëꞌ, noya imaramaꞌ niꞌton, noya cancantarai.

Tito 1:10

Naꞌa quëmapiꞌsaꞌ co natëtochináchinhuëꞌ cancantopi. Inahuara yonquinëna quëran aꞌchinapi niꞌton, topinan quëran nonsápi. Cotioroꞌsaꞌ pënëntërinsoꞌ imatonaꞌ, napopi. Nisha nisha nonatonaꞌ, yanonpinapi.

Filemón 1:1

Iya Pirimon, ca Paonoco ninshitaranquën, niꞌquëꞌ. ¿Noya quëmantaꞌ yaꞌhuaran? Noya cantaꞌ yaꞌhuarahuë. Quisocristo nanamën aꞌchinahuëso marëꞌ tashinan pëiquë poꞌmorinaco. Iya Timotioroꞌco nanan aꞌpatarainquën. Nosororainquën iyasha. Quëmantaꞌ catahuarancoi aꞌchinaꞌhuaiso marëꞌ.

Filemón 1:24

Marco, Aristarco, Timasë, Nocasë, inapitantaꞌ yonquiatënënquën, saludos aꞌpatarinënquën. Inapitasoꞌ catahuarinaco Yosë nanamën aꞌchinacasoꞌ.