Colosenses 4:10 - Chayahuita (Shahui)

¹⁰ Aristarcontaꞌ isëquë yaꞌhuërarin. Quisocristo imarinso marëꞌ tashinan pëiquë poꞌmopi antaꞌ. Inantaꞌ yonquiarinquëmaꞌ, saludos aꞌpatarinquëmaꞌ. Marcontaꞌ saludos aꞌpatarinquëmaꞌ. Inasoꞌ Pirnapi quëmopinën. Canpitataquë paꞌpachin, noya nontatomaꞌ, catahuacoꞌ tënahuë. Nani ina shaꞌhuitëranquëmaꞌ.

Colosenses 4:10 ပူးပေါင်းရင်းမြစ်များ

Hechos 12:12

Ina yonquiaton, Maria pëinënquë paꞌnin. Coansha Marco aꞌshin inasoꞌ. Inaquë naꞌa imapisopita niyontonahuatonaꞌ, Yosë nontapi.

Hechos 12:25

Pirnapi, Saono, inapitasoꞌ nani yonquipi Antioquiaquë paantacaisoꞌ. Imapisopita coriqui aꞌpapisoꞌ nani quëtonpi niꞌton, Quirosarin quëran pipirahuatonaꞌ, paantapi. Coansha Marcontaꞌ quëpapi.

Hechos 13:13

Ina quëran Paonosoꞌ, caꞌtaninsopitarë chachin aꞌna parti paꞌnin. Nanchaquë yaꞌconahuatonaꞌ, marë paꞌtantapi. Panpiria parti nonshirahuatonaꞌ, aꞌna ninano Piriqui itopiquë paꞌpi. Coansha Marcoso nipirinhuëꞌ, co huachi imátërinhuëꞌ. Quirosarinquë ayamantarin.

Hechos 13:5

Saraminaquë nonshirahuatonaꞌ, cotio niyontonpiso pëiquë pantarahuatonaꞌ, Yosë nanamën shaꞌhuitopi. Nisha nisha niyontonpiso pëiquë shaꞌhuitëraꞌpiapi. Coansha Marcontaꞌ paꞌnin catahuacaso marëꞌ.

Hechos 19:29

Ina quëran yaꞌipi piyapiꞌsaꞌ noncaropi. Noꞌhuitatonaꞌ, Paono caꞌtaninsopita mapi, Acayo, Aristarico inapita itopisoꞌ. Inapitasoꞌ masitoniaroꞌsaꞌ. Chiníquën masahuatonaꞌ, huëntëntërahuatonaꞌ, niyontonpiso iꞌiratëquë quëpapi.

Hechos 20:4

Naꞌa piyapiꞌsari caꞌtanpi. Sopatiro (Pirro huiꞌnin, Piriaquë yaꞌhuërinsoꞌ), Aristarco, Siconto, (Tisaronicaquë yaꞌhuëpisoꞌ), Acayo (Tirpiquë yaꞌhuërinsoꞌ), Timotio, Tiquico, Tropimo (Asia parti yaꞌhuëpisoꞌ) inapita Paono caꞌtanpi.

Hechos 27:2

Inaquë panca nancha yaꞌhuërin, Atramitio quëran huëꞌninsoꞌ. Asia parti yapaꞌsarin. Aꞌnaya aꞌnaya ninanoquë yachinpirinsoꞌ. Inaquë yaꞌconahuatoi, pipirai. Aristarcontaꞌ caꞌtanincoi. Inasoꞌ Tisaronicaquë yaꞌhuërin, Masitonia parti nininsoꞌ.

Hechos 4:36

Naporoꞌ aꞌna quëmapi yaꞌhuërin. Cosi itopisoꞌ. Caꞌtanoꞌsari nisha nininën acotopi. Pirnapi itopi. Pirnapisoꞌ: “Achinicancantonaꞌpi,” tapon naporin. Inasoꞌ Nihui huënton quëmapi, Chipriquë huaꞌhuatërinsoꞌ.

Romanos 16:2

Canpitataquë canconpachin, Quisocristo imaramaꞌ niꞌton, noya nontocoꞌ. Maꞌsha pahuantohuachin, quëtocoꞌ. Ina sanapi naꞌa piyapiꞌsaꞌ catahuarin. Cantaꞌ catahuarinco.

Romanos 16:7

Antronico, Coniasë inapitantaꞌ saludos aꞌpatarahuë. Inapitasoꞌ ca pochin cotio piyapi nipi. Quisocristo imapi antaꞌ. Imaraiso marëꞌ napopináchin tashinan pëiquë poꞌmorinacoi. Yosë nohuanton, iráca inahuantaꞌ acopi aꞌchinacaiso marëꞌ. Noya aꞌchinpi. Coꞌhuara ca imayatërasocohuëꞌ, imapi.

2 Timoteo 4:11

Nocasëíchin isëquë yaꞌhuërarin. Marcontaꞌ macaton, quëquëꞌ. Inasoꞌ noya catahuarinco.

Filemón 1:23

Iya Ipapërasë saludos aꞌpatarinquën. Inantaꞌ Quisocristo imarin niꞌton, tashinan pëiquë yaꞌhuarin.

Filemón 1:24

Marco, Aristarco, Timasë, Nocasë, inapitantaꞌ yonquiatënënquën, saludos aꞌpatarinënquën. Inapitasoꞌ catahuarinaco Yosë nanamën aꞌchinacasoꞌ.

1 Pedro 5:13

Papironiaquëntaꞌ Yosëri huayoninsopita yaꞌhuëpi. Inapita saludos aꞌpatarinënquëmaꞌ. Marcontaꞌ saludos aꞌpatarinquëmaꞌ. Inasoꞌ huiꞌnahuë pochin niꞌnahuë.