Colosenses 3:20 - Chayahuita (Shahui)

²⁰ Huaꞌhuaroꞌsantaꞌ paꞌpinaꞌ natëinaꞌ. Aꞌshinantaꞌ natëinaꞌ. Yaꞌipi pënënpisoꞌ natëinaꞌ. Inapohuachina, Siniorori noya niꞌsarin.

Colosenses 3:20 ပူးပေါင်းရင်းမြစ်များ

Génesis 28:7

Paꞌpini, aꞌshini, shaꞌhuitërinso chachin Cacopontaꞌ, Patan-aranquë paꞌninsoꞌ niꞌnin.

Éxodo 20:12

Tatama noya nicatoma natëcoꞌ. Mamamanta natëcoꞌ. Natëhuatamaꞌ, naꞌcon catahuaranquëmaꞌ. Canaan noꞌpaꞌ quëtohuatënquëmaꞌ, huaꞌqui inaquë noya yaꞌhuaramaꞌ.

Proverbios 6:20

(-)

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Mateo 19:19

Tata natëquëꞌ. Mamantaꞌ natëquëꞌ. Quëmaora ninosororanso pochachin aꞌnapitantaꞌ nosoroquëꞌ,” itërin Quisosori.

Efesios 5:24

Imarëhuasopita Quisocristo natërëhuaso pochachin sanapiꞌsantaꞌ soꞌinaꞌ natëinaꞌ.

Filipenses 4:18

Iporasoꞌ nóya iꞌhuërëtëramaco huachi. Napoaton noya yaꞌhuarahuë. Co mantaꞌ pahuantërincohuëꞌ. Iꞌhua Ipapërotito huëꞌpachina, coriqui aꞌpatëramaco niꞌton, maꞌsha yaꞌhuëtërinco. Ina marëꞌ “Yosparinquëmaꞌ,” itëranquëmaꞌ. Yosë nosoroatomaꞌ, aꞌpatiramaco. Yosë chinotacaiso marëꞌ pimóchin nininsoꞌ aꞌpëhuachinara, Yosëri noya niꞌnin. Inapochachin canpitantaꞌ coriqui aꞌpatëramaco niꞌton, Yosë noya niꞌninquëmaꞌ.

Colosenses 1:10

Catahuaquëꞌ Sinioro quëma nohuantëranso chachin niinaꞌ. Inapohuachinaꞌ, noya noya niꞌsaran. Catahuaquëꞌ noyasáchin niinaꞌ. Naꞌcon naꞌcon nohuichinënquën.

Colosenses 3:22

Patron marëꞌ sacatohuatamaꞌ, noya natëcoꞌ. Ama nonpintocosohuëꞌ. Co niꞌpirinquëmaontaꞌ, noya sacatocoꞌ. Co patronachin yonquicasoꞌ yaꞌhuërinhuëꞌ. Siniorontaꞌ niꞌsarinquëmaꞌ. Ina yonquiatomaꞌ, yaꞌipi cancanëma quëran natëcoꞌ.

Tito 2:9

Patron marëꞌ sacatopisopitantaꞌ pënënquëꞌ patronënaꞌ noya nicatonaꞌ, natëinaꞌ. Natëtonaꞌ, noya sacachinaꞌ. Camaihuachinaꞌ, natëinaꞌ. Co aꞌpanicasoꞌ yaꞌhuërinhuëꞌ.

Hebreos 13:21

Yosë naꞌcon catahuainquëmaꞌ ina nohuantërinsoꞌ nicacamaso marëꞌ. Piꞌpian tërantaꞌ co noyahuëꞌ yonquihuatamaꞌ, anoyacancanchinquëmaꞌ. Quisocristo catahuahuachinpoaꞌ, nani tahuëri nóya nisarëhuaꞌ. Ina quëran noya niꞌsarinpoa huachi. Yaꞌipi piyapiꞌsaꞌ inasáchin chinochinaꞌ. Ama onporontaꞌ ina naniantahuasohuëꞌ. Amen.

Rota naporinso' 3:5

Napotohuachina Rotasoꞌ tapon: —Inta nipachin. Napotërancoso chachin nisarahuë, itërin.