Colosenses 3:16 - Chayahuita (Shahui)

¹⁶ Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

Colosenses 3:16 ပူးပေါင်းရင်းမြစ်များ

1 Reyes 3:28

Naporinso yaꞌipi israiroꞌsa natantopi. Ina natantatonaꞌ, paꞌyanpi huachi: “Tëhuënchachin Yosëri catahuarin. Napoaton yonquínahuan pochin noꞌtëquën shaꞌhuirin,” topi.

Salmos 32:7

Quëmaso Sinioro paꞌpoyarancoi. Huëhuëpiro ninin quëran yaꞌshopirancoi. Catahuarancoi niꞌton, canatohuatoi cantarápoi.

Isaías 5:1

Amiconëhuë nosororahuësoꞌ yaꞌhuërënamën, oparonën yonquiaton cantarinsoꞌ cantararahuë: “Amiconëhuë nosororahuësoꞌ oparohuanin. Noyaroꞌpaquë chachin acorin.

Jeremías 15:16

Quëma nontohuatancora, paꞌyátërahuë natanaꞌhuasoꞌ. Huaꞌanëntëranco niꞌton, quëma nanamën acapacancamiatërinco. Quëmaso Sinioro Yosënquën, yaꞌipi nanitaparan.

Mateo 26:30

Ina quëran Yosë cantanën cantarahuatonaꞌ, pipipi. Pipirahuatonaꞌ, Oriposë panënquë paꞌpi huachi.

Lucas 2:51

Ina quëran pipihuachina, aꞌshin, paꞌpin inapitarëꞌ Nasaritoquë paantarin. Inaquë paaton, aꞌshin, paꞌpin, inapita noya natërin huachi. Naporinsoꞌ aꞌshini cancanën quëran yonquirárin.

Juan 15:7

Casáchin yonquihuatamaco, naꞌcon catahuaaranquëmaꞌ. Aꞌchintëranquëmasontaꞌ ama naniantocosohuëꞌ. Ina yonquiatomaꞌ, Yosë nontocoꞌ. Tëhuënchachin imamiatohuatamaco, maꞌsona nohuantohuatamaꞌ, shaꞌhuitoco acochinquëmaꞌ.

Romanos 10:17

Quisocristo nanamën natanacasoꞌ yaꞌhuërin. Natanpatëhuaꞌ: “Noꞌtëquën nonin,” topatëhuaꞌ, natëtarihuaꞌ.

Romanos 15:14

Canpitasoꞌ iyaroꞌsaꞌ, nóya piyapinquëmaꞌ. Yosë nanamën noya nitotëramaꞌ. Napoaton nipënënamasoꞌ nanitaramaꞌ, tënahuë.

1 Corintios 14:15

Napoahuarëꞌ, ¿onpocasota yaꞌhuërin? Ispiritonëhuë quëran Yosë nontarahuëꞌ, cantarahuë, napoarahuë. Napoaporahuëꞌ, maꞌsona tapo naporahuësontaꞌ yonquiato, Yosë nontarahuë, cantarahuë napoarahuë, tënahuë.

1 Corintios 14:26

Napoaton iyaroꞌsaꞌ niyontonpatamaꞌ, noyasáchin yonquicoꞌ. Aꞌnaquëmaꞌ cantaramaꞌ. Aꞌnaquëmaꞌ Yosë nanamën aꞌchinaramaꞌ. Aꞌnaquëmaꞌ Yosë anitotërinquëmasoꞌ shaꞌhuitaramaꞌ. Aꞌnaquëmantaꞌ nisha nananquë nonpiso pochin nonsaramaꞌ. Ina piquëran aꞌnaquëmasoꞌ maꞌsona tapon nonamasoꞌ canpita nananquë shaꞌhuitaramaꞌ. Maꞌsona tërantaꞌ nipatamaꞌ, nicatahuacoꞌ yaꞌipinquëmaꞌ noya noya imacamaso marëꞌ.

Efesios 1:17

Tata Yosësoꞌ noya noya ninin. Inasáchin chinotacasoꞌ yaꞌhuërin. Quisocristo isoroꞌpaquë oꞌmaton, Yosë anohuitërinpoaꞌ. Ina yonquiato, canpita marëꞌ Yosë nontërahuë: “Catahuaquëꞌ Sinioro noꞌtëquën yonquiꞌinaꞌ. Noya noya nohuichinënquën. Noya nohuitohuachinënquën, quëma yonquiranso chachin nitotapi.

Efesios 5:17

Ama topinan quëran yaꞌhuëcosohuëꞌ. Yosë nohuantërinsoꞌ nitotatomaꞌ, natëcoꞌ.

Efesios 5:19

Yosë quiricanënquë cantapisoꞌ yonquiatomaꞌ, nishaꞌhuitocoꞌ. Yosë cantanën cantacoꞌ. Nisha nisha cantanën cantatomaꞌ, yaꞌipi cancanëma quëran Yosë chinotocoꞌ.

Efesios 5:26

Quisocristo chiminin anoyacancantinpoaso marëꞌ. Nanamën natëhuatëhuara, noyápiachin cancan quëtërinpoaꞌ. Iꞌquë amarëso pochin oshanënpoaꞌ inquitërinpoaꞌ.

Colosenses 1:28

Napoaton Quisocristo nanamën aꞌchinárai. Yaꞌipi piyapi pënënárai. Noya yonquiatoi, aꞌchintarai Quisocristo imacaiso marëꞌ. Ina imapatamaꞌ, noya noya cancantaramaꞌ.

Colosenses 1:9

Naporo quëran huarëꞌ canpita yonquiatëinquëmaꞌ, Yosë nontërai. Nani tahuëriya nontatoi, itërai: “Quëmasoꞌ Sinioro tëhuënchachin anitotërancoi noꞌtëquën natëcaꞌhuainquënso marëꞌ. Corosasëquë imarinënsopita naꞌcon catahuaquëꞌ. Yaꞌipi nohuantëransoꞌ anitotëquëꞌ. Ispirito Santori catahuain noꞌtëquën yonquiꞌinaꞌ.

Colosenses 4:6

Noya yonquiatomaꞌ, sanoanan quëran pënëntocoꞌ noya natainënquëmaꞌ. Yashin yashin nontocoꞌ. Aꞌnaya aꞌnaya natanpachinquëmaꞌ, noyasha aꞌpanicoꞌ. Ina pochin nontacaso marëꞌ naꞌcon yonquicoꞌ.

1 Tesalonicenses 1:8

Noya imaramaꞌ niꞌton, yaꞌipi inaquë yaꞌhuëpisopita nicatënënquëmaꞌ, yonquipi. Naporahuaton, yaꞌipi ina parti nahuinin. Co quiyari shaꞌhuitopiraihuëꞌ, yaꞌipiya nitotopi.

1 Tesalonicenses 4:18

Inapita yonquiatomaꞌ, nishaꞌhuitocoꞌ noya cancantacaso marëꞌ. Ama sëtacaso marëhuëꞌ ina pochin niachinicancancoꞌ.

2 Tesalonicenses 3:15

Napoaponahuëꞌ, ama inimico pochin nicatomaꞌ, noꞌhuicosohuëꞌ. Iyaparima pochin nicatomaꞌ, sanoanan quëran pënëncoꞌ.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.

2 Timoteo 3:15

Huaꞌhuatapon quëra huarëꞌ Yosë quiricanën nohuitëran. Ina quëran Yosë nontërinpoaꞌ nichaꞌëinpoaso marëꞌ. Ina nitotohuatëhuaꞌ, Quisocristo natëhuatëhuaꞌ, cancanënpoaꞌ anoyacancantërinpoaꞌ.

Tito 3:6

Quisocristo anoyacancantërinpoaꞌ niꞌton, Ispirito Santo aꞌpatimarinpoaꞌ yaꞌcoancantinpoaso marëꞌ. Noyá yaꞌcoancantohuachinpoaꞌ, naꞌcon catahuarinpoaꞌ.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.

Santiago 3:17

Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ.

Santiago 5:13

Aꞌnaquëmaꞌ maꞌsha onpohuatamaꞌ, Yosë nontocoꞌ catahuainquëmaꞌ. Noya cancantohuatamaꞌ, Yosë cantanën cantatomaꞌ: “Yosparinquën Sinioro,” itocoꞌ.

1 Juan 2:14

Yaꞌipi imaramasopita huiꞌnahuëpita pochin niꞌnanquëmaꞌ. Yosë nohuitëramaꞌ niꞌton, ninshitaranquëmaꞌ noya noya cancantacamaso marëꞌ. Quisocristo noya nohuitëramaꞌ niꞌton, iyaroꞌsaꞌ, ninshitaranquëmaꞌ. Inasoꞌ iráca quëran huarëꞌ yaꞌhuërin. Nani tahuëri, apiaꞌhuaroꞌsaꞌ, Yosë nanamën yonquiaramaꞌ. Napoaton chiníquën cancantaramaꞌ. Chiníquën cancantatomaꞌ, sopai nani minsëramaꞌ.

1 Juan 2:24

Yaꞌnan imapomaꞌ, noꞌtëquën aꞌchintërainquëmaꞌ. Ina chachin imamiatocoꞌ. Ina imapatamaꞌ, cancanëma quëran Tata Yosë nohuitaramaꞌ. Huiꞌniontaꞌ noya nohuitarama huachi.

1 Juan 2:27

Canpitaso nipirinhuëꞌ Ispirito Santo yaꞌhuëtërinquëmaꞌ. Quisocristo imaramaꞌ niꞌton, ina nohuanton, yaꞌcoancantërinquëmaꞌ. Nani tahuëri aꞌchintarinquëmaꞌ. Cancanëmaquë Yosë nanamën aꞌchintarinquëmaꞌ. Co onporontaꞌ nonpintërinquëmahuëꞌ. Noꞌtëquën aꞌchintërinquëmaꞌ niꞌton, co aꞌnapita aꞌchintinquëmasoꞌ yaꞌhuërinhuëꞌ. Ina natëhuatamaꞌ, noꞌtëquën yonquiaramaꞌ. Shaꞌhuitërinquëmaso pochachin Quisocristo imamiatocoꞌ.

2 Juan 1:2

Quisocristo noꞌtëquën aꞌchintërinpoaꞌ. Noꞌtën nanan imamiatatëhuaꞌ, ninosoroarëhuaꞌ.

Apocalipsis 14:3

Nasha cantanën inápaquë cantarapi. Yosë notënanquë cantarapi. Ansianoꞌsaꞌ, catapini maꞌsharoꞌsa pochin nininsopita, inapitantaꞌ natanapi. Pasa catapini shonca catapini huaranca imapisopita cantapisoꞌ. Isoroꞌpaquë yaꞌhuaponaꞌ, Quisosori nichaꞌërin. Oshanëna marëꞌ chiminaton, anoyacancantërin niꞌton, inapitaráchin nanitopi ina cantacaisoꞌ.

Apocalipsis 15:3

Iráca Moisësë Yosëíchin natëton, inimiconënpita minsërahuaton, cantarin. Inapochachin isopitantaꞌ cantarapi. Carniroaꞌhua cantarinsontaꞌ cantarapi. “¡Ma noyanquëncha, Sinioro, quëmaso paya! Yaꞌipi nanitaparan. Ma noyacha catahuarancoi paya. Chiníquën nanantaton, noya ninan. Noya huaꞌanëntaton, noꞌtëquën anaꞌintëran. Co onporontaꞌ nonpinanhuëꞌ. Yaꞌipi piyapiꞌsaꞌ natëinënquën.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.