Colosenses 2:23 - Chayahuita (Shahui)

²³ Ina pochin nipënënpachinaꞌ, yonquínahuan pochin yaꞌnopirinahuëꞌ. “Maꞌsha aꞌporahuatoi, parisitërai. Parisitopiraihuëꞌ, ahuantërai. Ina marëꞌ Yosë noya noya niꞌnincoi,” topirinahuëꞌ, co noꞌtëquën yonquipihuëꞌ. Ina pochin nipirinahuëntaꞌ, co piꞌpian tërantaꞌ nanitopihuëꞌ co noyahuëꞌ yonquipisopita naniantacaisoꞌ.

Colosenses 2:23 ပူးပေါင်းရင်းမြစ်များ

Romanos 13:14

Sontaroꞌsaꞌ huaꞌna aꞌmopiso pochin Quisocristo yaꞌcopirinpoaꞌ ama sopai minsëinpoaso marëhuëꞌ. Napoaton Quisocristo naꞌcon yonquiatomaꞌ, ina pochachin cancantocoꞌ. Ina natëtomaꞌ, ama piꞌpian tërantaꞌ yonquicosohuëꞌ co noyahuëꞌ nicacamaso marëꞌ.

Efesios 5:29

Co insontaꞌ inaora ninoꞌhuirinhuëꞌ. Tanahuachina, coshatërin. Canotohuachina, chinotërin. Noya ina pochin ninosororin. Quisocristo imarëhuasopita nosororinpoaso pochin ninin.

Colosenses 2:18

Nisha aꞌchinaꞌpiroꞌsaso nipirinhuëꞌ taponaꞌ: “Quiyasoꞌ anquëniroꞌsaꞌ chinotërai. Huaꞌnarëso pochin quënanai. Co canpitasoꞌ quiya pochin nipatamahuëꞌ, co noya cancantaramahuëꞌ,” itohuachinënquëmaꞌ, ama piꞌpisha tërantaꞌ natëtocosohuëꞌ. Inapitasoꞌ nonpinatonaꞌ, “Nani maꞌsha Yosë anitotërincoi niꞌton, noya noyacoi,” topirinahuëꞌ, inahuara yonquinëna quëran napopi.

Colosenses 2:22

Co ina pochin Yosë pënëninpoahuëꞌ. Cosharoꞌ, maꞌsha, inapitasoꞌ co yaꞌhuëmiatërinhuëꞌ. Aꞌna tahuëri taꞌhuantarin niꞌton, co inapitasoꞌ aquëtëꞌ Yosë yonquirinhuëꞌ. Piyapiꞌsaꞌ inahuara yonquinëna quëran ina pochin nipënënpi.

Colosenses 2:8

Aꞌnaquënso nipirinhuëꞌ nisha aꞌchinpi. Niꞌcona oshaquëran anishacancantochinquëmaꞌ. Nonpin nanan inahuara yonquipisoꞌ aꞌchinapi. Piyapiꞌsaꞌ yonquipisoráchin imasapi. Quisocristo aꞌchininsoꞌ co imapihuëꞌ. Nisha nisha isoroꞌpaquë chiníquën nanantopisopita yonquiatonaꞌ, nisha pënëntapi. Yaocoirinënquëmaꞌ. Canpitaso nipirinhuëꞌ ama inapita natëcosohuëꞌ.

1 Timoteo 4:3

“Ama sanapi macosohuëꞌ. Nisha nisha cosharoꞌ aꞌpoco huachi,” tosapi. Napopirinahuëꞌ, Yosë yaꞌipi cosharoꞌ ninin capacaso marëꞌ. Nanamën nitotatëhuaꞌ, Yosë natëhuatëhuaꞌ, co aꞌpoarihuahuëꞌ. “Yosparinquën, Sinioro,” itatëhuaꞌ, caparihuaꞌ.

1 Timoteo 4:8

Nani tahuëriya sacatohuatëhuara, chinipirëhuahuëꞌ, noya noya Yosë imacasoꞌ yonquihuatëhuaꞌ, achinicancaninpoaꞌ. Achinicancanpachinpoaꞌ, noya noya nisarëhuaꞌ, tënahuë. Noya noya imapatëhuaꞌ, isoroꞌpaquë noya nanpiarëhuaꞌ. Aꞌna tahuërintaꞌ Yosëꞌpaꞌ nanpimiatarihuaꞌ.