Colosenses 2:16 - Chayahuita (Shahui)

¹⁶ Napoaton nisha pënënpachinënquëmaꞌ, ama natëcosohuëꞌ. “Nani maꞌsha caꞌpatëhuaꞌ, oꞌopatëhuaꞌ, oshahuanarëhuaꞌ,” topi aꞌnaquën. Nani sahuato tahuëri chinotopi. Nani yoquiaꞌhuaraiquë chinotopi. Nisha nisha niyontopiso tahuëriꞌsaꞌ naꞌhuëpi. “Co quiya pochin nipatamahuëꞌ, co noꞌtëquën imaramahuëꞌ,” itarinënquëmaꞌ. Nipirinhuëꞌ, ama inapitasoꞌ natëcosohuëꞌ.

Colosenses 2:16 ပူးပေါင်းရင်းမြစ်များ

2 Reyes 4:23

—¿Maꞌmarëta iporasoꞌ yaniꞌnan? Co yoquiaꞌhuaraihuëꞌ. Co sahuatohuëꞌ, itërin soꞌini. —Ama paꞌyanquësohuëꞌ. Noya paꞌsarahuë, itaantarin saꞌinintaꞌ.

Nehemías 8:9

Ina natanatonaꞌ, niyontonpisopitaso naꞌnëpi. Napoaton Niimiasë, Istrasë, maꞌsona tapon naporinsopita shaꞌhuinaꞌpiroꞌsaꞌ, inapitari piyapiꞌsa achinicancanpi. Ama aquëtë sëtatona naꞌnëcaiso marëhuëꞌ, achinicancanpi. Naporahuaton ina tahuërisoꞌ, Sinioro marëꞌ acopiso tahuëri niꞌton, co naꞌnërápaiso marëhuëꞌ napotopi.

Salmos 42:4

Ina yonquihuatora, paꞌpi sëtërahuë. Iráca naꞌa niyontonahuatoi, Yosë chinotërai. Pëinënquë yapaꞌpatoira, cari piyapiꞌsa quëparahuë. Capa cancantatoi nonca nonca tërarai. “Yosparinquën Sinioro,” tëcatoi, panca pita ninai. Iporaso napoaponahuëꞌ, parisitárahuë.

Isaías 1:13

Co noyahuëꞌ nisápomarahuëꞌ, maꞌsha tëpatoma chinotamacoso marëꞌ yáquënamaꞌ. Inapita quënamasoꞌ, co manta paꞌtërinhuë pochin niꞌnahuëꞌ. Inapita aꞌpëhuatamara conainën pantarinsoꞌ, co huachi ahuantërahuëꞌ. Nani sahuato, nani yoquiaꞌhuaraiquë, niyontonatoma chinotëramaco. Co noyahuëꞌ cancantërama niꞌton, niyontonpiramahuëꞌ amiranquëmaꞌ. Amitënquëmaꞌ, co huachi ahuantëranquëmahuëꞌ.

Levítico 16:31

Yaꞌipi ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Ina tahuëri noya nicatoma canpitasoꞌ, ca marëꞌ chinotaramaꞌ. Co coshatatomarahuëꞌ, chinotaramaco.

Amós 8:5

Canpitaso maꞌsha paꞌanaꞌpinquëma niꞌton: “¡Trico paꞌantacaso marëꞌ yoquiaꞌhuaraiꞌ pita, manóton naꞌhuëin! Ihuatë pëꞌtënanquë pëꞌtënatëhuaꞌ, naꞌcon naꞌcon canacaso marëꞌ ¡Sahuatontaꞌ, aꞌnaroáchin naꞌhuëin! Popriyaroꞌsa aquëtë apopriyatahuaꞌ. Inahuara chachiontaꞌ, nihuirinpoaso marëꞌ paꞌanhuaꞌ. Sapatë marëya tëranta nihuihuachinpoaꞌ, inapotahuaꞌ. Trico nitapihuachina tëꞌyatopirëhuahuëꞌ, ina tëranta paꞌantacaso yaꞌhuërin,” tënamaꞌ.

Mateo 15:11

Coshatërëso marëꞌ co oshahuanëhuëꞌ. Cancanënpoa quëran yonquirëso marëꞌ oshahuanëhuasoꞌ. Tëhuënchachin co noyahuëꞌ nonpatëra, oshahuanëꞌ, itërin.

Hechos 15:20

Nipirinhuëꞌ, piꞌpian pënënacaso marëꞌ ninshitahuaꞌ. Nisha piyapiꞌsaꞌ maꞌsha tëpapi mamanshi moshacaiso marëꞌ. Ina nosha Quisoso imapisopita tananpichinaꞌ. Naporahuatonaꞌ, aꞌnaquën maconorahuatonaꞌ, maꞌsha tëpapi. Co huënainën noya inquitopihuëꞌ. Ina noshantaꞌ ama caꞌinasohuëꞌ. Naporahuatonaꞌ, ama monshihuainasohuëꞌ, Inaíchin pënëanhuanꞌ.

Romanos 14:10

Ayaroꞌ tahuëri yaꞌipinpoaꞌ natanarinpoaꞌ co noyahuëꞌ nipisopita anaꞌintacaso marëꞌ. ¿Onpoatontaꞌ nipachin iyaparin nocanan? Co ina pochin nicacasoꞌ yaꞌhuërinhuëꞌ. Yosëíchin noꞌtëquën anitotarinpoaꞌ.

Gálatas 4:10

Cotioroꞌsa pochin sahuato tahuëri chinotëramaꞌ, yoquiaꞌhuarai tahuëriꞌsantaꞌ, chinotantaramaꞌ. Nani piꞌipi nisha nisha niyontonpiso tahuëriꞌsaꞌ naꞌhuëramaꞌ. “Ina marëꞌ Yosë noya niꞌninpoaꞌ,” topiramahuëꞌ, co ina marëꞌ noya niꞌninquëmahuëꞌ.

Colosenses 2:20

Iráca Quisocristo chiminin. Canpitantaꞌ ina imapatamaꞌ, inarëꞌquëmaꞌ chiminamaso pochin ninamaꞌ niꞌton, co huachi aꞌnapita pochin nisha nisha chiníquën nanantopisopita imaramahuëꞌ. Inapitasoꞌ inahuara yonquinëna quëran nisha aꞌchinpi. “Nani maꞌsha natëhuatoi, chaꞌësarai,” taꞌtonaꞌ, “Ama ina caꞌcosohuë. Ama piꞌnicosohuëꞌ. Ama sëꞌhuayátëracosohuëꞌ,” itarinënquëmaꞌ. ¿Maꞌmarëtaꞌ ipora huantaꞌ ina natëcamasoꞌ yonquiramaꞌ? tënahuë yonquiato.

Hebreos 13:9

Aꞌnaquën nisha aꞌchintohuachinënquëmaꞌ, ama natancosohuëꞌ, nonpintochinënquëmaꞌ. Noꞌtëquën yonquicoꞌ. Nisha nisha nicacasoꞌ pënënpirinënpoahuëꞌ, co ina quëran noya cancantërëhuahuëꞌ. Naꞌa piyapiꞌsaꞌ nisha nisha cosharoꞌ aꞌpoaponaraihuëꞌ, co noya cancantopihuëꞌ. Quisocristoíchin nanitërin anoyacancantinpoasoꞌ. Inaora nohuanton, nosoroatonpoaꞌ, catahuarinpoaꞌ imamiatacasoꞌ.

Hebreos 9:10

Iráca nisha nisha cosharoꞌ aꞌpopi. Nisha nisha oꞌocasontaꞌ aꞌpopi. Co noyahuëꞌ nipachinara, “Oshanëhuë inquiꞌi,” taꞌtonaꞌ, nisha nisha paꞌmopi. “Inapotohuatëhuaꞌ, Yosë noya niꞌsarinpoaꞌ,” topirinahuëꞌ, co ina marëꞌ noya cancantopihuëꞌ. Yosëri nasha nanan shaꞌhuitaton, anoyataquë huarëꞌ inapocaisoꞌ yaꞌhuërin.

Santiago 4:11

Ama iyaroꞌsaꞌ nipinocosohuëꞌ. Ama coisë pochin cancantatomaꞌ, aꞌnapita noꞌhuicosohuëꞌ. Piꞌpisha tërantaꞌ nanan yaꞌhuëhuachin, ama apancatahuatomaꞌ, nishaꞌhuirapicosohuëꞌ. Quisocristo imaramaꞌ niꞌton, iyaparin pochachin ninosorocasoꞌ yaꞌhuërin. Pinopatamaꞌ, co nosoroaramahuëꞌ. Yosë pënënpirinpoahuëꞌ. “Yaꞌipi piyapiꞌsaꞌ nosorocoꞌ,” itopirinpoahuëꞌ, “Co nosorocasoꞌ yaꞌhuërinhuëꞌ,” taꞌtomaꞌ, pinoramaꞌ. Canpitaora yonquinëma quëran pinotatomaꞌ, co Yosë natëramahuëꞌ.

1 Samuel 20:18

Ina quëran Tapi itaantapon: —Tashiraya yoquiaꞌhuaraiꞌ pita nisarin. Huënsëyantëranquë capa nipatan, tata nohuanarinquën.

1 Samuel 20:5

—Niꞌquëꞌ. Tashiraya yoquiaꞌhuaraiꞌ pita nisarin. Napoaton copirnorëꞌco capahuaso yaꞌhuërin. Inaso nipirinhuëꞌ, tashiraya aquëtëran iꞌhuaquë huarëꞌ caso iminoꞌsaquë naꞌpii topirahuë.