Colosenses 1:8 - Chayahuita (Shahui)

⁸ Ina shaꞌhuitiirincoi. “Ispirito Santori catahuarin niꞌton, noya ninosoroapi,” itiirincoi.

Colosenses 1:8 ပူးပေါင်းရင်းမြစ်များ

Marcos 4:22

Iporasoꞌ maꞌsha noyá poꞌopinan pochin niꞌton, co insontaꞌ nitotërinhuëꞌ. Aꞌna tahuëriso nipirinhuëꞌ yaꞌipiya nitotapi.

Romanos 15:30

Canpitantaꞌ iyaroꞌsaꞌ Quisocristo imaramaꞌ. Ispirito Santo catahuarinpoaꞌ niꞌton, ninosoroarëhuaꞌ. Napoaton chiníquën Yosë nontocoꞌ catahuainco.

Romanos 5:5

Inasáchin ninahuatëhuaꞌ, tëhuënchachin co naniantarinpoahuëꞌ niꞌton, co tapanarihuahuëꞌ. Ispirito Santo aꞌpatimarinpoaꞌ. Yaꞌcoancantohuachinpoaꞌ: “Ma noyacha Yosë nosororinpoa paya,” tarihuaꞌ. Ispirito Santo chachin Yosë nosororinpoasoꞌ anitotërinpoaꞌ.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

2 Timoteo 1:7

Yosë co nohuantërinhuëꞌ tëꞌhuacasoꞌ. Ispirito Santo chachin achinicancaninpoaꞌ sopai minsëcaso marëꞌ. Inasáchin ananitërinpoaꞌ piyapiꞌsaꞌ nosorocasoꞌ. Catahuarinpoaꞌ cancanënpoa quëran noꞌtëquën yonquicasoꞌ.

1 Pedro 1:22

Yosë nanamënsoꞌ noꞌtën nanan. Ina natëhuatamaꞌ, yaꞌipi co noyahuëꞌ yonquiramasopita naniantaramaꞌ. Noyápiachin cancantaramaꞌ. Yosë anoyacancantërinquëmaꞌ ninosorocamaso marëꞌ. Napoaton imaramasopita capini noya ninosorocoꞌ. Tëhuënchachin cancanëma quëran huarëꞌ ninosorocoꞌ.