Colosenses 1:25 - Chayahuita (Shahui)

²⁵ Yosë acorinco imapisopita catahuaꞌhuaso marëꞌ. Canpitantaꞌ aꞌchintaranquëmaꞌ. Yaꞌipi nanamën aꞌchinaꞌhuaso marëꞌ acorinco.

Colosenses 1:25 ပူးပေါင်းရင်းမြစ်များ

1 Corintios 3:5

Co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Quiyantaꞌ topinan piyapicoi nipiraihuëꞌ, Yosë shaꞌhuitërincoi niꞌton, aꞌchintërainquëmaꞌ. Natanpatamaꞌ, Yosë imasaramaꞌ.

1 Corintios 9:17

Caora nohuanto, aꞌchinahuë naporini, ina marëꞌ canaitohuëꞌ. Nipirinhuëꞌ, ina shaꞌhuitërinco niꞌton, aꞌchinaꞌhuasoꞌ yaꞌhuërin.

Efesios 3:2

Inaora nohuanton, Yosë chachin acorinco aꞌchintaꞌhuanquëmaso marëꞌ. Naꞌcon catahuarinco niꞌton, nanamën shaꞌhuiárahuë, natantëramaꞌ.

Efesios 3:7

Yosë nosoroatonco, acorinco ina nanan aꞌchinaꞌhuaso marëꞌ. Co acoincosohuëꞌ nipirinhuëꞌ, acorinco. Naꞌcon catahuarinco niꞌton, noya aꞌchinárahuë.

Colosenses 1:23

Imamiatohuatamaꞌ, Yosë noya niꞌsarinquëma huachi. Noya nanan natanamaꞌ. “Nichaꞌësarinpoaꞌ,” taꞌtomaꞌ, natërama huachi. Natëmiatocoꞌ. Ama, iyaroꞌsaꞌ, nisha nisha yonquicosohuëꞌ. Ama piꞌpian tërantaꞌ aꞌpocosohuëꞌ. Yaꞌipi parti noya nanan chachin aꞌchinapi. Inachachin cantaꞌ aꞌchinarahuë.

1 Tesalonicenses 3:2

Timotio aꞌpatërainquëmaꞌ nitotacaso marëꞌ. Inantaꞌ noya imarin. Yosëri acorin Quisocristo nanamën aꞌchinacaso marëꞌ. Achinicancainquëmaso marëꞌ aꞌpatërainquëmaꞌ.

1 Timoteo 4:6

Nani pënënanquën. Ina nanan aꞌchinpatan, noya nisaran. Quisocristo noya niꞌsarinquën. Cosharoꞌ achinirinposo pochin Yosë nanamën natëhuatan, achinicancanarinquën. Noꞌtëquën aꞌchintërainquën niꞌton, noya imasaran.