Apocalipsis 9:4 - Chayahuita (Shahui)

⁴ “Ama panpatëroꞌ, nara monoꞌ, nitërinsoꞌ inapita pëꞌyacosohuëꞌ. Piyapiꞌsaꞌ co Yosë marcanën tëꞌyainquë yaꞌhuëtohuachinarahuëꞌ, inapita aparisitocoꞌ,” itërin.

Apocalipsis 9:4 ပူးပေါင်းရင်းမြစ်များ

Copo naporinso' 1:12

Naporoꞌ Siniorori itapon: —Inta nipachin. Nani maꞌsha yaꞌhuëtërinsoꞌ, maꞌsha onpotëriquëꞌ. Inaora chachinso napoaponahuëꞌ, ama manta maꞌsha onpotëquësohuëꞌ, itërin. Napotohuachina, inaso Sinioro yaꞌhuërin quëran pipirin.

Copo naporinso' 2:6

Naporoꞌ Siniorori itapon: —Inta nipachin. Maꞌsha onpotëriquëꞌ. Napoaponahuëꞌ, ama tëpaquësohuëꞌ, itaantarin.

Éxodo 12:23

Inapotohuatëhuaꞌ, Yosë noya niꞌsarinpoaꞌ. Paninanënpoapita co tëpaponhuëꞌ. Iquipitoroꞌsa pëinënaquëso nipirinhuëꞌ, tëpaton anquëniri paninanëna tëparaꞌpiapon.

Mateo 24:24

Naꞌa nonpin nanan pënëntonaꞌpiroꞌsaꞌ huëcaponaꞌ. ‘Casoꞌ Cristoco’ tosapi aꞌnaquën. ‘Casoꞌ ninotonaꞌpico,’ tosapi aꞌnaquëontaꞌ. Sacaiꞌ nininsopita nisapi piyapiꞌsaꞌ nonpintacaiso marëꞌ. Huayoninsopitantaꞌ nonpintochinaichin nisapi.

Efesios 4:30

Co noyahuëꞌ nipatamaꞌ, Ispirito Santo sëtarin. Quisocristo imapatamara, sichoquë marca acotërëso pochin Ispirito Santo ayaꞌcoancantërinquëmaꞌ. Ayaroꞌ tahuëriquë huarëꞌ aꞌpaiarinquëmaꞌ. Naporoꞌ noyá nichaꞌësarinquëmaꞌ. Napoaton ama Ispirito Santo asëtocosohuëꞌ.

Apocalipsis 14:1

Ina quëran huaꞌnarëso pochin niantahuato, Carniroaꞌhua quënantarahuë. Sion motopiquë huaniarin. Inarëꞌ pasa catapini shonca catapini huaranca piyapiꞌsaꞌ yaꞌhuapi, niꞌnahuë. Imapi niꞌton, ina nininën niacotëꞌyatopi. Tata Yosë nininëontaꞌ niacotopi.

Apocalipsis 6:6

Naporoꞌ catapini maꞌsharoꞌsaꞌ huancánachin, noninsoꞌ natanahuë: —Yaꞌipi cosharoꞌ naꞌcon paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, aꞌna quiroichin trico paꞌanapi. Inapochachin aꞌna cosharontaꞌ pahuanarin. Sipatasoꞌ trico pochin niponahuëꞌ, co ina pochin paꞌtopirinhuëꞌ, inantaꞌ paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, cara quiroichin paꞌanapi. Tomaꞌ, huino, inapitantaꞌ pahuanarin. Niꞌcona chiniatamaꞌ, tënin.

Apocalipsis 7:1

Ina quëran Yosë nohuanton, huaꞌnarëso pochin niantarahuë. Aꞌna tahuëri maꞌsha onpocasoꞌ aꞌnotantarinco. Catapini anquëni yaꞌnopi, niꞌnahuë. Aꞌnasoꞌ piꞌi pipirinsoꞌ parti huaniarin. Aꞌnantaꞌ piꞌi yaꞌconinsoꞌ parti huaniarin. Huancanachiontaꞌ catoꞌ ninotërapi. Inaquëpita Yosëri acorin isoroꞌpaꞌ anaꞌintacaiso marëꞌ. Oshaquëran Yosë nohuanton, anaꞌintapi. Piꞌpisha pahuanarin niꞌton, anquëniroꞌsari ihuan yaꞌcopirapi ama marëquë, isoroꞌpaquë inaquëpita maꞌsha onpocaiso marëhuëꞌ. Ama nararoꞌsa tërantaꞌ oyanacaiso marëhuëꞌ yaꞌcopirapi.

Apocalipsis 8:7

Yaꞌnan pihuirinsoꞌ irinpachina, Yosë nohuanton, ocaiꞌ, pën, inapita inápa quëran anotarin. Huënairë chachin anotarin. Pancana huiquitarin. Patoma pochin huiquitarin. [Cacharonquë un tercero, topisoꞌ.] Nararoꞌsaꞌ, panpatëroꞌ inapitanta napochachin huiquitarin.