Apocalipsis 9:18 - Chayahuita (Shahui)

¹⁸ Cahuarioroꞌsa nanamëna quëran inapita pipirahuatonaꞌ, patoma pochin piyapiꞌsaꞌ tëparapi. Notohuaroꞌ chiminapi.

Apocalipsis 9:18 ပူးပေါင်းရင်းမြစ်များ

Apocalipsis 8:10

Ina quëran aꞌna anquënintaꞌ pihuiantahuachina, panca tayora anotarin, panca orotërinsoꞌ. Anotohuachina, Yosë nohuanton, patoma pochin iiroꞌsaꞌ tapiarin.

Apocalipsis 8:11

Ina tayorasoꞌ Main itopi. Tëquëin, iꞌshaaꞌhuaroꞌsaꞌ, inapita patoma pochin main nisarin. Máin niꞌton, notohuaroꞌ piyapiꞌsaꞌ ina oꞌotonaꞌ, chiminapi.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.

Apocalipsis 8:7

Yaꞌnan pihuirinsoꞌ irinpachina, Yosë nohuanton, ocaiꞌ, pën, inapita inápa quëran anotarin. Huënairë chachin anotarin. Pancana huiquitarin. Patoma pochin huiquitarin. [Cacharonquë un tercero, topisoꞌ.] Nararoꞌsaꞌ, panpatëroꞌ inapitanta napochachin huiquitarin.

Apocalipsis 8:8

Ina quëran aꞌna anquënintaꞌ tronpita pihuiantarin. Pihuiantahuachina, panca motopi pochin nininsoꞌ niꞌnahuë. Pën pochin orotërimarin. Yosë nohuanton, marëquë anoitërin. Inaquë anotohuachina, patoma pochin marë huënai taranin.

Apocalipsis 8:9

Patoma pochin maꞌsharoꞌsaꞌ inaquë yaꞌhuërinsoꞌ chiminpi huachi. Panca nancharoꞌsantaꞌ patoma pochin taꞌhuantopi.

Apocalipsis 9:15

Itohuachina, anquëniroꞌsaꞌ aꞌparin piyapiꞌsaꞌ anaꞌintacaiso marëꞌ. Iráca inaquë acopirinhuëꞌ. Nani ora nanirin niꞌton, aꞌparin huachi patoma pochin piyapiꞌsaꞌ tëpacaiso marëꞌ.

Apocalipsis 9:17

Huaꞌnarëso pochin aꞌninquëchin quënanahuë. Aꞌna tahuëri maꞌsha onpocasoꞌ quënantarahuë. Huaꞌna coton sontaroꞌsaꞌ aꞌmopiso pochin aꞌmopi. Pënsha pochin huënaráchin nipi. Aꞌnaquën caninchin. Aꞌnantaꞌ shaꞌpíchin. Cahuarioroꞌsantaꞌ nisha yaꞌnopi. Paꞌpiniꞌ pochin mototopi. Nanamën quëran pën, conaiꞌ, shaꞌpi moꞌshiꞌ, inapita pipiapi.

Apocalipsis 9:19

Nanamëna quëran tëparapi. Huinamëna quëraontaꞌ yaꞌhuan pochin quëtëtatonaꞌ, tëparapi.