Apocalipsis 9:1 - Chayahuita (Shahui)

¹ Ina piquëran aꞌna anquënintaꞌ pihuiantahuachina, tayora anotërinso pochin aꞌnantaꞌ oꞌmarin. Yosë nohuanton, chiníquën nanan yaꞌhuëtërin sopairoꞌsaꞌ oncorapirinsoꞌ parti iꞌsoatacaso marëꞌ. Nanin acoporoꞌ paꞌninsoꞌ iꞌsoatarin.

Apocalipsis 9:1 ပူးပေါင်းရင်းမြစ်များ

Lucas 10:18

Napotohuachinara, Quisosori itërin; —Sopai huaꞌan chachin iráca inápaquë yaꞌhuëpirinhuëꞌ, Yosëri tëꞌyatërin. Oꞌcori pochin aꞌnaroáchin anotërinsoꞌ niꞌnahuë.

Lucas 8:31

“Ama parisitopiquë aꞌpacoisohuëꞌ,” itantapi.

Romanos 10:7

“¿Intaꞌ chimipiroꞌsaꞌ yaꞌhuëpiquë papon ina quëran Cristo quënantacaso marëꞌ?” co taꞌcasoꞌ yaꞌhuërinhuëꞌ. Nani nanpiantarin.

Apocalipsis 1:18

Nanpiárahuë. Chiminaporahuëꞌ, nanpiantarahuë. Casoꞌ chini chiníquën nanantërahuë. Onporosona chiminacaisoꞌ cari shaꞌhuitarahuë. Ca nohuantohuato, nanpiapi. Ca nohuantohuato, chiminaponaꞌ. Co imarinacosopitahuëꞌ chiminpachinaꞌ, parisitopiquë aꞌpararahuë.

Apocalipsis 1:20

Niꞌnansoꞌ co quëmaora nitotopiranhuëꞌ, aꞌchinchinquën nitotëquëꞌ. Canchisë sëꞌparahuan nanparinoꞌsasoꞌ noya aꞌpinin. Inapochachin canchisë ninanoroꞌsaquë imarinacosopita yaꞌhuapi. Niyontonatonaꞌ, chinotarinaco. Canchisë tayoraroꞌsaꞌ sëꞌquërahuëso pochin ansianoꞌsaꞌ aꞌpaiarahuë, itërinco.

Apocalipsis 11:7

Nani yaꞌipi noyá pënëntohuachinaꞌ, co huachi aquëtëꞌ pënëntacasoꞌ yaꞌhuaponhuëꞌ. Naporoꞌ maꞌsha paꞌpi tëꞌhuatoro nininsoꞌ yaꞌnoarin. Acoporoꞌ quëran huëꞌsarin. Huëꞌsahuaton, cato yaꞌpi ahuëquiarin. Ina quëran minsërahuaton, tëpararin.

Apocalipsis 17:8

Iráca isoroꞌpaquë yaꞌhuërin. Iporasoꞌ co yaꞌhuërinhuëꞌ. Aꞌna tahuëriso nipirinhuëꞌ yaꞌnoantarin. Acoporoꞌ quëran huëantarin. Ayaroꞌ tahuëri nanihuachin, parisitopiquë paꞌsarin. Nipirinhuëꞌ, coꞌhuara paꞌshátërasohuëꞌ, aꞌnanaya yaꞌnoantahuaton, piyapiꞌsaꞌ aꞌpayanarin. Co Quisoso imapihuëꞌ niꞌton, paꞌyanapi. Quisoso imapi naporini, iráca quëran huarëꞌ nininënpita nanpirin quiricaquë ninshichitonhuëꞌ.

Apocalipsis 20:1

Ina quëran aꞌna anquënintaꞌ inápa quëran oꞌmararin, niꞌnahuë. Panca catina, niahui, inapita sëꞌquërin. Niahuisoꞌ sopairoꞌsaꞌ oncorapirinsoꞌ parti iꞌsoacaso marëꞌ sëꞌquërin.

Apocalipsis 20:10

Ina quëran sopai anaꞌintomiatarin. Huaꞌquiꞌ piyapiꞌsaꞌ nonpintërin niꞌton, Yosëri anaꞌintarin. Panca sono shaꞌpimoꞌshirë chachin pën orotërinquë tëꞌyatarin. Co onporontaꞌ pipiarinhuëꞌ. Inaquë maꞌsha paꞌpi tëꞌhuatoroꞌ nininsontaꞌ parisitarin. Nonpin nanan pënëntonaꞌpintaꞌ inaquë chachin parisitarin. Tahuërirë chachin, tashirë chachin chiníquën parisitapi. Co onporontaꞌ sanoarinhuëꞌ. Co onporontaꞌ pipiapihuëꞌ.

Apocalipsis 6:13

Naporahuaton, tayoraroꞌsantaꞌ anotapi. Iquira nara nitërinsoꞌ canora niponahuëꞌ, panca ihuan paꞌpachina, notohuaro shitatërinso pochin nisapi.

Apocalipsis 8:10

Ina quëran aꞌna anquënintaꞌ pihuiantahuachina, panca tayora anotarin, panca orotërinsoꞌ. Anotohuachina, Yosë nohuanton, patoma pochin iiroꞌsaꞌ tapiarin.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.

Apocalipsis 8:2

Ina quëran canchisë anquëniroꞌsaꞌ quënanahuë. Yosë notënanquë huanirapi. Inaquë huanihuachinara, aꞌnaya aꞌnaya tronpita quëtopi pihuicaiso marëꞌ.

Apocalipsis 9:2

Iꞌsoatohuachina, acopo quëran conaiꞌ pipiarin. Yaráchin tomontarin. Panca pën quëran tomontërinso pochin pipiton, piꞌi yaꞌcopiarin. Yaꞌipi parti tashiarin.