Apocalipsis 8:8 - Chayahuita (Shahui)

⁸ Ina quëran aꞌna anquënintaꞌ tronpita pihuiantarin. Pihuiantahuachina, panca motopi pochin nininsoꞌ niꞌnahuë. Pën pochin orotërimarin. Yosë nohuanton, marëquë anoitërin. Inaquë anotohuachina, patoma pochin marë huënai taranin.

Apocalipsis 8:8 ပူးပေါင်းရင်းမြစ်များ

Amós 7:4

Ina piquëran Siniorosoꞌ, pën quëran yaꞌhuërë anaꞌintiinpoaso yonquirinsoꞌ, aꞌnotaantarinco. Paꞌpi huëya pën mashori panca marë anpotërinsoꞌ, ayanimiatërin. Iminoꞌsaꞌ, pastoroꞌsaꞌ, inapitanta huëyarantararin.

Marcos 11:23

Inasoꞌ, yaꞌipi nanitaparin. Ina nontohuatamaꞌ, chiníquën natëcoꞌ: “Co Yosë catahuarincohuëꞌ,” ama tocosohuëꞌ. Yaꞌipi cancanëma quëran ina natëhuatamaꞌ, catahuarinquëmaꞌ. “Yosë nohuanton, iso motopi marëquë nichiꞌhuincain,” tënamaꞌ naporini, ina nohuanton nichiꞌhuincaitonhuëꞌ.

Apocalipsis 11:6

Iráca pënëntonaꞌpiroꞌsaꞌ nani maꞌsha nipi piyapiꞌsaꞌ ayonquicaiso marëꞌ. Inapochachin catoyaꞌpi Yosëri aꞌparinsoꞌ, nani maꞌsha nanitapaapi. Yosë nontahuachinaꞌ, co oꞌnanaponhuëꞌ. Inapotatonaꞌ, pënëntáponaꞌ. Tëquëiontaꞌ nontahuachinaꞌ, huënaiꞌ taranapon. Ina quëran Yosë nohuanton, nisha nisha canioroꞌsaꞌ acorapi Yosë yonquicaiso marëꞌ.

Apocalipsis 12:4

Huinamën quëran inápaquë huihuicontahuachina, tayoraroꞌsaꞌ aꞌtëntontarahuaton, isoroꞌpaquë tëꞌyatimarin. Patoma pochin tëꞌyatimarin. Ina quëran huaꞌnarëso pochin quënantarahuë. Panca yaꞌhuan pochin nininsoꞌ paꞌnin. Sanapi notënanquë huaniarin. “Huaihuachin, huaꞌhuin matahuato, caꞌsarahuë,” taꞌton, ninararin.

Apocalipsis 8:7

Yaꞌnan pihuirinsoꞌ irinpachina, Yosë nohuanton, ocaiꞌ, pën, inapita inápa quëran anotarin. Huënairë chachin anotarin. Pancana huiquitarin. Patoma pochin huiquitarin. [Cacharonquë un tercero, topisoꞌ.] Nararoꞌsaꞌ, panpatëroꞌ inapitanta napochachin huiquitarin.

Apocalipsis 9:15

Itohuachina, anquëniroꞌsaꞌ aꞌparin piyapiꞌsaꞌ anaꞌintacaiso marëꞌ. Iráca inaquë acopirinhuëꞌ. Nani ora nanirin niꞌton, aꞌparin huachi patoma pochin piyapiꞌsaꞌ tëpacaiso marëꞌ.

Apocalipsis 9:18

Cahuarioroꞌsa nanamëna quëran inapita pipirahuatonaꞌ, patoma pochin piyapiꞌsaꞌ tëparapi. Notohuaroꞌ chiminapi.