Apocalipsis 8:3 - Chayahuita (Shahui)

^3-4 Coꞌhuara pihuiyatërasoihuëꞌ, aꞌna anquënintaꞌ huëcaton, Yosë chinotopiquë artaroaꞌhuaya notënanquë huaniconin. Aꞌpëtinan oro quëran nininsoꞌ sëꞌquërin. Inaquë naꞌa yonarin pochin pimóchin nininsoꞌ acorin panca tomontacaso marëꞌ. Yosë yaꞌhuërinquë chachin tomontarin. Tomontërinso pochin Yosë imapisopitantaꞌ ina nontápi. “Ma noyanquëncha quëmaso paya. Nani tahuëri catahuacoi, Sinioro,” itohuachinara, noya natanin.

Apocalipsis 8:3 ပူးပေါင်းရင်းမြစ်များ

Éxodo 40:26

Artaroaꞌhua oro quëran nipisonta acorin. Yaꞌnatiirinso patoana tanónën nëꞌmëtëquë patonpiso yaꞌcariꞌ, acorin.

Isaías 6:6

Naporo chachin pën pochin yaꞌnorinso anquëni, huëcapairinco. Artaro aipi pënaya yaꞌhuërinso naquëtinanquë aquëtahuaton, quëshiantërinco.

Amós 9:1

Naquëranchin huaꞌnarëso pochin Sinioro quënaantarahuë. Inasoꞌ, artaro pirayan huaniton shaꞌhuitërinco: “Chinotërinacoso pëi onënënpita aipi motën pochin acotopisoꞌ, ahuëquëꞌ. Inapotohuatan, chinotërinacoso pëi nacontapon. Pairanënpita, pëi aꞌcanpisoꞌ, inapita nacontatona piyapiꞌsa aipi anochinaꞌ. Nopoato nopoatotatonaꞌ, piyapiꞌsa niꞌpiꞌin. Ina quëran chaꞌëpisopitasoꞌ, ca nohuanton sahuëni quëran tëpaponaꞌ. Yataꞌapirinahuëꞌ, co aꞌnaya tëranta chaꞌëponhuëꞌ.

Malaquías 1:11

Yaꞌipi isoroꞌpaquë nisha nisha piyapiroꞌsa yaꞌhuëpisoꞌ, noya nicatonaco natërinaco. Inapotatonaco yonarin pochin nininsoꞌ, chinotiinacoso marëꞌ aꞌpëpi. Naporahuaton noya nininsopita maꞌsha quëshirinaco.

Lucas 1:10

Aꞌpësoꞌ, naꞌa piyapiꞌsaꞌ aipiran huanirahuatonaꞌ, Yosë nontapi.

Romanos 8:34

Yosë noya niꞌninpoa niꞌton, co insonta nanitërinhuë anaꞌintinpoasoꞌ. Quisocristo oshanënpoaꞌ inquitinpoaso marëꞌ chiminin. Ina quëran nanpiantarin. Yosë inchinanën quëran yaꞌhuaton, canpoa marëꞌ Yosë nontárin.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.

Hebreos 9:4

Nëꞌmëtëꞌ yaꞌcariya aꞌna misaꞌhuaya yaꞌhuërin, oro quëran nipisoꞌ. Inaquë yonarin pochin pimóchin nininsoꞌ aꞌpëpi tomontacaso marëꞌ. Yosë caposonëontaꞌ yaꞌhuërin. Aipiran, acoporan, yaꞌipi oro quëran achinpitopi. Caposo acopoana yonsha oro quëran nipisoꞌ yaꞌhuërin. Inaquë piꞌpian cosharoꞌ Yosëri inápa quëran aꞌpaimarinsoꞌ poꞌmorin, mana itopisoꞌ. Aaron pitananëontaꞌ inaquë poꞌmorin. Inasoꞌ noyá yaniponahuëꞌ, Yosë nohuanton, aꞌnaroáchin papotantarin piyapinënpita yonquicaiso marëꞌ. Naporahuaton, catoꞌ naꞌpitëaꞌhuayantaꞌ inaquë acopi. Inaquë Yosë pënëntërinsoꞌ nani ninshitopi. Iráca anoyatërinsoꞌ itopisoꞌ.

Apocalipsis 10:1

Ina quëran huaꞌnarëso pochin aꞌna anquënintaꞌ niantarahuë, chiníquën nanantërinsoꞌ. Chitoroꞌ huancana inápa quëran oꞌmararin. Motën yahuaꞌtani tahuitërin. Yaꞌpirin piꞌi pochin aꞌpinin. Tonaintaꞌ pën pochin yaꞌnoarin.

Apocalipsis 14:18

Aꞌna anquënintaꞌ Yosë chinotopi quëran huëꞌnin. Inari pën niꞌsarin ora nanihuachin, anaꞌintacaso marëꞌ. Huëcaton, shaꞌhuitërin: —Nani ora nanirin isoroꞌpaꞌ anaꞌintacaso marëꞌ. Opa cayahuachina, manëso pochachin aꞌnaroáchin maquëꞌ, itërin anquëniri.

Apocalipsis 5:8

Nani maꞌpahuachina, maꞌsharoꞌsa pochin nininsopita isonahuatonaꞌ, Carniroaꞌhua chinotapi. Ansianoꞌsantaꞌ isonahuatonaꞌ, ina chinotapi. Aꞌnaya aꞌnaya arparoꞌsaꞌ sëꞌquëpi piꞌniatonaꞌ chinotacaiso marëꞌ. Sënaontaꞌ aꞌnaya aꞌnaya quëpapi, oro quëran nininsoꞌ. Inaquë yonarin pochin pimóchin nininsoꞌ yaꞌhuërin tomontacaso marëꞌ. Tomontërinso pochin imarëhuasopita Yosë nontërëhuaꞌ. “Nontohuatëhuaꞌ, noya nataninpoaꞌ,” taꞌtonaꞌ, Yosë chinotapi.

Apocalipsis 6:9

Ina quëran aꞌna toꞌniquë achinpitërinsoꞌ iꞌshotantarin. Iꞌshotantahuachina, artaro Yosë chinotacaso marëꞌ acorinsoꞌ inápaquë niꞌnahuë. Inaanaquë naꞌa imapisopita chiminpisopita quënanahuë. Nanpiponaꞌ, nóya imapi. Co tëꞌhuatonaraihuëꞌ, Yosë nanamën aꞌchinpi. Ina marëꞌ tëpapi.

Apocalipsis 7:2

Ina quëran aꞌnanaya aꞌna anquënintaꞌ yaꞌnoantarin. Piꞌi pipirinsoꞌ parti quëran huëꞌsahuaton, huaꞌnaꞌhuaya quësarin Tata Yosë marcanën acocaso marëꞌ. Inasoꞌ catapini anquëniroꞌsaꞌ shaꞌhuitërin:

Apocalipsis 8:5

Ina quëran anquëni Yosë artaronënquë yaꞌcaritahuaton, naꞌa pënayaꞌ manin. Aꞌpëtinanquë acorahuaton, isoroꞌpaquë tëꞌyatërin. Tëꞌyatohuachina, aꞌnaroáchin huira pochin natanahuë. Chiníquën tënëntërin. Oꞌcorintaꞌ huënsha huënshaꞌtarin. Naporahuaton, panca ocohua paꞌnin. (Nani huachi Yosëri anaꞌintarin, tënahuë.)

Apocalipsis 9:13

Yosë nohuanton, nani aꞌnatërápo anquëniroꞌsaꞌ tronpita pihuipi co noyahuëꞌ nipisopita anaꞌintacaiso marëꞌ. Ina quëran aꞌna anquënintaꞌ pihuiantahuachina, inápaquë nontërinsoꞌ natanahuë. Artaroaꞌhuaya pomonënpita huáncana quëran nontaton, pihuitonaꞌpi itapon: