Apocalipsis 8:13 - Chayahuita (Shahui)

¹³ Ina quëran panca onian quënanahuë. Inápaquë aꞌninquëchin yanponarin. Piyapi pochin noninsoꞌ natanahuë. —¡Maꞌhuantacha nisapi paya! Yosë aꞌpopi niꞌton, piyapiꞌsaꞌ chiníquën parisitaponaꞌ. Aꞌnapita anquëniroꞌsaꞌ pihuiantahuachina, isoroꞌpaquë yaꞌhuëpisopita aquë aquëtëꞌ parisitaponaꞌ, tënin.

Apocalipsis 8:13 ပူးပေါင်းရင်းမြစ်များ

Salmos 103:20

Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Ezequiel 2:10

Oporiantohuachincora niꞌpirahuëꞌ, sëtatona oshaapisoꞌ, co napion ancantatonaꞌ, ¡maꞌhuántacha ninai paya! topisoꞌ, parisitatona tarëtopisoꞌ, inapita catoran chachin ninshitopinan yaꞌhuërin.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Apocalipsis 11:14

Nani catoroꞌ parisitapisoꞌ niꞌnahuë. Shiarahuaton, aꞌnantaꞌ aꞌnotantarinco. Huaꞌnarëso pochin niꞌnahuësoꞌ shaꞌhuichinquëmaꞌ.

Apocalipsis 12:12

Napoaton inápaquë yaꞌhuëpisopita noya cancanchinaꞌ. Yaꞌipiroꞌpaquë, marëquë, inaquëpita yaꞌhuëpisopitaso nipirinhuëꞌ, parisitapi. ¡Maꞌhuantacha nisapi paya! Sopai paꞌsárin minsëcaso marëꞌ. ‘Co huaꞌquiya quëranhuëꞌ Yosë anaꞌintarinco,’ taꞌton, chiníquën noꞌhuitërin. Noꞌhuitaton, piyapiꞌsaꞌ yaminsërin.”

Apocalipsis 14:3

Nasha cantanën inápaquë cantarapi. Yosë notënanquë cantarapi. Ansianoꞌsaꞌ, catapini maꞌsharoꞌsa pochin nininsopita, inapitantaꞌ natanapi. Pasa catapini shonca catapini huaranca imapisopita cantapisoꞌ. Isoroꞌpaquë yaꞌhuaponaꞌ, Quisosori nichaꞌërin. Oshanëna marëꞌ chiminaton, anoyacancantërin niꞌton, inapitaráchin nanitopi ina cantacaisoꞌ.

Apocalipsis 14:6

Ina quëran aꞌna anquënintaꞌ quënanahuë. Inápaquë yanponarin noya nanan shaꞌhuicaso marëꞌ. Nisha nisha piyapiꞌsaꞌ, nisha nisha nananquë nonpisopita, yaꞌipiya shaꞌhuitarin.

Apocalipsis 19:17

Ina quëran aꞌna anquënintaꞌ quënantarahuë. Inápaquë piꞌi aꞌpininquë huanirahuaton, soporoꞌsaꞌ përasarin. Yaꞌipi chanaroꞌ caꞌtëroꞌsaꞌ chiníquën përasarin. —Huëcoꞌ Yosëri ataꞌhuantarinsopita caꞌquicoꞌ.

Apocalipsis 3:10

Chiníquën cancantatomaꞌ, imamiatoco, itëranquëmaꞌ. Natëramaco niꞌton, carinquëmantaꞌ naꞌcon catahuaranquëmaꞌ. Aꞌna tahuëri yaꞌipi isoroꞌpaquë yaꞌhuëpisopita chiníquën aparisitarahuë tënicaꞌhuaso marëꞌ. Co naporoꞌ parisitaramahuëꞌ. Nichaꞌësaranquëmaꞌ.

Apocalipsis 8:2

Ina quëran canchisë anquëniroꞌsaꞌ quënanahuë. Yosë notënanquë huanirapi. Inaquë huanihuachinara, aꞌnaya aꞌnaya tronpita quëtopi pihuicaiso marëꞌ.

Apocalipsis 9:1

Ina piquëran aꞌna anquënintaꞌ pihuiantahuachina, tayora anotërinso pochin aꞌnantaꞌ oꞌmarin. Yosë nohuanton, chiníquën nanan yaꞌhuëtërin sopairoꞌsaꞌ oncorapirinsoꞌ parti iꞌsoatacaso marëꞌ. Nanin acoporoꞌ paꞌninsoꞌ iꞌsoatarin.

Apocalipsis 9:12

Naꞌcon parisitacaisoꞌ ninoton, nani aꞌnotërinco. Ina niꞌpirahuëꞌ, naꞌcon naꞌcon parisitacasoꞌ yaꞌhuapon. Catoroꞌ aparisitacasoꞌ pahuanarin nicaꞌhuasoꞌ.